إقبلي نار التعازي مابقالي مايسلي &&&& مات حبك والحقيقه إقبليها واعذريني

مل قلبٍ ماهقيته في عذابك لي يملي &&&& مل واظنه توفى من عذابك والحنيني

والله انه قد تحمل في حياته مايعلي &&&& شال همك شال همي يالله انك له تعيني

هذي الدنيا دنيه والزمن يمضي يولي &&&& تقبل بهم الليالي وتدبر بأحلى سنيني

علميني يالحبيبه وين بعضي وين كلي &&&& شي مأسور لضياعي شي عايش به حزيني

أصرخ لفرحي سفهني والشقا رد ويهلي &&&& ليه هالدنيا تعاكس والوقت دايم يشيني

ياقصيدي ياقصيدي ترجم بدمعٍ يهّلي &&&& فوق أوراق الكآبه كل ماشفته بعيني

إشرح الضيقات عني وانتبه لا لا تزلي &&&& لو اموت وهم نسوني بالدواويين اذكريني

وانتي ياأغلى حبيبه بدلي شخصٍ محلي &&&& إهتني باقي حياتك وخلي الحسرات فيني

إضحكي ويا حبيبك والعهد خله يولي &&&& إدفني عهود المحبه وسط قبري وإدفنيني

بس تكفين الامانه وللامانه ارجوك شلي &&&& إحبسي دمعات عينك لو بكيتي تحزنيني

كلها عاشق توفى كان لك في يوم خلي &&&& والعوض فالناس تلقا غيري واجد عاشقيني

إنسي ماقلتي وبنسى كل همساتٍ لفنلي &&&& كل همساتٍ كذوبه من شفايا الكاذبيني

عودي لدربٍ لفابك أما دربي له أدلي &&&& لايهمك إلا نفسك مايضيع الضايعيني

كشرن سود الليالي وبالاصل هن ماصفنلي &&&& كشرن ياروح روحي وانت ساكت ماتعيني

بسألك بالله ردي منهو اللي.. منهو اللي &&&& آسرن قلبك بحبه حتى صرتي ماتبيني

الهوى باين بعينك وكل مافيكي يـ قلي &&&& انه اغلى من حبيبٍ طول عمره لك سجيني

أدري انه كل من لك والبلا انك كل ملي &&&& من زمن داري وساكت في رجا وقتي يزيني

والله يعدي الليالي اللي بهمومي نون لي &&&& حتى ألاقي مصيري في نهايات السنيني

وسامحيني.. سامحيني.. مابقالي مايسلي &&&& راحل للغيبه طويله شايل اكفاني بيديني