أبـسـط حـقـوقـه ... غـنـي .. !!!

[~ وســـم ~]

الاخوة والاخوات أحباب الشعر والأدب ...
مايلي .... لا أعتبره الا احد أعراض مرحلة ماقبل النوم !!!!
تذكرت فكرة احدى قصائد الشاعر الأمير عبدالرحمن بن مساعد ولكن للأسف لا اعرف كلماتها رغم حبي للشعر البعيد عن الحب والغزل !!!
فأحببت استخدام الفكره بكلماتي ....
وكما قلت ..... تصبحون على غير

**** أبــســط حقـوقـه ... غـنـي !! ****

انثر الورد ياعامل .....
لمعوا ذاك الخزف ....
ضيفنا اليوم مو عادي .....
ضيفنا .... عضو الشرف ...
.......
يدخل القاعه بغروره ....
وفي الجدار الأبيض الواسع ...
علقوا له احلى صـورة ....
أبســط حقوقـه ... غـني !!!!
كل من في القاعه .... باحترامه اعترف !!!!
أسهل افعاله بمليون ....
أبسط أقواله درر ...
وكل أملاكه ... تحف !!!
.......
بدأ الاجتماع ... تسكت القاعه ومن فيها ....
الا الغني ... من نقاش الى خصام ...
واحيان يسمعهم ُطرف !!!!
ابسط حقوقه .... غني
........
ما تهم ذيك الشهاده ....
أو حتى مكان ميلاده .....
ان كان قصر ... !!
أو شقه .. كلها أربع غرف !!!
المهم .... انه غني ......
بالتجارة محـترف ...... !!!
.......
ينتهي ذا الاجتماع .....
وطبعا العضو الكبير ...
تعب بالاجتماع وطول ساعاته .....
خذ عياله ... وراح يمارس هواياته.....
الكذب .....
وشوفة البحر ....
ولا باس ....بانواع الترف !!!!
........ المشهد الأخير ... في البـحـر
فجأه ......
جاهم المسكين يطلبهم قليل ....
ايده مشلوله ..... ودموعه تسيل .....
وايام افراحه صدف .....
وبكل جرأه ... قال الولد
" بابا ... وش هذا القرف ؟؟ "
يضحك الوالد ..... يبتسم ....
ثم في نظرة غرور ....
فيها من القسوة قسم .....
طالع المسكين وقال ....
" ياخي دورلك عمل
شغلتك هذي , مافيها شرف !!!!! "
أبسط حقوقك .... يـا غـني !!!!!


أتمنى تمشوها لي ... ترى والله أدري طلعه غلط ..... .... أبسط حقوقي .... فقير

يالله تصبحون على ألف خير وكورن فليكس

[ًصديق الحزن]

انت 100%

انا اشهد لوفيه مثلك مائه كان الدنيا بخير احلى من اي قصيده سمعت الى اليوم وانا اول مره اشوف مثل هذه القصيده شكررررررررررا لك على قيصدتك عزيزي .........!

[جلال الخالدي]

كيف طالعه غلط ياوسم ؟؟

ياخي روعه .... روعه .... روعه .... ماشالله عليك ....

فعلاً شاعر رائع ياوسم ....

تسلم إيديك الثنتين والله لا يحرمنا من إبداعاتك ....

ولك مني التحيّه .... كسبناك ياوسم

اخوك المعجب بمشاركاتك

جلال

[~ وســـم ~]

أخي العزيز ... صـديق الحـزن

اشكر لك الحضور والكلام اللي كتبت ....... لا عدمتك ياغالي ..

دائماً ... سلمك ربي

[~ وســـم ~]

استاذي العزيز جــلال الخــالـدي

ياهلا فيك يا ماسة المنتدى ونورها الدائم ...

والمكسب الحقيقي لي تمثل في وجودك الغالي في هذه الصفحه ....

تسلم .... ولك كل التحيه واغلاها ...

دائماً ... وأبداً .... سلمك ربي ...

[ليالي الشوق]

سلّمك ربي يا ~ وسم ~

خيال جميل .. !! وتعابير أجمل ..!!

ودوام الحال من المحال !!

أهلا..

[عنان السماء]

السلام عليكم ورحمة الله

فعلا يا أخي وسم فنحن نرى وللأسف فئات كثيرة من هذه النوعية

سلمت يداك عندما خطت تلك الكلمات والتي تعكس إحدى الظواهر السيئة في مجتمعاتنا
وقد قال جل جلاله (وأما السائل فلا تنهر) سورة الضحى

تحياتي لك

[الظل القصير]

الله عليك ياوسم..

حلوة هذه القصيدة..

قصايد عبد الرحمن..كلها روعة..

