يطري على بالي لابس الشال
اللي سلب روحي وخلاني كئيب

يجمع بزينة عاليات الأمثال
اليا حكى يسكت أبرع خطيب

أنا أشهدانه قهر كل الأبطال
أبو عيون لاسلهمت دايم تصيب

صابني بالقلب سهمه طيب الفال
وقلبي المغرم برميته أصبح عطيب

بيوم فرقاه جاتني حالة هبال
عز الله انه خرب العقل تخريب

هلي جوني ومعهم العم والخال
قالوا مريض ويحتاج نظرة طبيب

قلت للدكتور عن كل الأحوال
سمع مني ودمعه على خده سريب

وقال والله انك شفت كل الأهوال
الله يصبر قلبك ويعين على هالمصيب

علتك بالطب علاجها من المستحال
هذي احالة منا يستلمها أغلى قريب

مفادها أن الطبيب المعالج استقال
مادام هذي الجروح من فرقا الحبيب



الأسير 1