يابو العيون اللي هدبها مراييش
يابو الدلع ياللي شفاياك ذبله
ياما على شانك نويت المطاريش
وياما تبعتك شرق و الناس قبله
واليوم كني شفت فالوضع تشويش
شي(ن) مجمعت العلوم تحسب له
وش عاد لو تزعل على الدراويش
انا بدوي(ن) راح يطرد هوى ابله
عفط الرقاب اللي وبرها عكاريش
لا ربعت قلبي يزين الطرب له
ننزل بها في منزل(ن) مابعد نيش
روض(ن) خضر عشبه خزاما و ربله
في ليلة ياتي مطرها رشاريش
هاذا ربيع القلب عقبه و قبله
لا تحسبيني عقب فرقاك ماعيش
من لاحسب لي عادتي ماحسب له
حتيش لو بينتي الصـــد حتيش
لانيب عنتر ولانتي بعبله
**************************
لشاعر / سـلطان الهاجري
تعليق