قصيدة التحدي بين ايديكم ياشعراء المنتدى (عديم احساس)

[عديم احساس]

السلام عليكم ورحمة الله وبركاته


اخواني اهداف التحدي كثيره ومنها خلق روح التنافس الشريف بين اعضاء المنتدى وليس هناك خاسر بل الجميع رابح في هذا التحدي ويحق لكل عضو ان يقوم بعمل تحدي اخر على مايريده


الليكم هذه القصيده



ياراكب اللي كل مادستله فز
------------------------------------ فزت شياهينٍ بفك الحجازي

بي ام دبليو جيب توه محفز
------------------------------------ امن الوكاله في غبرة القزازي

انوار زينهم يوم يقدح ولك قز
------------------------------------ كنه قمر خمسة عشر بالتوازي

حتى المراتب جلد ريمٍ مطرز
------------------------------------ماورده افطس وعباه قازي

والبدي كنه جسم بنتٍ تهزز
------------------------------------ يغريك لامنه على الخط هازي

دق الاشاره تقل بنتٍ تغمز
------------------------------------ تبي المواعد مير ضاق المجازي

ماركبه المصري ابو هشام معتز
------------------------------------ اللي لصرات الجنيهات عازي

مركاب من هو لرجاجيل عنز
------------------------------------ رجلٍ كريم ولطويلات حازي

ماحدته دنياه للي تطنز
------------------------------------ خبلٍ وفي درب الردى دوم فازي

سجه لبنتٍ تقدح النار وتعز
------------------------------------ بنتٍ عليها يسهج الخط غازي

شعره بسلك الليل حنى وطرز
------------------------------------ وكن النجوم بخدها بالمغازي

حتى العسل في شفته دوم يفرز
------------------------------------ ياما حلى شف العسل بانفرازي

ابو نهودٍ تقل بيضات للوز
------------------------------------ماشده الستيان دوم ارتكازي

فيها الرشاقه ماتبي من يهمز
------------------------------------ لاطبت الميدان هتلر ونازي

حبه بوسط القلب وان لز به لز
------------------------------------ بين الضلوع العوج حبه ولازي

من الشمال لشرق واللي تمركز
------------------------------------ بيني وبينه حد ختم الجوازي

اللي على السيفين نخله وله رمز
------------------------------------ وانا جوازي اخضرٍ بمتيازي

مصيبتي من هو على الباب بوبز
------------------------------------ كنه على البيبان بير ارتوازي

واليا عطيته عذر سرعه تنرفز
------------------------------------ هيه انت وش عندك علينا متوزاي

هذا اخوه ياعرب دوم مشمز
------------------------------------ لاسين لاجيمٍ ولا شي جازي

مدري اكز الحظ والا بعد كز
------------------------------------ ليلي فرح والا بعد بالتعازي

واليوم ياشعار كلٍ يعزز
------------------------------------ الصدر واضح عجز في قاف ازي

وليا بغينا القاف قافٍ وله عز
------------------------------------ اسمع عبادي شوي والا عزازي

واليا ابتعدتم لا تقولون مبتز
------------------------------------ فتوى النميمه في كتاب بن بازي

والملح لا قللت سمج لك الرز
------------------------------------ وان زدت زاد الظغط زاد انتهازي

مدري وش اللي صار مع از في از
------------------------------------ قافٍ عسرته عسر ماهو ابتزازي

واليوم ابي حلٍ على الوقت يركز
------------------------------------ حلٍ كما كنزٍ يصير اكتنازي

وسلامتكم

واعذروني عن الاطاله

ومن لم يستطيع الرد يكفيني منه صح لسانك

ولا داعي او مبرر لتحليلات او الارى

عديم احساس

[ابوهاجوس]

بسم الله الرحمن الرحيم

اخوي /// عديم ألإحساس

أولا لم تخبرنا هل الأبيات من كتاباتك الشعريه أو منقوله !!

على العموم انا إختصرت الرد في خمس أبيات أمل أن تلم بما يدور في القصيده .نعم!!

[poet font="Simplified Arabic,5,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
سر يا قلم واكتب خطاب (ن) معزز === مرسولك سري عليه إحترازي

ما قلت فاابياتك كلام(ن) مطرز === مشكور في مدحك كلام (ن) مجازي

وان كان لي ملاحضه لا تكزز === إسئل خبيرا مرها بجتيازي

لا تمدح اللي عند جيبك ترزز === وتغتر بالنظره وزين إرتكازي

بنت الجزيره جعلها دوم في عز === في كل شي (ن) تختبر بمتيازي

ما قل دل ولا تجاوز وتنهز === حنا نعزك من معزة إعزازي

وسلامتكم


[/poet]

[عديم احساس]

مرحبا

اضيف في الأصل بواسطة ابوهاجوس
اخوي /// عديم ألإحساس

أولا لم تخبرنا هل الأبيات من كتاباتك الشعريه أو منقوله !!

