تعودني عليك ايام ابد ماتفارقك ليله
واذا عنك اروح اليوم
اقولك نلتقي باكر
تعودني على لطفك
على اسلوبك وتدليله
وتتوقع انا بحيا بدونك يوم وتسافر
انا ماودي اشكيلك ولكن قلة الحيله

دخيلك اجل الموعد اذا تقدر عتأجيله
دخيلك حط دمعاتي في عينك قبل لاتسافر
ياشين الوقت في بعدك دقيقه كأنها ليله
شيصبرني وأنا احبك
ومثلك في البشر نادر
تعلق قلبي بقلبك
ويسمع منه يشكيله
تدلل قول بس اطلب
اقولك غالي وحاضر
تلاقينا في بعض صدفه
اسولفلك وانا احكيلك
ومن اول نظره حبيتك
:
:
ذبحني السحر في عيونك
ياويله قلبي ياويله
انا افهم لغة العيون ولكن صرت موبقادر
انا اتمنى قبل لايروح يلمس دمعي منديله
ابيه يحس بإحساسي
ابيه يقوللي تامر
ابي حضنه يدفيني
خليل يودع خليله

واقول بصوت به شهقه في امان الله يامسافر
وارجع من المطار وحدي يشيلني الهم واشيله
شيصبرني على شهرين وهو بس توه مسافر
عزاي انه اخذ قلبي في وسط اعيوني يشيله
وانا اصبحت في بعده وحيد واكسر الخاطر