السلام عليكم شباب كيفكم انشاء الله بخير لو سمحتوا حبيتكم تساعدوني عشان انا جديد في في الكروت وما عرف شي ابدا عن هاي السوالف المهم حبيت اني اخوض التجربة والظاهر تجربتي بائت في الفشل من اول مرة ما عرف ليش اللحين بحكيلكم الموضوع بالتفصيل وياريت ياريت تساعدوني المهم ما بطول عليكم وبدخل بالموضوع

البارحة حبت اتفلسف شوي واشتري كرت ستلايت بس للتجربة لا اكثر ولا اقل وهو من نوع الرخيص يعني انا عارف انه ممكن يكون رديء بس محد خبرني انه مارح يشتغل الصورة المرفقه هنا مثل ما تشوفون هي صورت العلبية من الخارج



المهم فتحت العلبة واخرجت الكرت طبعا معاه سي دي الدرايفر والرمورت كنترول ( مصدقين عمارهم ) والقطعه وكبيلات الفديو والاديو وهني صورة الكرت وهو مثبت ع الكمبيوتر





بس لما ركبته لاحظت ان المخرج بتاع الكيبل ما يركب عليه واير الديجتل اللي يجي من الدش طبعا فاهميني يا حلوين وشوفو الصورة اكثر وهي مقربه


شفتوا امممم جلست افكر افكر كيف اللحين قلت ماشاء الله علي انا ابو الافكار رحت وخبصت وشريت وصله عفكرة لما فتحتها في المحل سألت البايع قال لي نفس الكلام روح وشتر وصلة عشان تقدر تركب فيها واير الديجتل دش وشوفو معاي الوصلة اللي شريتها وركبتها



طبعا هاي من الخلف اما من الامام واللي تسمح بتركيب الواير فهي كالتالي


طبعا الصورة واضحه هاي من كميرتي الديجتل ههع

زين واير الديجتل اللي يكون جاي من الدش كالتالي

والدش من فوق والوصلات عال العال يعني كلشي تمام

طبعا واصل نايل سات وعرب سات ع كونكتر واحد يعني يكون عندي LNB1 و2 يعني


وهاي الوصلات من فوق (شكلكم تقولون ها ماخله شي ما صوره ناقص يصور نفسه )

اللحين خلصت كل شي وركبت الوصله اللي حطيتها قبل فوق مع فتحت البطاقة وصار شكلها جي وصلت الواير معها


زين فتحت البرنامج المرفق وحاولت اني اظهر القنوات شي ع النايل سات شي ع العربسات مافي فايده بس اللي قاهرني لما افك الواير تظهر بعض القنوات الارضية طبعا موشوه وبدون الوان دلاله على انه الكرت شغال والتعريف ماشي وكلشي تمام التمام حاولت اجرب برنامج غير هم مافي فايده

ياريت حد يساعدني والله احترت ما عرف ش اسوي قلت بجرب وخبصت الدنيا ما عرف شسويت المهم اللي يعرف ش السلافة لا تبخلون ع اخوكم الصغير ويعطيكم العافية واسف ع اللت والكلام الكثير ومشكوورين وفي انتظار الرد