[poet font="Simplified Arabic,4,darkblue,normal,normal" bkcolor="" bkimage="" border="none,2,gray" type=3 line=200% align=center use=sp char="" num="0,black"]
مدري سواد عيونها كل الجمال والاّ السوالف نص رونقها الجميل=بس الاكيد ان الحكايه كلها قلبٍ خفق وعيون طاولها السهر

حلت بقلبي والموده لا تزال بداخلي واهديتها القلب البخيل=واقول انا يا ليتها لعلها ما تشتكي ضيم الليالي والدهر

مزيونة في عيونها السحر الحلال عدت سجاياها حدود المستحيل=واللي حسدها صار يتبع ضلها واللي صبر له وقت ..مل من الصبر

فيها كتبت الشعر وابدعت المقال ولها مشيت الليل والدرب الطويل=اوصلها وان تهت غصب اوصلها لأنها بدر الليالي لو ظهر

احبها انا حب حاتم للدلال وحبها انا حب المسافر للمقيل=لو طالت الرحله وصبره ملها وارتاح لجل انه يواصل في السفر

واحبها انا حب عنتر للقتال لا جندل الفرسان با السيف الصقيل=احبها لو هي تزيد بدّلها واحبها لا سلهمت لي بالنظر

هي جوهره غالي ثمنها ما يطال هي كنز ما عوض ولا جاله بديل=تسبب اكبر مشكله وتحلها لأنها في حسنها دانة بحر

فكرت فيها وضاقت حدود الخيال واحترت ما حصلت للتهمه دليل=انا اتهمها في الحكايه كلها ما ضنها مثلي مطاولها السهر

[/poet]