من يعوض غيابك لو بغيت المغيب
كود حزنن يدك القلــب من آخره
يا هجوس الشقاوي والحزين الغريب
ويش عذرك من الدنيا وفي الآخره
إذكر الله على قلبن تركته صويب
الموآجع على أقصى ضلع به نآخره
وارفق بحآل حبن ما ل مثله طبيب
له من العمر ذكرى بالعمر فآخره
ما نسيتك بعيد شلون وأنته قريب
ولا تسمعت هرج العآلم السآخره
اشتهيتك عذابي كيف وأنت الحبيب
وارتويتك فرآق من أوله لآخره
هب وتبت يدينك يا عديم النصيب
حظي اللي بموجه أخلف البآخره
مير هذآ مقدر والمـقدر يصيب
لو يموت اللقا فالحب لك ذآخره
وأنت تكفى رجيتك بالصبر يا حبيب
زبدة الصوم دآيم عشرة آوآخره
خلك عزمك سنافي والليالي تجيب
للوصل فيك عمر أكمله لآخره
تعليق