( من كتاب أخبار أمهات ذوي التوجهات )
بداية
في أحد العصاري ( جمع عصرية ) تجمع النسوة في ورشة عمل لتبادل الأحاديث
هن لسن مجموعه ، فقط اثنتان اجتمعتا كاجتماع مجلس الشورى
فجنان قهوة رقم واحد:
أم الليبرالي : وش أخبار وليدك يا وخيتي
أم الصحوي : معالية طيب هو اللحين في المخيم الصيفي مع الشباب
أم الليبرالي : وليدي الله يصلحة مسافر برا ، مدري متى بيرجع
أم الصحوي : زوجو هالولد تراه بيضيع
أم الليبرالي : وليدي عاقل بس يحب المناظر
أم الصحوي : الله يصلحهم ، وليدي دايم يقول : فساد ، فساد ، فساد
أم الليبرالي : تصدقين عاد وليدي دايم يقول : تخلف ، تخلف ، تخلف
فنجان قهوة رقم اثنان :
أم الصحوي : و إذا رجع بس يقابل هالكمتوتر ، و أقول له يا وليدي ارفق بعمرك شوي يقول يا يمه لازم أقضي على اللبرررالللن الزنادقه ، عاد ما اردي وش الزنادقه ذولا شكلهم كفار .
أم الليبرالي : نفس شغلة وليدي يقابل هالمأخوذ و يقول ساقضي عليهم لو كان آخر عمل في حياتي ، و أقول منهم يا وليدي ، يقول الارهابيين
أم الصحوي : مره رجع و كسر التلفزيون و ابوه خاصمة و سئلة ليش تكسر التلفزيون ، قال التلفزيون حرام كله فسق و وزير الاعلام يبي يدمر الأمة ، عاد ابوه لعن والدية و قاله دش ما ركبنا عشانك اما بتحرمنا من التلفزيون
معصي .
أم الليبرالي : وليدك دين الله يزيده لكن شوفي وليدي الداشر ، ما قد سمعت التلفزيون ينطق كلمة عربي ، كلها قنوات خواجه .
فنجان قهوة رقم ثلاثة :
أم الصحوي : الولد متحمس وده يروح العراق ، يكلمني عن اصحابة اللي راحوا ، و يقول أن الأمير دايم يعطيهم محضارات عن العراق
أم الليبرالي : مشاء الله وليدك يمشي مع امراء ، أجل شكلة داخل بالحكومة
أم الصحوي : ما ادري عن قلعته هو امير و لا شيخ ، المهم أني خايفة على الولد يروح للعراق .
أم الليبرالي : اقول احمدي ربك ، وليدي يعلمني عن واحد من زملاه يقول أنه ألحد ، قلت كيف الحد ، قال يعني يقول ما فيه رب ، لعنت الله عليه هالكافر ، و قلت يا وليدي لا تمشي مع هالشكال ، قال يا يمه كل واحد حر في تفكيره ، هاه شفي هالمجنون كيف افهمه .
فنجان قهوة رقم أربعة :
أم الليبرالي : أشغلونا هالعيال الله لا يشغلنا الا في طاعته ، عاد كانوا أول يمشون مع بعض و يلعبون مع بعض
بس يوم كبروا تزاعلوا .
أم الصحوي : ما ادري وش أقولك يا وخيتي وليدي مره ما هو مرتاح لوليدك دام يحش فيه .
أم الليبرالي : نفس الشيء وليدي دايم يحش في وليدك ، و يحش بعد في الهيئة
أم الصحوي : و ليه يحش في الهيعه ، و هم وش سوو فيه الله يخليهم ، الناس كلها تحب الهيعه .
أم الليبرالي : تصدقين عاد يعلمني باشياء تسويها الهيئة أول مره اسمع عنها ، مره يقول أنهم ذبحو واحد و هو ما يستاهل الذبح ، و مره يقول أنهم ضربوا واحد بدون سبب ، كلها سوالف عن الهيئة اول مره اسمع فيها .
أم الصحوي : يا خزياه ان سوها ، لا ما أظن انهم يذبحون الناس من روسهم .
فنجان قهوة رقم خمسة :
أم الليبرالي : يقول وليدي انه بيعلمني السواقه ، عشان اذا سمحت الحكومة بالسواقه ليني اعرف اسوق
قلت له ما ودي اتعلم السواقه دام انك موجود و ابوك موجود ، إلا تجمل و سجلني بالضمان .
أم الصحوي : لو يسمعه ولدي كان توطأ بحيضانه ، يقول سواقه الحرمه حرام و لا يجوز.
أم الليرالي : أقولكِ يا وخيتي اخسري سوالف هالورعان خلينا نسولف في شي أهم من خبال هالبزران
أنتم دفعتم الايجار و لا باقي .
أم الصحوي : لا يا وخيتي باقي ما دفعناه ، أبونا مفلس ما معاه حق الايجار ، راحت قروشه في المساهمات مثل ما انتي خابره و الديون قطعت ظهره .
أم الليبرالي : حنا اشتكانا الماخوذ راعي العمارة ، و ابونا يحاول يهديه ، دفع له نص الايجار ، كل شوي وهو ماخذ قرض ، مره يسدد الايجار و مره يسد الدّيانه .
أم الصحوي : ايجار و الاسعار نار موت احمر و فواتير تسد النفس و العيشه صارت غلا في غلا ، الله المستعان
أم الليبرالي : عاد جارنا ابو ناصر مسكين جته جلطه من الديون ، مسكين قعد طايح بالمستشفى شهر ، و عياله راحو يشتكون للوزير يقولون أن الدكاتره بس يصرفون له اسبرين .
أم الصحوي : عاد اسمحيلي ودي أمشي تأخرت على البيت ، في أمان الله
.
