بسم الله الرحمن الرحيم
السلام عليكم ورحمة الله وبركاته
ياونتاه اللـي بـرت جسـم حالـي
بري الدبا نبنوب غصـن تغشـلاه
على عشيـر بالمـوده صفـا لـي
وازريت أنوش حماه وانـا اتعـداه
غرو جبينـه مثـل خـط الهلالـي
سبحان رب صـوره ليـن سـواه
وحيـاة رب كمـلـه بالجمـالـي
من مفرق الهامه إلـى حـد ماطـاه
انه منـول وامـس واليـوم غالـي
واتلى زمانـه بالغـلا مثـل مبـداه
مالـه حلـي إلا مـودة عيـالـي
اصغر عيالـي بالغـلا كنـه إيـاه
لا ابطيب ماشفتـه وهـو ماعنالـي
عفت المكان اللي يغيظـه ويجفـاه
لو دلهونـي عنـه مانيـب سالـي
اشفق على شوفه واهوجس بطريـاه
شوفه دواي وقـل شوفـه زوالـي
حكيم طب جامع داه ......... ودواه
حقه علـى إلـى تزخـرف قبالـي
ابعـد مـزاره بالهـوى واتمـنـاه
وحقي عليه إلى اعترض له مجالـي
يصفح ويلقاني على الطـول والقـاه
ريقه حـلا مـن در عفـر متالـي
لا ورحن من مدفق سـال مجـراه
هبـي بريحـه ياهبـوب الشمالـي
كود الجنوب ومطلع الشمس تنصـاه
عبث صبيت لعشرته من صبا لـي
سجلـي بنجلـه والمـوده مجـازاه
يامـا ويامـا فرقتـنـا الليـالـي
نجـع مقيـم وفـرق البعـد لامـاه
أقفت مراحيله وانا اقفـت رحالـي
خليت مداهيلـه وعميـت ركايـاه
وخان الزمـان بعشرتـه والتوالـي
ورثت من يصفـق شمالـه بيمنـاه
وعضيت بسرة شاهدي من هبالـي
وونيت ونـة مـن نقـل داه بـرداه
اسهر إلـى نـام المعافـى لحالـي
والصبح اجدد ذكر حمـام واسمـاه
هنـي دحـش دب الايـام سالـي
ماولعه طـرد العماهيـج واغـراه
ولا صلاه من التصاريـف صالـي
وذاق الفراق وتـاه مثلـي بمسـراه
ياطول ماطاوع نسيـم الهـوا لـي
من قبل يبدي لي من الوقت مجفـاه
واعتظت من عقب الجديد السمالـي
ولا ينفع الفايت ولـو قيـل محـلاه
ليتـي قريـب لـه وبيتـه موالـي
والعلم مـن بينـي وبينـه مناجـاه
ان كان له بمواجهـي مثـل مالـي
وقلبي معـه يبـراه والهـم يبـراه
وإلا ترانـي عنـه طـاون حبالـي
يلقى وانا القـى واحـد كنـه إيـاه
مانيب من يتبـع خفيـف الخيالـي
إلى تحـدر بارقـه عفـت مرعـاه
هذا وصلـوا عـد رمـل السهالـي
على نبـي شيـع الديـن واحيـاه
وآلـه وصحبـه كلهـم بالكمـالـي
واللي تبـع سنـة نبيـه ومجـراه
سليمان بن شريم
تعليق