[قـــــــالت :
عودتني مازعل عليك بحياتي ***وان الزعل مرفوض مابين الاحباب
وان الرضى سيد المحبه بذاتي ***واليوم اشوفك للزعل فاتح الباب

قـــلت :
حبيبتي ياشمس فوق امنياتي ***مالزعل في خاطري والله اسباب
اضن تقديرك خطايا حياتي *** شوفي دموعي شرهتي فوق الاهداب

قـــــالت :
قلي ذبحني في المحبه سكاتي ***ابي الصراحه منك في نظرة اعتاب
شابت حروف الحب غيض بشفاتي *** والخاطر الملهوف من وضعها شاب

قــــلت :
لا لا ولا والفين لا ياغناتي *** ارضيك بعيوني ترى الحب جذاب
وخلي الرضى بعد الزعل منك ياتي *** ترى الزعل مرفوض ما بين الاحباب