توكل لا توادع رح عسى درب الجفى المسهوج 00 يصادف درب فرقاً عقبها ماتلمحك عيني
سمحت من الهوى ومن القصيد ومن زراق الموج 00 ورميت اغلى مجاديف الغرام وجيت بيديني
ابغرق في عذابك لا رحلت ويصبح المنتوج 00 قصيد ٍ في حياتي سلوتي وإن متّ يرثيني
واذا هبّن بنات الريح للذكرى بدون سروج 00 ابسرج مهرة النسيان وارحل من عناويني
وابنسى لين اسج وبرسل الونّات فوج وفوج 00 وابنسى دمع عيني ينتثر وانساك من حيني
صبور؟ اي والله اني ماثنيت العزم قبل ادوج 00 بريضان الجفى واضمى لوصلك لين تسقيني
شجاع؟ اي والله اني ماعرفت الذل قبل اسوج 00 قدم رجلي على درب ٍ لبيت اهلك يوديني
كريم ؟ اي والله اني ماعرفت الشح قبل تروج 00 دموعي في عيوني ثم اشح بحسرتي فيني
احبك ؟ حسبي الله ليت مالك في سماي بروج 00 ولا لك فالبسيطه كود شيءٍ بينك وبيني
دخيلك لا تلفت رح بفالك واترك المرجوج 00 تغانم مابقى لك وإلا انا ماعاد يمديني
فمان الله سق ركبك على درب السنين العوج 00 ولكن طالبك لا اقفيت عني لاتخليني
ضيدان بن قضعان
.gif)
تعليق