رح سوَلك غيري من الناس تمثال

تعبت ألمك شوق ، وألقاك مــــدفوق

ذبحتني .. لكن علـــى كل الأحوال

مخلوق مات .. ورغبته موت مخلوق

ما تنسئل .. والقلب بقفاي واقبال

حقك عليّـه .. مابـــقى لي بك حقوق

صعبه على الرجال ترديد الأقـوال

لاحس .. لاكلمـــات .. لا راي لاذوق

من عزته .. لو دمع عين السهر سال

وده لو ان الدمع .. ينزل على فــوق

أقسى من جروح الحكي جرح الاهمال

ومادون هذا كله الجرح ملحـــــــوق

ياصاحبي .. والياس يمشي ويختال

اهملتني .. والدرب يصرخ من النوق

لكن .. وميزان الهوى بيننا مـــال

ماني على حب المذلات محـــــروق

ممكن يموت الشوق في قلب رجـــال

لكن .. محال يموت رجال من شوووق


احمد السويلم