على العموم انا إختصرت الرد في خمس أبيات أمل أن تلم بما يدور في القصيده .نعم!!

[poet font="Simplified Arabic,4,black,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
سر يا قلم واكتب خطاب (ن) معزز === مرسولك سري عليه إحترازي

ما قلت فاابياتك كلام(ن) مطرز === مشكور في مدحك كلام (ن) مجازي

وان كان لي ملاحضه لا تكزز === إسئل خبيرا مرها بجتيازي

لا تمدح اللي عند جيبك ترزز === وتغتر بالنظره وزين إرتكازي

بنت الجزيره جعلها دوم في عز === في كل شي (ن) تختبر بمتيازي

ما قل دل ولا تجاوز وتنهز === حنا نعزك من معزة إعزازي

وسلامتكم


[/poet]

السلام عليكم ورحمة الله وبركاته

اخووي اولا اقولك صح لسانك على الابيات

ثانيا احب اقولك ان اذا ابنقل شي اكتب تحته منقوووووول للعلم بس

والقصيده لي وانا اخوووك

تحياتي على المشاركه عديم

[شـامخ وحيد]

عديم الاحساس



صح لسانك ..قصيده جزله من شاعر جزل..



ابو هاجوس


صح لسانك ..كفيت ووفيت



تحياتي لكم

[إبتسامة الأمــل]

أخــــي إحســاس..

لأكون معك صريحة..

أنا لا أقرأ الشعر في ليلــــــــي..

لـِـذا لاأستطيع أن أكتب أي شئ.. عن ماكتبته أناملك..

إنتظر صبـاحي المشرق.. لعلّني أستطيع قراءة ماكتبت..

شكراً لجهودك...

إبتسامة

[ليالي الشوق]

عديم احساس
***********

يسعد إيامك


و التحدي .. ما زال .. قائما ..


انت رائع ..
.
.


ابوهاجوس
**********


كل هذا ..؟؟؟!!!!!

الله و اكبر

.. فعلا رائع

.. .... ...........


ننتظر البقيه .. و الله يعين على ( الإز في إز )


تحياتي ،، و تمنياتي للجميع ... بكل الخير

(( و أستميحكم العذر .. في تعديل / تصغير حجم الخط في إضافتيكما ))


ليالي الشوق

[الحــايـر]

اولا هلا فيك اخوي عديم الاحسااس
وشكرا على هالقصيده
وبدون اي مقدمات اليك ردي المتواااااضع


يا مرحبا باللي على العز مرتز
.......................................اللي عليه القلب هز اهتزازي

ما الوم انا جفني اذا بالنظر قز
....................................حرفه وغيره بالشعر ما يوازي

عديم حس ويحمل المجد والعز
..................................له في علوم العز صلب ارتكازي

جا يكتبب حروفه بقاف(ن)معزز
......................................كنّه ورود(ن)نرجسيه بقزازي

ما جيت ارد الحل والحل ما فز
................................وما اجيت اقول احلول حره بمجازي

جيتك اهني فيك حرف (ن)تكنّز
...................................حرف(ن)يسوق الشعر يم المغازي

ماني من اللي يعشقون التطنز
.....................................لا والذي جمّع قلوب(ن)عزازي

لو قيموا حرفك على اقل مركز
.........................................اكيد الاول تــنـتهزه انتهازي

يا لعنبو حرف(ن)يعارضك ماافتز
....................................انت الذي مثلك بـيشنى المهازي

لا ما قدرت اوصل غموضك بهاللغز
..................................حتى ولو خليت الامل هو اعتكازي

ولو في ظلامي اشعل النار والقز
.........................................حتى ولو افنيت فيها الغوازي

كني اشوف الياس يمي ينقز
...................................وكنه يقول ابعد ترى اليوم فازي

ابعد عن جدار الامل لا تونز
........................................لالا تفكر له تفك الرموزي

والله لو لاجله قدرت اتجنز
......................................جنز(ن)اذا شفته يعدل مجازي

لا من لبسته شفت انا من يغمّز
................................ما احد(ن)لقى مثله بسوق الحجازي

واللي يبي مثله يقابل ابو العز
.....................................اللي سكن لبنان ارض المغازي

والا لبست شماغ حالي مطرز
...............................وثوب(ن)قماشه من فريد الطرازي

واروح يم اللي من العزه ابرز
.....................................ابو الخليل احمد قديم الجنازي

