نترك مجاله مالنـا فيـه مقصــــود *** قلنا الحقائــق والخــــطا ما لنـــــابــــه
درب الرذيلة بابها عنه مســــدود *** ونــرد قـــول اللي الفخـــر يلتقــابـــــه
نشميـــــة ماله شدايا مع الخــــود *** يا شوق من يزهى الأصابع أخضابه
نطيحهـم يقفي من الطعن مسـرود *** مــن عـــزوة يثـــنون يـــوم الحرابـــه
والجو يقدحبه برايـــــد وبــــارود *** في ساعة والسيـــف يقطر أنصـابـــه
مـن سبهم حظه ضعيف ومقـرود *** بنــي رشيـــد اللــــي تفــــك النشـابــه
دور النضا والشلف والخيل والقود *** يوم الفعـــول أو يــوم دور المجــابـه
كلن هجينه ساريٍ عقـــب ملكـــود *** بعصور مــن حـــث المطايا بعقابــه
مقدام غوش ولا بس جوخ مـاهود *** كــم خير صـــنديد ما ينصـــخابـــه
دوار صيد وبينهم صار مصيـود *** رمــــوه يوم العج يسمــك ضبـابــــه
من عقب ماهو صايلن عاد ملهود *** عقــــب العيا خلـــوه يشكي صــوابه
يابا القطيــع ولا خذا منه مفــرود *** يـــوم انثنا يشمـــت شوير غــــزابه
ونكف معيف وحالف دين ماعـود *** عـقـب الطمع صار الغنيمـة اركابـه
ياريف من جاكم من الوقت مضهود *** مدحتـــكم ياهـــل الفخـــر والمهابــه
ونعم بكم والدور بسهـود ومهـود *** نعـــم بكم يـــوم الرشـــا بكتــرابــه
من نسل وايل لو عزل بينها حدود
***
قلته وانا يالقرم مـــن سـاس لابــه