اهلا بالسي أي أيه **

هلا والله بالسهلي
..

داخل علينا بشفراتك .. أكيد جلال بيقتهر أني رديت عليك قبله مع انك كاتب له ..واظن اني

اعرف السالفه .. كاشفه شفرتكم ...

قصيدتك رائعه ..كعادتك يا شاعر النت ..

إن نواني في سيـــــوفٍ قلــه محمــد محـال
قلــه يكـرم مــن قبيلك والرجــل طبعه ثقيل ..

أنا أشهد يا محمد !!


اتمنى لك الدوام والتوفيق انشاء الله في الكتابه وفي الدراسه ..

تحياتي ..،، وقد .. قد تكون لي عودة لقافه هنا غدا ..!!

ليالي الشوق

ماشاء الله تبارك الرحمن .... والله اني قاعد اعتل الموضوع ولا القى ردك يا ليالي ... عموما حياك الله ... واذا كنتي حقيقه عارفه السالفه ... فماشاء الله عليك ... عيني عليك بارده .... بس صعب تعرفينها الا اذا انا او جلال بينلك شي ... انا ما تكلمت ... وجلال ما ادري عنه ... يمكن تحليل ذكي كل شيئ جائز .
... وبالنسبه لاشادتك بالقصيده .... فهذا بس من ذوقك ... واشكرج على هذا المعاني الصادقه ودعواتك لي بالتوفيق ... اجمعين انشاء الله ....
.... واتمنى تعودين مره ثانيه ... شيئ يسعدني ... بس والله ما اظن انك تفكرين بالرده مره ثانيه ... الا وفي السالفه انّه

المبدع .شاعر النت


...ابهرتنى قصيدتك ومعانيها ...والروعه في نسج الرساله التى تضج شموخ وكبرياء انت أهل لها


ردى تعبير بسيط من قارئه تتذوق الشعر ومن غيرك ...يستطيع مجاراتك



..ياقوي القاف عزّك عالي وقدرك مثال

.................................. اذهل المعنى بنوره والضوى منه دليل

اهلا وسهلا يا نجمه .... وتشرفت بوجودك هنا .... واطراءك شهاده اعتز بها ....
... اتمنى ان تكوني قد استمتعتي بما قرأتي ... وشكرا على البيت الجميل ... المهدى ... واتمنى تواصلك الدائم معنا

هلا محمد .... وصح لسانك على هالقصيد الطيّب يالسهلي ...
أعتز بالرد ....وأتشرف يامحمد ......
وتراها على عجاله



ياهلا باللي طلبني والطلب لوهو محال
......................... كان أجيبه له وأخلّي من غلا عنده ذليل
هزّني هرجك وأنا اللي صابني مِنُه إرتجال
........................ يامحمد يامحمد عندي مافي لك مثيل
الكلام اللي تقوله ياولد جاب الهبال
........................ كيف ياولد النشامى معترض دربك هبيل
أشهد إنّه يامحمد جاهل وزايد دلال
....................... ماعرف قدرك ولاهو داريٍ همّه طويل
خبل عدّه من غنمكم والله ماهو من الرجال
...................... إن تعدّل والا خلّني مابها شي مستحيل
بيني وبينه كلام وجاهزٍ عندي العقال
..................... إن تأدب وإلا تدري نعدّل اللي فيه ميل
والله انك يامحمد عندي بشموخ الجبال
.................... لا تهزّك ريح حاسد ماشفى منك الغليل
مهما كان وصار ومهما قيل يامحمد وقال
................... كلّن يعرف الحقيقه .. من غبا عنّه سهيل ؟؟!!
ياسهلي لاهنت وامسح مابدر مِنُه بجلال
..................... والدوا عندي وانا اللي خابرٍ ذاك الهزيل
أبدع المعنى وقلّي ماكتبته بالغزال
...................... إتحف الساحه ياشاعر عندنا وزنه ثقيل

وسلامتك يالغالي ...
وأعذرني لأني والله يشهد إستجعلت شوي ....
والقصور معذور منك ان شالله ....

يجب أن تتشرف بوجودي أنا أيضا

عموما يا عزيزي، جئت فقط للقافة لأن القصيدة موجهة لشيخ المنتدى الألماسة جلال...ولكن:

خلك معي:

بحتم أطراف القصيده ما بقى عندي مجال
ــــــــــــــــــــ وانتظر ردّ القصيده في سمـــى نــــور الخليل ...

