إهداء لجميع الأعزاء خاصة بقايا جروح

من يشتهي صمتي ؟ انا ما عاد لي خاطر أبوح
أبشتري لا اكثر ورق عمري على شانه .. كفن
وش قيمته همَّ الكلام اللي يجي واللي يروح ؟
دام الشموع اللي ضون با اكثر مسافاتي .. طفن
ما للجــروح .. إلا الجــروح .. إلا الجــروح
غفن مواجع دفتري 000 والا عساها ما غفن
ما شفت في عمري .. همومٍ تذبحك قهر وتنوح
إلا همومٍ واعدَّني بالتناسي 000 واخلفن
حاولت أداريها ولكن ما تعوض الروح .. روح
ضمتيها لصدري عبث لين الضلوع تخالفن
وان جيت أخفي صوتها 000 والا بيارقها تلوح
فرقتها بين أضلعي 000 غصب علي توالفن
يا ما بنيت لكل من غابوا وسط صدري صروح
حتى شعرت .. إني توهمت المواجع ما كفن
ويا ما تفتّق من قناديل اليراع اللي تضوح
هالشمعتين اللي على وَهم المشاوير اختفن
ماعاد أميز جد هذيك الليالي .. أو مزوح
ما عاد أميز جد هذيك هبايب غالييني واسرفن
واقول يا باكر عسى وجهك مثل وجهي سموح
ويمرني باكر شبيه لأمسي اللي ما أندفن
واليوم أبا خذ من جروحي ثار ذابحة الطموح
واعكس بوجه الموج مجداف الطعون اللي لفن
واسكت قبل دم التخاذل من سواليفي يفوح
ما دامني لا طاب جرح ألقا جروح استنكفن
من يشتري صمتٍ تعب من كثرة إبحاري يبوح ؟
وأنا أبيع له المواني .. والهبايب .. والسفن


[هذه الرسالة عدلت بواسطة مشاري (عدلت في 19-08-2000).]