اللي خلق بحر الشعر بعد ما عز
...................................علم العروض اللي يرد الشمازي

واعزمه انا يم الولايم على الرز
..................................واهديه من طير الصقر حر بازي

واقرا له ابياتك بشكل(ن)مفرز
...............................واعرض عليه اللغز وسط احترازي

واشوف رده والذي فيه يكنز
.......................................يمكن افيدك واكتنزه اكتنازي

اذا عجز حله ترى الفكر يعجز
.................................وارد انا يا احمد عليك التعازي

واذا عرف حله ومز اللغز مز
.................................اشيد انا بفكره بحرف(ن)محفز

هذه حروفي يعلم الله ما ابتز
..............................والحرف في بيتك على الزين حازي

يالعنبوا من يخلط الصقر بالوز
..................................ما يخلط الاثنين كود الكريزي

اعذر حروفي اذا الحل ما لز
.................................الحل عندك ما نريد المهازي

وسلامتكم

تقبل تحيات اخوك

الحاير

[الحــايـر]

تعديل بسيط في بيت من الابيات كتب عن طريق الخطأ

واذا عرف حله ومز اللغز مز
..................................اقدره واعطيه مني امتيازي

باي

[جلال الخالدي]

بالخيرات

[poet font="Simplified Arabic,4,black,normal,normal" bkcolor="" bkimage="" border="double,4,black" type=0 line=200% align=center use=sp char="" num="0,black"]
يامرحبا بالقاف مبني على أز=باول شطوره واخره جاك آزي

بيت يجي مسعوف وملاحقه دز=دز البيوت اللي تجي بالدزازي

لا ياعديم احساس شفتك ترزز=في قافك اللي مالقا له موازي

مايشتكي من عيب ولا من الهز=محبوك ماياقف بدربه غرازي

السالفه ياإحساس بالجوف تركز=علمٍ وثيق وثابتٍ بإرتكازي

السالفه ياخوك في حالة الوز=يبغى يطير وناويٍ للمغازي

ملحوقةٍ يذرى بها راعي الغز=كلٍ خذا وللكل فيها محازي

مشيومةٍ بالذل .. والعيب واللز=لو انها ياخوك تكفي وتازي

كان انتهي بالحوم واسقط معزز=واخذ من الطربات كل المجازي

بس القهر محيوس متخزز خز=لا مايلوق ولا لنا فيه عازي

خليت ديرة راعي القص والجز=للي يحب الوز .. كثر اللزازي

قلته وانا لي فيه معنى مركّز=لأهل العقول الفاهمه والعزازي

شيمة هل المعروف بالترك تعتز=واللي لقا بالوز وزٍ ... يوازي

ياخذ نصيبه بالعقل قبل تفرز=قبلن يصيب العلم منها فرازي

عاينت في وضعه وقزيتهم قز=وماينجبر عقب التكسر قزازي

مجبور من قبل امس ياراية العز=مار الحقيقه تنكشف عند ( رازي )

معلوم لي كل الخفا لو تنزز=ماقولها وان كان صابه نزازي

تسهل علي والله لو قلتها ( طز ) =طبعي وانا قد قلت قولٍ ( مَجازي )

وترى الشرف موجود بالشام والدرز=ولا هل الفيدين تلقى مخازي

متلبسين العز ... والعز مخنز=متبريٍّ من لبسته للخنازي

عندك خبر للي لها قلبك يفز ؟=عندي خبر بس الخبر مايحَازي

تولّم العصيان لأجل تعكّز=من عقب صدمات القلوب الفزازي

ياعل عين الوز تعمى وتنغز=قبلن تصيبك وانت راعي مغازي

ملعون ابو جد الكذب .. والتخزز=ملعون ابو جد القرف .. والطبازي

خل الحكي بس الحشا احذر ينز=واحذر قبل نوصل عليك التعازي

واحذر تنوش الورد ولا تمزمز=ماينفعك بالفيد كثر المزازي

لا يافهيم الفيد وان جاك مرتز=محيوس ياعشّاق وينك تلازي

كلٍ يحب الطلع لا بان وارتز=وازرى على عينك وبالعين جازي

لا ياخفيف الطلع مهتز مهتز=صابه قبل يومين مِنْه اهتزازي

خل الرخم تسلى مع البوم والوز=وفرقٍ مابين اثنين لاصار بازي

ولاّ عديم احساس ناوي يعجّز=قصيده اللي فيه بالتاج فازي

وتسلمون وتحشمون


[/poet]

[c]

والمعذره عن القصور ياخوي عديم احساس ......

والله اني شفت القصيده من شوي .. وفتحت صفحة الرد وقلت ماني طالع

الا برد ....