انتهي الاقتباس:

سين: ماذا تعني كلمة " بحتم "؟؟؟؟

مجرد لقافة...*أتغشمر...*

ســـــــــلمت القصيدة وسلم قكاتبها يا شاعرنا النتـّاوي...تحياتي لك ولموهبتك البارزة دوما...

أدري راح تكرهني على فضولي و ثقالة دمي

عموما...تكبر وتنسى

مع ألف ســــلامة...


_________________

نون...نون...نون: عــــــــــذاب نــــــــون: داخل منطقة الحظر الأرض جوي!!

إسمحلي بقليلٍ من اللقافه بحجّة التوضيح ياعذاب
ههههههههه
لا أمزح معك لا تصدّق ....
ياطويل العمر .... بحتم واضحه جدّاً .....
معناها بختم .... والنقطه سقطت من الشاعر سهواً ....
ولا ترجع تقول ليش ماكتب بأختم بالألف
شال الألف عشان تقرأ الكلمه كما أرادها الشاعر ولا يختل الوزن بنطق الألف

تحياتي

بسم الله الرحمن الرحيم ....

والله بمنتهى الروعه .....

اخوي محمد .... وخوي جلال ....

من كل قلبي اقول .... شكراً

كفيتم ... و .... وفيتم .... وأثبتوا انكم اسياد القصيد في هذا المكان ..... أعجبتني قصيدتك اخوي محمد ..... واعجبني رد جلال السريع البارع ... !!!! ( عيني عليكم اسكريم بااااارد )

كان ودي اكتب رد ..... بس حسيت ان مالي داعي ....

عموماً .... أحب الرد على الشعر أكثر من كتابة الشعر بنفسي ..... فهل ياترى أجد ما استطيع أن أرد عليه في مواضيع قادمه؟؟

و أقدع سلاام للقدعااااااااااان ..... وسلمكم ربي

جـــــــــــــــــــــــــــــــــــلال...هـــــــــــــــــــــــــــــلا بشــــــــــــــــــــــــيخ الشــــــــــــــــــــباب...دائما محبا للتوضيح وعدو للقيل والقال: بارك الله فيك وفي أمثالك...أما عن بحتم أو بالأصح بختم...فانني من كتـّاب القصيدة وأعلم جيدا مدى صعوبة نقل الكلمات دون أخطاء في المنتدى...لكن تدري ليش؟؟

دعني أفيدك أفادنا الله جميعا:

لأن الخط أثناء كتابة المساهمات في المنتدى صغير جدا...فلا يسمح للكاتب أن يعـّدل قصيدته بالشكل المطلوب...ولم أقصد أبدا أن أحرج أحدا هنا...وأنتو خبراء بفعالية نوايا قلمي الطيب...لقافتي أحيانا تكون غير مهضومي...على أولة أهل لوبنان...تئبــــــــــــرنـــــــــي يا زميلي يا شيخ الشجعان...

تحيــــــــــــــــــــــــــاتي لكم دومــــا:

متعــــــــــــــــوّدا...دايــــــــــــــــــــما

____________________

أداب نــــــــــــــــــون: بالانجليزي

يا هلا ومرحبا بالخالدي ... وصح الله لسانك ولا هنت يالقرم ..... ومشاء الله عليك ... شاعر صاحب معاني جزله ... ( باين من ردك عرفت من اقصد عدل ... وهو الشخص الي اعنيه يظيعه احد ... )
.... ومعذور يا جلال ... والقصيد طيب ... يا جلال ... وانا والله الي ابيك تعذرني ... ترى انا عديت القصيده اعداد فوري يوم طلبت مني اشارك بقصيده الحين في المنتدي ... في ردك على موضوعي ( باركولي يا ساده )
... ولما عديت القصيده .... جبتلك هذا الموضوع وشيئ بالشي يذكر .
.... يعطيك العافيه ما قصرت ... على هذا القصيد الطيب ... وبالنسبه لمشاركاتي بالغزل .... امممممم ... انشاء الله ... لول اني ما احب اذكر جديد قبل ما ينشر .
بس بما انك انت الي طالبت غالي والطلب رخيض ... انشاء الله اوافيك بالجديد اذا كتبت
.... وسامحنا يا جلال على القصور .
اخوك محمد السهلي