والله انك عرفت تختار..تسلم اخوي

[~ وســـم ~]

الاخت العزيزة ... الظل القصير

حلوة قصايد الأمير عبدالرحمن .... ( أكــيـــد )

حلوة هذي القصيده .... ( يـمــكـن !! )

عرفت اختار ... ..... لا ...... )

لأن القصيده أنا كاتبها

الفكره فقط من احدى قصائد الأمير عبدالرحمن بن مساعد لكن لا يوجد أي تشابه بين القصيدتين

لك التحيه ودائماً ... سلمك ربي

[~ وســـم ~]

الأخت الغاليه .... لــيــالـي الشــوق

دائماً .... أنت الأجمل

وحضورك دائماً " غير شكل " ولك تحياتي كلها ...

دائماً سلمك ربي

[~ وســـم ~]

الاخت الغاليه عنـان السـمـاء

أتشرف غاليتي بوجودك هنا ....

هي محاوله للتذكير بأمر يحصل كثيراً .... ومحاوله بسيطه للخروج بالشعر من قفص الحب .. !! الى مكان أنبل وذو هدف أسمى ... برأيي هذا هو الشعر ...

لك كل التحيه ولا تحرمينا نور وجودك ...

دائماً ... سلمك ربي

[عذاب نون]

عالبطاطــــــا البطاطــــــا...يا عيني عالبطاطــــا...(صباح)

والله ما فيه أحلى من حياة البساطة...وعمر الفلوس والجاه ما جابوا السعادة والهناء...واللي ينفخ روحه بفلوسه...لازم الأيام تفـــشــــــّه لو وين ما ارتفع...والاّ انتو ايش رايكم؟؟

مشاركة جميلة يا عزيزي...ســـــــــــــلام...



يا خوفي جلال يزعل من السيقان

[~ وســـم ~]

أخي الغالي ... عــذاب نــون

ياهلا فيك وفي البطاطه والبساطه ..... صدقني انت الأجمل ...

بصراحه فرحت يوم شفت ردك وقلت الرجال عقل وحركااااااات ...

شفت السيقان ....... تراجعت عن اللي فكرت فيه

عموماً ... هلا فيك .. وفي عذابك ... وفي البطاطه والبساطه والسيقان !!!!!

لك كل التحيه وخلنا نشوفك ... دائماً سلمك ربي

[نايف العبيد]

عبدالرحمن بن مساعد رقم 2 ياوسم كفانا الله شر هالمغرورين واغلبهم من هالاغنياء بالتاكيد
صح لسانك وسلااااااااامي

[جلال الخالدي]

يازين الثقل والعقل ..

تحياتي لك اخي وسم ..بعد اذنك
عذاب نون إذا إنت راضي عنهن فأنا راضي صاير مدير مدرسه بينكم انا اسكت ياولد
واقعد ياولد ماصارت وين اولياء اموركم ؟؟؟؟؟؟
يا نايف ... انا هالمره حذفت بس مره ثانيه فلكه ... واستدعاء ولي امر ...وتبي شي من احد
الله لا يهينك عندك الرسائل الخاصه ولا تحرجني هنا
اقول ياوسم ...
وش رايك بهالبلشه بالله ... صرنا في مدرسة اطفال مهو منتدى

[نايف العبيد]

السموحه يابو حمود ومنك العذر بس والله ماقلت شي غلط عموما اسفين والغرض كان
مزح لا غير ونسيت احسب اني في تسالي خخخخخخخ لوووووووووول
سلاااااااااااااااااااااامي

[~ وســـم ~]

اخوي الغالي جـــلال ...

انت قصدك بالبلشه الأطفال ولا المنتدى ولا السيقان ..... ؟؟

عموماً الجدار جدراكم كل اللي سويته انا بعض الشخاميط ..... عاد انتم عليكم المسح والتعديل

وتسلم اخوي نايف على الرد وانشالله نزوركم في الأفراح ....

على فكره تراني قريت الرد اللي انحذف ....

لعد تعيدها وتحرج الرجال

تحياتي لك ودائماً سلمك ربي

[sh1122]

مرحبا بالجميع ...

أهلاً باخي الغالي / وســـم ... المحترم

تسلم اخوي على كلماتك الجميله .

الصراحه لا تطلعت غلط لا شئ .

بالعكس روعه وفي قمة الروعه .

وما شاء الله عليك اخوي كل يوم وانت تأتي لنا بجديد ورائع .

فأنت حقيقتاً مبدع . واتمنى لك التوفيق وإلى الامام .

تقبل تحياتي .
اخوك / sh1122

[عذاب نون]

احنا عندنا ناظر مدرسة...ولا فيش منـــــّـــــوه !!

شكرا لحضورك المميــــز يا أخ جلال...سلمك ربي

...

_________________

نون...نون...نون: عــــــــذاب نـــــــون

[~ وســـم ~]

اخوي العزيز ... شـــاكـــر

أهلا وسهلا فيك يالغالي والروعه صدقني بعيونك انت واللي حولك ياخذ منها ... شوي

منوّر ولا تحرمنا شوفة حروفك ....

لك تحياتي ودائماً .... سلمك ربي