لون أنك بشر حسيت في لوعة الموجوع
جريح شكا حبك على الله سبحانه
غريب تعلق في حبال الرجا المقطوع
له سنين يشكي من بلاويه واحزانه
يقول القصايد فيك ويحدد الموضوع
يبي تستفيق بغفلة النوم با اعيانه
لأني أعطيتك حب يا مالكي مشروع
ولا قط عطيته يشهد الله لأنسانه
لأني وفي ما قلت لك غير سمع وطوع
لو أنك عناي وسبت أعيون سهرانه
تشكلت بأشعاري بوصفك بليا نوع
حكت لك أحاسيسن بلقياك شفقانه
جريح بحبك ليش لعته بصدك لوع
غريبه وأنا أحسب قلبك يطاوع أشجانه
رفيق الشقا عمري وعيني تهل دموع
جداها وهي تبكي على الزين ولهانه
غرامه وحبه داخلي يا هلي مطبوع
لو أني سمعت الصد والياس بلسانه
لو أن الأمل ضم التواصل بحب الكوع
قطعت الذراع وبست كوعي على شانه..

السموحه أنا هالشهر بنقطع عنكم لأني راح أسافر
راح أشتاق إلكم كثير..بس تراني راجعتلكم
يعني وراكم وراكم والزمن طويل..استنوني اوكي على آخر الشهر
جنكم بتستلمون معاش..هاهاهاها
مع الف الف سلامه يا أحبائي..

------------------
من يشتري قلبٍ همومه ملايين...
ويبيعني قلبٍ من الهم خالي..