اخواني مساء الورد والحب واللهفه 00هذي الابيات المتواضعه اتمنى ان تلامس احاسيسكم ومشاعركم واذواقكم الرائعه
جميل ان يكون لدى الانسان امل يتشبث فيه 00 ولكن الشي المحزن ان يتشبث بامل مستحيل او اكثر من مستحيل00!! ويـــــــــــــالهفة العاشق00اذا تعدى المستحيل حده وصار فقط حلم او ذكرى
#@#@#@#@#@#@#@#@#@#@#@#@#@#@#@#@#@#

بعض الغلا يثــّـر على الروح والحال

وتشوف له فوق التقاسيم مدلول
* * * * * * * * * * * * * *
يالهفة العاشق عليك المدى طال

طال المدى والوضع ماهوب معقول
* * * * * * * * * * * * * *
ياريف حالي ماتسمعت عذال

ولاغيرت نيات قلبي هل القول
* * * * * * * * * * * * * *
تاثير همساتك من البال للبال

لحقت شواردها هواجيس مقتول
* * * * * * * * * * * * * *
مانلت من همس اللقاء غير غربال

وطيف(ن)على هم السراجيف منقول
* * * * * * * * * * * * * *
وجمرة قهر تسرج على هم رجال

ينقل بقايا الصدق من حول في حول
* * * * * * * * * * * * * *
حل ابفوادي مترف الهمس:- سلال.

بعيون نعاس(ن) بها الموت مسلول
* * * * * * * * * * * * * *
وفوق اللواحظ يسكن اهلال واهلال

وفي ملتقاهن شفت انا الموت مرسول
* * * * * * * * * * * * * *
الى متى مابين هم(ن) وولوال

الى متى في عالم الغي مرحول
* * * * * * * * * * * * * *
الى متى في حكم جورك والاغلال

الى متى دون الحقايق يجي ضول
* * * * * * * * * * * * * *
وانا علشانك على اقفاي واقبال

نتايج اللي عنه مانيب مسئول
* * * * * * * * * * * * * *
يالهفة العاشق ترى الروح والحال

اسمين بانيهن على ظرف مجهول

********************************************

وسلامتكم واعذروني على القصور

وهي والله تستاهل اكثر من كلامي وعشقي وانتم تستاهلون اكثر من هالابيات المتواضعه