يسعد مساكم
قربت ليالي الصيف
وبالامس على احدى القنوات الفضائية
سمعت الشاعر الرائع اليامي
ينشد بأجمل قصائده
فأحببت ان تشاركوني اياها
تفضلوا
يجينا الصيف وننتظره وإذا عدى نبيه يعـود
ونفرحبه إذا جانا ونقول الصيـف لا يعـدي
نحسب احسابنا بدري نفكر في الليالي السود
نفكر كيف نستانس وكيف نجيـب ونـودي
ندور للوناسه ويـن شبـاب قدهـا وقـدود
نسولف مع نجوم الليل ذوات المبسم الوردي
نغير موجه اللهجه حسب جنسيـه الموجـود
مابين اشلون وعاوز ايه وشوبدك ومابـدي
بعضنا فلوسه اكثيره وبعضنا بين نقص وزود
وبعضنا مسافر بسلفه وفيزا بـس متحـدي
يبي اينقط على هذي ويلبس ذيك عقد ورود
يظحكها وهي تظحك عشان يقول مـن قـدي
يظن انه ملك دنيـاه وودع حظـه المقـرود
مايدري انه بوضعه غدى في حـال متـردي
يفاخر بلخطا الي يصده عن طريـق الجـود
يضيع نفسه بنفسه ويظن انـه بعـد مقـدي
غلط والغلطه بعشره لرجل يعـرف المنقـود
خطا وكبر خطا أني أضيع نفسـي بيـدي
مادام ان العمر يمشي وتالي ذا الجسم للـدود
اجل بالله وش حالـي اذا حطونـي بلحـدي
تعليق