أحب أشوفك تضحكين
وأنتى لى تملكين
هذا شعورى ما أفهمه
صدقتى أو ما تصدقين
شنهو أحساسى ما أقول
لكنه فصل من الفصول
يجمع ألوان زاهيه
والعيون فيها سر دفين
شعورى ما أقدر أوصفه
صفات كثيره مو صفه
لا هى بر ولا دفا
والناس عنى ملتهين
ندى على خد الزهور
والا رياحين وبخور
مطر خفيف والجو غيم
بهالحاله العواطف ما تستكين
تثور أقوى من البحور
ما تأذى هى ولا تدور
تمشى صحيح هى بسرور
معاى والا تفكرين
راضى بكلمات العيون
متعه وكلها فتون
لها تعابير وشجون
ترسل كلام وتقول مين
أخترتك ليه لا تسألين
لأنى مثلك لو تدرين
صدفه وتقابلت العيون
وأصبح الجو كله حنين
ودى أطالعك لكن أخاف
مابينى وبينك أى خلاف
اخاف أضيع وأنا ما أمون
لأن حواسك مختبين
ما هو معناه هذا تقليل
شعورى ما هو بالقليل
لكن حجزته بداخلى
أبديت مثل ما تبدين
بأروح مع صمت الليال
أسكت ما عندى أى جدال
أحب النسيم يكون بأعتدال
الصمت أفضل من الرنين
بأرجع أنا لذيك الديار
وبأركب أنا ذاك القطار
بأركب ولكن ما أدرى وين
راكب مع اللى راكبين