السلام عليكم ورحمة الله وبركاتة

هذي مقتطفات شعرية اعجبتني وأريد أن تشاركوني فيها





( ياشوق )

ياشوق أنا وياك راحت حياتي *** منتاب ناسيني ولا القلب ناسيك

ملكـتني ياشوق ملكت ذاتــي *** كيف اتعافا منك وشلون أخليـك

ـــــــــــــــــ

( همسه )

ياللي غلاك أغلا من الروح فيني *** ومسامـرك تدفـا على همسة جروح

شفها بكت من ثـورة الشك عيني *** عصب علي ان غبت وان جيت مسموح

ـــــــــــــــــ

( الحلم )

وش مصير الحلم في جوف الظلام *** لا بغى يظهر من العتمه جفيت

قسوتك والصمت في صدري سهـام *** والجروح كبار ما والله قـويت

ـــــــــــــــــ

( دمعه )

قلبٍ ينام الليل غافي ومرتاح *** وقلبٍ نزيفه هَم ودمعة دوى له

مـر العمر والهم عطرٍ وفـواح *** ومهما يطل العطر ماضي جماله

ـــــــــــــــــ

( مابيك )

ابيـك كلك او بلياك كـلك *** ما بيك في بعض اهتمامك تجيني

ان جيتني حياك قلبي محلك *** وان رحـت كنك دمعـةٍ وسط عيني


ارجو ان تعجبكم وشكرا لكم

تقبلوا فائق احترامي

أخوكم / The-Maneger