بداية
في أحد العصاري ( جمع عصرية ) تجمع النسوة في ورشة عمل لتبادل الأحاديث
هن لسن مجموعه ، فقط اثنتان اجتمعتا كاجتماع مجلس الشورى
فجنان قهوة رقم واحد:
أم الليبرالي : وش أخبار وليدك يا وخيتي
أم الصحوي : معالية طيب هو اللحين في المخيم الصيفي مع الشباب
أم الليبرالي : وليدي الله يصلحة مسافر برا ، مدري متى بيرجع
أم الصحوي : زوجو هالولد تراه بيضيع
أم الليبرالي : وليدي عاقل بس يحب المناظر
أم الصحوي : الله يصلحهم ، وليدي دايم يقول : فساد ، فساد ، فساد
أم الليبرالي : تصدقين عاد وليدي دايم يقول : تخلف ، تخلف ، تخلف
فنجان قهوة رقم اثنان :
أم الصحوي : و إذا رجع بس يقابل هالكمتوتر ، و أقول له يا وليدي ارفق بعمرك شوي يقول يا يمه لازم أقضي على اللبرررالللن الزنادقه ، عاد ما اردي وش الزنادقه ذولا شكلهم كفار .
أم الليبرالي : نفس شغلة وليدي يقابل هالمأخوذ و يقول ساقضي عليهم لو كان آخر عمل في حياتي ، و أقول منهم يا وليدي ، يقول الارهابيين
أم الصحوي : مره رجع و كسر التلفزيون و ابوه خاصمة و سئلة ليش تكسر التلفزيون ، قال التلفزيون حرام كله فسق و وزير الاعلام يبي يدمر الأمة ، عاد ابوه لعن والدية و قاله دش ما ركبنا عشانك اما بتحرمنا من التلفزيون
معصي .
أم الليبرالي : وليدك دين الله يزيده لكن شوفي وليدي الداشر ، ما قد سمعت التلفزيون ينطق كلمة عربي ، كلها قنوات خواجه .
فنجان قهوة رقم ثلاثة :
أم الصحوي : الولد متحمس وده يروح العراق ، يكلمني عن اصحابة اللي راحوا ، و يقول أن الأمير دايم يعطيهم محضارات عن العراق
أم الليبرالي : مشاء الله وليدك يمشي مع امراء ، أجل شكلة داخل بالحكومة
أم الصحوي : ما ادري عن قلعته هو امير و لا شيخ ، المهم أني خايفة على الولد يروح للعراق .
أم الليبرالي : اقول احمدي ربك ، وليدي يعلمني عن واحد من زملاه يقول أنه ألحد ، قلت كيف الحد ، قال يعني يقول ما فيه رب ، لعنت الله عليه هالكافر ، و قلت يا وليدي لا تمشي مع هالشكال ، قال يا يمه كل واحد حر في تفكيره ، هاه شفي هالمجنون كيف افهمه .
فنجان قهوة رقم أربعة :
أم الليبرالي : أشغلونا هالعيال الله لا يشغلنا الا في طاعته ، عاد كانوا أول يمشون مع بعض و يلعبون مع بعض
بس يوم كبروا تزاعلوا .
أم الصحوي : ما ادري وش أقولك يا وخيتي وليدي مره ما هو مرتاح لوليدك دام يحش فيه .
أم الليبرالي : نفس الشيء وليدي دايم يحش في وليدك ، و يحش بعد في الهيئة
أم الصحوي : و ليه يحش في الهيعه ، و هم وش سوو فيه الله يخليهم ، الناس كلها تحب الهيعه .
أم الليبرالي : تصدقين عاد يعلمني باشياء تسويها الهيئة أول مره اسمع عنها ، مره يقول أنهم ذبحو واحد و هو ما يستاهل الذبح ، و مره يقول أنهم ضربوا واحد بدون سبب ، كلها سوالف عن الهيئة اول مره اسمع فيها .
أم الصحوي : يا خزياه ان سوها ، لا ما أظن انهم يذبحون الناس من روسهم .
فنجان قهوة رقم خمسة :
أم الليبرالي : يقول وليدي انه بيعلمني السواقه ، عشان اذا سمحت الحكومة بالسواقه ليني اعرف اسوق
قلت له ما ودي اتعلم السواقه دام انك موجود و ابوك موجود ، إلا تجمل و سجلني بالضمان .
أم الصحوي : لو يسمعه ولدي كان توطأ بحيضانه ، يقول سواقه الحرمه حرام و لا يجوز.
أم الليرالي : أقولكِ يا وخيتي اخسري سوالف هالورعان خلينا نسولف في شي أهم من خبال هالبزران
أنتم دفعتم الايجار و لا باقي .
أم الصحوي : لا يا وخيتي باقي ما دفعناه ، أبونا مفلس ما معاه حق الايجار ، راحت قروشه في المساهمات مثل ما انتي خابره و الديون قطعت ظهره .
أم الليبرالي : حنا اشتكانا الماخوذ راعي العمارة ، و ابونا يحاول يهديه ، دفع له نص الايجار ، كل شوي وهو ماخذ قرض ، مره يسدد الايجار و مره يسد الدّيانه .
أم الصحوي : ايجار و الاسعار نار موت احمر و فواتير تسد النفس و العيشه صارت غلا في غلا ، الله المستعان
أم الليبرالي : عاد جارنا ابو ناصر مسكين جته جلطه من الديون ، مسكين قعد طايح بالمستشفى شهر ، و عياله راحو يشتكون للوزير يقولون أن الدكاتره بس يصرفون له اسبرين .
أم الصحوي : عاد اسمحيلي ودي أمشي تأخرت على البيت ، في أمان الله
.
ساري نهار
10-7-2007
10-7-2007
تعليق