في يوم من الايام اراد ابي الذهاب بنا الى الجنوب وطبعا انا وخشتي جيت ابغا اتفلسف قولت مانبرايحين الجنوب قال ابوي ليش قلت الجنوب كل سنه غيرو طبعا الولد مايحب يكثر كلام عطاني كف علمني بعده اصول الاحترام بس كف طلع فيه روحي المهم جهزنا الاغراض وكل شي ومشينا وكالعاده شويت حوادث على الخط على شويت تفقيع كفرات وكل شوي منزليني اغير كفر من زين السياره المهم يوم وصلنا رحنا زي كل سنه فندق السعاده وصلنا الفندق ودخلت الشقه الي اخذناها قصدي الجناح<< اي هين>> ورايت ذالك الفراش الجذاب واذ بي اقفز عليه واغط في نوم عميق واشخر انا واهلي كلهم ونشخر ونواصل الشخير حتى العشاء طبعا حنى وصلنا الفندق الفجر لكن الخط وما يسوي المهم بعد العشاء تجهزنا وكل شي ورحنا لم جداني وطبعا قمه الغثاثه عيال عمي هناك ويوم وصلنا نزلنا وسلمت على عيال عمي الغثيثين وتكيت معهم وسوالفهم كلها صفقت هذاك ولعنت جدف ذاك وانت لو تقله بو خش تحت الكنب المخم خلصنا الجلسه وتعشينا وكل شي وقعدت معا عيال عمي اسولف والعب بلايستيشن وكيرم اللعبه المشهوره في الجنوب وعندما انهينا اللعب على الساعه 12 وعليها جيت ابي اطلع لما البقاله وطبعا طلعتلي اغث شخصيه على وجه الكون الي هو اصغر عيال عمي قال على وين قلت ابوي وانا مادري قال تكفى فين رايح قلت البقاله قال بخاويك قلت يلله طبعا ماقدر ارده لاتحسبونه اني احبه ولا شي لا الا لايعطيني محاضره غثيثه زي وجهه لين الفجر طبعا انا جتني فكره ذكيه وغبيه في نفس الوقت قلت له رح انت مع الطريق هذا وانا بروح مع الثاني هو ماصدق على الله حتى غباره معاد شفته طبعا انا من زود الذكاء قلتله يروح مع الطريق المنور وانا مع المظلم طبعا المنور 5 دقايق وهو في البقاله اما المظلم مسيره الف عام الموهم مشيت وبينما انا امشي وحط السماعه في اذني واسمع اغنيه اصاله سوها قلبي الا واشوف شي اسود وطويل يمشي قدامي طبعا نصفي راح وقفت انا ظر نزلت السماعه قلت بسم الله وقمت اتوهم ونزل على راسي بحر من الافكار المخيفه وقلت في نفسي يا للهول اهو جني بسم الله قمت اسمي على نفسي ومشيت ولاكنه صار شي ولد الا وشوفه مره ثانيه انا جاني غثيان بغيت ارجع على نفسي من قوت الموقف وطبعا مرسم انا ووجهي قلت اسحب عليه مايسوي شي وشوي <<تخيلو الموقف معي >> الاواسمع صوت نعول وراي انا التفت وانا على وشك الوفاه واناظر الا وذاك العير وراي وافك امها ترسيمه وحطيت رجلي لانعول ولاهم ويوم وصلت المخرج يعني الفتحه الي تطلعك على الشارع الي فيه البقاله الا واشوفه جمب الفتحه قلت في نفسي جني لامحاله بسم الله واعدي زي البرق ويحطلي رجله وامسح نص الشارع العام على وجهي انا من الخوف طوالي قمت وجريت على البقاله الا وتجيني حصى على راسي من ورا الا وينزف دم واكمل الخط لين ما وصلت ويناظر فيني ولد عمي ويقولي عسى ماشر طالع من حرب انا اناظر حولي ابي الاقي شي افك به راسه وهو قاعد يضحك علي واجيه واعطيه كف طلعت فيه روحه المهم هو اشترى من البقاله وانا باقي مخروش من الموقف يوم وصلنا البيت انا رحت تروشت ولقيت عيال عمي الباقين يسولفون تكيت معهم المهم جت الساعه2 الا ويقولون يله الفراش قلت معكم اجل قالو يلله واروح والقي الغرفه حقتهم جمب الباب الي يطلعك على الخط الترابي قلت اعوذ بالله مالقيتو الا ذالغرفه قالو مافي غيرها واروح عند عمتي قلت ابجي انام في القسم الي عندكم قامت قالت لا انت كبير طبعا العايله الكريمه عندها قانون فوق سن 17 مايخش عند الحريم قلت مابي انام عندهم قالت ليش قلت بس مابي جنب ذاك الباب طبعا الاخت الكريمه ماتدري بالسالفه قامت تناظر في النعول الي على الارض وقامت وخذت اكبر كعب قالت انت رجال روح نام هناك لااطلع عيونك بذالكعب قلت انشالله واروح انسدح على الفراش والغرفه مظلمه الا واسمع صوت الباب الخارجي الي يطلع على البرحه طبعا الباب هذاك مايخش معه الا جدي وجدي قاعد يشخر الا واسمع ضحك قلت اما جاء يسوي زياره انا من قوت الخوف خشيت موتحت الفراش لا تحت الموكيت المهم انفتح الباب الفاصل الي يفصل ين الحريم والرجال واسمع الحريم يصيحون واقوم انا سوبر مان لانقاذهم وشوي معاد فيه اصوات قلت اما خلص عليهم انا قعد احبي لين ماوصلت باب الغرفه ابي اناظر وش صار الا واشوف رجل ذاك العير عند الباب انا نشفت الحم نشف معاد باقي غير عضامي عاد هو ولع النور يوم ولعه وانقز 3 امتار لين وصلت حضن ولد عمي هو انخرش نقز وصل السقف حق الغرفه من الفزعه ناظرت الا وهو عبد اكوح واقف عند الباب يضحك قلت من انت قال انا السواق قلت ليش تضحك ويطلع جوالي ويعطيني انا قمت ادور في جيوبي ادور على الجوال مالقيته قلت وين لقيته قال برا قلت كيف قال انا الي كنت اطردك من اليوم قلت في نفسي يلعن شكل الي مايقتلك الحين قلتله ليش قال عشان في ناس دايم يجون اخر اليل ويكسرون قزاز السياره وحسبتك واحد منهم انا ماتخيلت السالفه قلت انتقم منه الحين واقوم واديله شلوت شقيتلوه صروله وهو يضحك ثمن تاسف مني هو يتاسف وانا وجهي تقول طماط ودي اموهله برجلي واسطره بيدي وانا ظر في ولد عمي وهو معلق فالسقف وعيال عمي يضحكون والغثيث يضحك معهم وقال الغثيث تراني ادري انه هو الي مسوي فيك كذا انا مسكت ولد عمي وكفرت فيه وهنا نكون قد انهينا اذاعه هذاليوم على امل القاء بكم في اذاعه قادمه والسلام عليكم ورحمه الله وبراكته واسف اذا كنت طولت عليكم وامل ان القصه تحوز على رضى الكل <<رضى الكل ولا رضى تكر>> سلام ابروح اشخرررررررررررررررررررررررررررر
إعلاني .....!!!
أنتحـــارشـــــــــاب
ياســـــمين
هنا تطرح القصص المشاركه في مسابقة أجمل قصة فكاهية
تعليق