اختي او اخي عذاب النون ( اياً كان ) ... الله يسلمك ... وشاكرلك على هذا التواصل الجميل ... والخفيف ....
... اما بالنسبه للخطأ الذي ذكرتي او ذكرت ... فذلك بسبب اني كتبت القصيده بعجاله ... ولم اراجعها ... وعندما اردت تصحيحها لم استطع لانه فات الاوان ( وهذا من قوانين المنتدى ... حيث لا يسمع بالعضو اذا اراد تعديل مشاركته بعد فتره من الزمن ) .... والحقيقه ان هناك عدت اخطاء مطبعيه ... ولذلك سوف اعيد كتابة القصيده ... حتى يتسنى لك فهم القصيده

ارتجف غصن القصـايد وانحنى لي يا جلال
.................... يوم جيته بالكرم نبع المشاعــر لــه يسيل
ذاك بدري اقتـدي بـه بالدجـــــا وســط الليال
................... والمساري ما غدت إلاّ على البـــدر الدليل
وإن كسى بدري غيـومٍ انجلت وقت الزوال
................... والبدر إلاّ البدر يتعب على وصف الجميل
والغيوم إللــّي بـــدت لك لا تحيــل ولا تحال
................... أقطف المعنى من أزهار القوافي مــا تميل
المكارم في خفوقــي تنتهي بعذب الخصال
................... وانت خير العارفين وذكــّر الخبـــل الهبيل
إن نواني في سيـــــوفٍ قلــه محمــد محـال
.................. قلــه يكـرم مــن قبيلك والرجــل طبعه ثقيل
ابتسم للظاميــــه بنـت العـــرب ذاك الخيال
.................. السراب اللــي تشوفـــه دون عثــرات السبيل
تلتهي بأول سفرهـا عندهـــا لعـــب ودلال
................. والنهايــه مــــا لقـت من غيرهـــــا احدٍ هزيل
يا جلال ارسل حروفك في مثالٍ بعتــــدال
.................. والله انك فــي عيونــي رجل مــا منــك مثيل
بختم أطراف القصيده ما بقى عندي مجال
.................. وانتظر ردّ القصيده في سمـــى نــــور الخليل

هذه القصيده بعد التعديل عتى يتسنا لك فهمها بشكل افضل .....
ولك خالص تحياتي ........ محمد السهلي

شاكرلك جلال على التوضيح ..... يا عساك ذخر انشاء الله .... عز الله انك تنوب وقت الغيبات ...

يا هلا بـ وسم .... تشرفنا بحضورك هنا .... والله يسلمك ... ماقصرت على هذا الاطراء الجميل ... والي اعتز فيه انا وجلال ( بالنيابه عنه )
.... اما بالنسبه لانك ودك تساجل قصيدتي بالرد عليها ... فهذا راجعلك ... واعلم ان اي رد منك راح يكون موضع ترحيب الجميع واولهم انا وجلال ( بالنيابه عنه ) ... ولكن المهم بالرد انك تعرف الشخص الي عنيته في الابيات ... حتى تساجل القصيده ... واتمنى ان تدلك فراستك عليه
وحياك الله اخوي .... وسم ... ودمت سالم
اخوك محمد السهلي

عزيزي شاعر النت الغالي...

شكرا على طيبك وكرم أخلاقك...ولكنني لم أحتاج لأن تعيد لي أو لأحد كان القصيدة بعد التعديل...ذلك أن تصحيح الكلمة بالنقطة الناقصة لا تشكــّل أي مشكلة أثناء قراءتها للشعراء العارفين...الا اذا كان القارئ غير فاهم للوزن أو معاني الكلمات...أما عني فالحمد لله ما زال عندي موهبة كتابة الشعر لكي أفهم معانيك الجميلة وكلماتك المصاغة بعناية واضحة...ســــلمت وســـلمت مواهبك ...لك مني ألف تحية واحترام

_______________

عـــــــــــذاب نـــــــــــون: بعيدا عن الجنون

اشكرك يا عذاب النون .... على تفاعلك معي بهذه الطريقه الجميله ... واشكرك ايضا على اطرائك الجميله ...
... وفي حقيقة الامر يا عذاب ... اني مستأنس بك في هذا المنتدى الجميل ايضا

تسلم ياشاعر النت ..... وممنون يالغالي ....
ماعليك المعنى واضح ومايخفاني أبد
والتفاعل معك أمر بديهي ..... وتستاهل كل خير ...


عزيزي وسم .....
الف الف شكر لطيبك وكرمك ...... وكلامك الجميل وتواضعك الملحوظ .....
كلك وفا يالغالي ......
وتسلم ياشاعر ...
الله لا يحرمنا منك .....

تقاوم هاه ؟