ألى أخواتي وإخواني .....

المسامحة على هاذي القصيدة .... وعلى ما جاء فيها ....
لكن كتبتها بعد طلب جدتي مني ...
قالت لي يا يمه ... كتبي عن هالبنات ... والله باطين شبدي ..
قلت لها إنشاءالله ....ما يصير خاطرك إلا طيب ... ومن سمتعها ..
كله تضحك وكل ساعة تناديني وتقول لي يمه .... تعالي وقوليها مرة
ثانية ما شبعت منها .. هي مللتني ...بس .. لكن شاسوى ..
مثل المثل إللي يقول هاذي إمهريش واكليه ...
واعذروني إذا جاءت بالعامي
ولكن كتبتها حتى تفهمها....

بنات الحين كله متعدلات
..............فالة الشعر ولابسة البنطلون
والوجه بودرة تزينه كريمات
.............والكحل والظل محطوط في العيون
والموضة صارت الشنطة سلات
..............حتى أغرضها فيها يبينون
والصنادل كأنها مدرعات
.............والثياب ضيجة عليها يزنطون
ومن أهلها همها بس بيزات
..................حتى تتكلم بس في التيلفون
وتلافح وتدور في هالمجمعات
..................ذابحه حمود ومطيحة حسون
والولد في حبها تولع و مات
..................قال بالحق أخاف يخلصون
قالت عرسي أبيه بالدبلومات
..................والرسبشن ابيه في الهلتون
وطقمي مصنوع من لولوات
..................والولوة حجمها كالزيتون
وابقي اسافر كل القارات
..................مهب احسن مني إللي يسافرون
وابقي اسكن أحلى الفيلات
...................وأهلك ما أبقيهم معاي يسكنون
وجهك هاذي ما بيه شنبات
.....................ابيك مثل إللي يغنون
قال لها من وين كل هالبيزات
.....................باعيش عمري وانا مديون
هونت ما أبيقك يا زين البنات
.....................خلني الافح وانتو تلافحون.

وسلامتكم ... ::