فالمعذره وان حصل قصور ....

وصح الله لسانك على هالقصيده الطيبه .... وقافها الصعب ....

يحق لك تتحدى يالغالي .....

ولجميع من شاركوا كل التحايا ... وصح الله قلوبهم جميع


ابو هاجوس ... والاخ الحاير ....

لكم تحياتي واسمحوا لنا ...

جلال الخالدي


[/c]

[عديم احساس]

مراحب

بسم الله الرحمن الرحيم


اولا اتأسف لتأخري على الرد لضرووف خاصه



شامخ وحيد صح بدنك


مشكورين على مرورك على الموضوع واطلالتك الحلووه


تحياتي اخوك عديم

[عديم احساس]

مراحب

اختي ابتسامة امل

اسعد الله مسائك بكل خير

اسعدني تواجدك وردك


واتاسف للتاخر عن الرد

تحياتي : عديم

[عديم احساس]

مراحب

اختي ليالي الشوق


مشكورين على مرورك


وانتي الرائعه في تواجدك دائماً

تحياتي : عديم

[عديم احساس]

مراحب

اخي الحاااير

لا يسعني الشكر عن مجهود

والقصيده الجميله

تحياتي على التنااافس الجميل

صح لسانك

ويسلم راسك وبيض الله وجهك

تحياتي : عديم

[عديم احساس]

مراحب

جلال الخالدي ::: المشاغب


صح لســــــــــــ 100000000000 ــــــــــانك


وبيض الله وجهك

القصوور ما يجي منك

كنت انتظر ردك على احر من الجمر والحمد لله لقيت رد روعه

مشكورين على روح التنافس الشريف بين الاعضاء الكراام

وانا ادري قافيتها صعبه بس حبيت اشوف جداارة الشعراء

وبالفعل رئيت شئ جميل منكم

تحياتي وتسلم ما قصرت

اخوك : عديم

[عديم احساس]

اخواني جميعا

اخواني جميع من رد على الموووضووع



اشكركم على روح النافس الجميل

وكل يوم تكبرون بعيني اكثر واكثر

جميل ان يحس المرء انه جالس بين اخوانه

تحياتي لكم مع خالص الاحترام والتقدير


عديم احساس

[جلال الخالدي]

[c]
صح بدنك اكثر وسلمت ....


ومن قال يالغالي .....



والشكر لك لإستفزاز القريحه ......


تحيااتي يامبدع ,,[/c]

[عديم احساس]

مراحب

اخوي جلالال





ما عاش من يستفزك


والابداع هو تواجدكم بالموضوع

وردودكم الجميله

تحياتي لأبداعك

عديم احساس

[ترحـــال]

ســـــــــلام

الله يعطيكم العافيه..
وتسلم ....أحساس....على هذا الطرح

ترى والله حلوه المنافسه .
واسمحولي اتطفل عليكم...ماني قدكم...بس هاا محاوله..
[poet font="Simplified Arabic,5,black,bold ,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
هلا بأهل الكرم والعز=
هلا بأرجال بأصلها تعتز

جيت عاني جيت بينكم أبرز=
جيت أقول لكل دني نفس فز

السالفه ما تبي لها غمز ولمز=
تنشاف يافهيم بلا سراج وكز

به عزيز وبه من تعزز=
ضعيف نفس وبمكرها يخز

يدور الزله وبالكوع ينخز=
حسود طامع على أكتاف غيره يبرز

وبه صافي النيه أصل وعز=
لو ما حكى الصدق في صمته يحز

ناوي الوفا وين ما أبرز=
لوطال حقه يرده عنه ما يعجز

عيون توده وعيون به تخز=
وعيون عماها ليمن برز

سبحانه كلاً بعلم وعقل ميز=
لكن به نفوس تبي لها فرز
[/poet]

والسموحـــــــه..

ترحـــــــال

[عديم احساس]

مراحب

الغاليه ترحال


شكرا على هذه الاطلاله الجميله منك

وشكرا على التوواجد والرد

اقولك صح لسانك

ولكن لم تلاحظي القافيه جيدا يا اختاه



ياراكب اللي كل مادستله فز
------------------------------------ فزت شياهينٍ بفك الحجازي

بي ام دبليو جيب توه محفز
------------------------------------ امن الوكاله في غبرة القزازي



تحاتي لك وللمشاركه الجميله



عديم احساس

[ترحـــال]

الــــــــسمــــــــــوحه....

الـــــســــمــــوحه......أخ.....أحساس.

الكبر شين.......خلاص طلعنى من التحدي...

بالتوفيق...


أختك

ترحـــــال