[poet font="Simplified Arabic,5,crimson,normal,normal" bkcolor="" bkimage="" border="none,2,gray" type=3 line=200% align=center use=ex char="" num="0,black"]
على ذاك الطريق اللّي يسمونه … غرام احباب
وطت رجلي على دربه ولا ادري وش نوى فيني
تبعته لآخـر دروبه إلين ان القمـر قد غـاب
تعب قلبي … ولا تعبت مسافـاتٍ تودينـي
لقيت الليله الجردا هدب ظل وسما .. واعشاب
بعد ذاك الظلام اللّي يتوهنـي … عناوينـي
صدفتك معجبه فيني وياليت الغرام .. اعجاب
وتراك انتي الهنـوف اللي هقيتك تستحقينـي
عطيتك عشق من قلبي وسلّمت لغلاك رقـاب
وغيرك يحترق قلبـه … ولا يقدر يحاكينـي
رماني حظي العاثر عليك وجيت لك طـلاّب
ولا انتي اللّي عشقتيني ولا انتي اللّي عتقتينـي
تعالي وارحمـي ذاك الخفـوق المولع المرتـاب
مهب لاجلي … عشان الله يجازيك ويجازيني
تعديّ في سما عشقي ولو عشقي خراب اصحاب
وصوني بالهوى نفسك قبل لا انتي تصونينـي
وشيليني على متنـك خفوقٍ باريٍ منصـاب
ومن فوق الغرام العذب شيليني … وحطيني
وإلى منك هقيتيني شجـاع وما يطيق يهـاب
أنا لك بالهوى والله … مثل ما انتي هقيتينـي
أنا ما امشي ورا غيـرك ولو إنّه يطق البـاب
وترى عيبٍ علّي أطعن … ولو كثرت سكاكيني
زهودٍ ما يطيق الدم … لا دايـن ولا طـلاّب
شجاع وعارفٍ نفسي … واظن انك تعرفيني
غيورٍ ما عرفت اضحك مع الغدر فبرود اعصاب
أبيـع عيونـي الثنتين … قبل انك تخونينـي
وان اشتد الغرام اترك خفوقي بين ناب .. وناب
لفرقا تكسر ضلوعي … ولا عشقٍ يوطينـي
انا رجلٍ ولي غيره … واذا شفت الهوى كذّاب
تثور بقلبـي الفزعه ولا تهـدا … شياطينـي
سؤالك لو يزعزع بي كيانـي ما قبلت اعتـاب
اجـي لك واسألك نفس السؤال اللّي سألتينـي
عن العشق القديـم أبواب تقفيها كثير أبـواب
بعد ذاك الحبيب اللّي خدعني … وانخدع فيني
ابي عشق تحسب له كل نظرات العيون حساب
وابي قلبٍ على قلبي … وابي دينٍ على دينـي
وابي نظرة عطا توفي .. ولا تخلف بدون أسباب
وابي منك قبل لا انتي تصدينـي … توديني
وابي دربٍ على العذّال صعبٍ متعبٍ غـلاّب
وابي نفس الطريق الصعب يبعدهم ويدنينـي
ترى لو للقلوب عيون ولدموع العيون اهداب
حشا ما تنزل الدمعه لغيرك … لو تركتينـي
انا اول من عرف قدرك وانا توّي صغير وشاب
وابي منّك ما دام انك عرفتيني … تحبينـي
ما دام اني لقيتك في طريق اسمه غرام احباب
دخيل الله وبعد الله … دخيلك لا تخلينـي
ما دام ان كل من يحيا على وجه التراب تراب
عسى تنساني الدنيا … ما دام انتي ذكرتيني
[/poet]
على ذاك الطريق اللّي يسمونه … غرام احباب
وطت رجلي على دربه ولا ادري وش نوى فيني
تبعته لآخـر دروبه إلين ان القمـر قد غـاب
تعب قلبي … ولا تعبت مسافـاتٍ تودينـي
لقيت الليله الجردا هدب ظل وسما .. واعشاب
بعد ذاك الظلام اللّي يتوهنـي … عناوينـي
صدفتك معجبه فيني وياليت الغرام .. اعجاب
وتراك انتي الهنـوف اللي هقيتك تستحقينـي
عطيتك عشق من قلبي وسلّمت لغلاك رقـاب
وغيرك يحترق قلبـه … ولا يقدر يحاكينـي
رماني حظي العاثر عليك وجيت لك طـلاّب
ولا انتي اللّي عشقتيني ولا انتي اللّي عتقتينـي
تعالي وارحمـي ذاك الخفـوق المولع المرتـاب
مهب لاجلي … عشان الله يجازيك ويجازيني
تعديّ في سما عشقي ولو عشقي خراب اصحاب
وصوني بالهوى نفسك قبل لا انتي تصونينـي
وشيليني على متنـك خفوقٍ باريٍ منصـاب
ومن فوق الغرام العذب شيليني … وحطيني
وإلى منك هقيتيني شجـاع وما يطيق يهـاب
أنا لك بالهوى والله … مثل ما انتي هقيتينـي
أنا ما امشي ورا غيـرك ولو إنّه يطق البـاب
وترى عيبٍ علّي أطعن … ولو كثرت سكاكيني
زهودٍ ما يطيق الدم … لا دايـن ولا طـلاّب
شجاع وعارفٍ نفسي … واظن انك تعرفيني
غيورٍ ما عرفت اضحك مع الغدر فبرود اعصاب
أبيـع عيونـي الثنتين … قبل انك تخونينـي
وان اشتد الغرام اترك خفوقي بين ناب .. وناب
لفرقا تكسر ضلوعي … ولا عشقٍ يوطينـي
انا رجلٍ ولي غيره … واذا شفت الهوى كذّاب
تثور بقلبـي الفزعه ولا تهـدا … شياطينـي
سؤالك لو يزعزع بي كيانـي ما قبلت اعتـاب
اجـي لك واسألك نفس السؤال اللّي سألتينـي
عن العشق القديـم أبواب تقفيها كثير أبـواب
بعد ذاك الحبيب اللّي خدعني … وانخدع فيني
ابي عشق تحسب له كل نظرات العيون حساب
وابي قلبٍ على قلبي … وابي دينٍ على دينـي
وابي نظرة عطا توفي .. ولا تخلف بدون أسباب
وابي منك قبل لا انتي تصدينـي … توديني
وابي دربٍ على العذّال صعبٍ متعبٍ غـلاّب
وابي نفس الطريق الصعب يبعدهم ويدنينـي
ترى لو للقلوب عيون ولدموع العيون اهداب
حشا ما تنزل الدمعه لغيرك … لو تركتينـي
انا اول من عرف قدرك وانا توّي صغير وشاب
وابي منّك ما دام انك عرفتيني … تحبينـي
ما دام اني لقيتك في طريق اسمه غرام احباب
دخيل الله وبعد الله … دخيلك لا تخلينـي
ما دام ان كل من يحيا على وجه التراب تراب
عسى تنساني الدنيا … ما دام انتي ذكرتيني
[/poet]
تعليق