))< قـعـقـع والخرفان وأم رقيبة >((
السلااام عليكوووووووووووووو
هذي سلمكم الله قصة حيران وهوطالع لأم رقيبة قالها لي وقال لا تعلم أحد وأنا أبي أعلم وبكيييييييفي
أم رقيبة : صحرا قاحلة بعيدة عن المدن ما فيها الا محطة بنزين وبنشر وفي يوم محدد بالسنة تقاام فيهاا مهرجاان لمزااين البل ( البعيرات المزيونه )
ونبدأ بالقصة :
في يوم من الاياام وكان احلى الايام كنت نايم بغرفتي وغريق في الاحلام الي تنفتح النفس (بعدين أقوولكم وش الحلم الي كاان يحلم فية ) فجأة باب الغرفة فتح على طرطزخ طخطيخ <--------<<من قوة فتحت الباب علية
الا هو أبووة ومعة خيزراانة تقل مااصورة 3بوصة ( لأن ابو الشباب اذا نام والله لو تفجر عندة بأيديك ورجليك صوااريخ مادرا عنك أنت وصواريخك)
يااقعقع قعقع قــــعـــــقع قم قمتك أن شاء الله ( على فكرة قعقع هذي كنيته وهو صغير لأنه مزعج البيت حاط قوتة كلها بهالحديد وقع قع قع وعلى شاان كذا سمووه قعقع )
قم يااابوي جعلي مااخلى منك أبيك ترووح لسووق الغنم وتجيبلنا هذاك الخرفان الي كل من شافهن يقوول وش هالحااشي أنا عازم ضيوووف في أم رقيبة <-------------<< عاد هو أبتلش وقال أنا من وين أجيب خرووف بهالمواصفاات هذي مافية الا أشتري كيماوي وأوكل الخرفاان لما يتنفخن ويصيرن كبر الحااشي << بسم الله عليه من كثر الذكااء عنده كيمااوي مرة وحدة يالظاالم
ويفز فزت الحصاان ويشغل الددسن وعلى حرااج الغنم الي يشووفه يقوول وش هالمصيبة الي يبي يشتري الغنم هذي كلهاا وهوو برحة ( الله يرجك يااحيران ترااني ميت من الضحك يوووك ياامطني ) وحاط الشمااغ على جنب وكابس الطاقية ومطلع طرف الخمس مية من جيبه الي فووق .. يقال أن مزندخ وفلووسة وااجد المهم
ويتمشي بين الغنم ولا يناظر للغنم ولا للبياعين الا بطرف عين يعني مأعجبة شي <<< والله أنك مصيبة
ويشووفة واحد شريطي (شريطي هو بياع الغني يسمونه شريطي) وقال وش هالصيدة << ناوي ينصب علية ويروح له .
الشريطي : سلااااااااااااااام عليك يااولد
قعقع : وعليكم أررررحبنعم وش تبي <<<<< يعني قووي وماايخااف من أحد .
الشريطي : أقوول تكلم زين لا أهبدك الحين قدام النااس هذي كلها ..عمى ..
قعقع : <<< بلع العافية وقاال سم أقدر أسااعدك بشي
الشريطي : أنت تدور خرفان؟
قعقع : أي والله وأبيلي خرفان كل من شافهن يقوول وش هالحااشي << مصدق لحد الحين
الشريطي : لامضبوط هذا أول الرزق قال عندي وأنا أبو هندي تعاال أوريك الخرفاان
قعقع : أي والله تكفى وفكني من هالحووسة وريحة الغنم هذي الي قلبت سبدي <<< متخكري
الشريطي : أقوول أمش لأوريك الشغل ريحة الغنم هذي الي أمسط كل الي في جيبك وأولهن هالي بازلي فيها ومطلع طرفهاا أنت وخشتك
ويروح هو وقعقع للشبك ويوريه الغنم ويمشيه بالشبك لما الريحة فقعت راس قعقع
الشريطي : هاه وش رايك بالغنم
قعقع : والله شي ياولد وأشكالهن غريبه وحلوة بس ليش أجسامهن كذا
الشريطي : يأبوي معليك أعطيك خلطة الحين مربعة ملح وحزمة برسيم وشرط ماتصل البيت الا والخرفان رجولهن طالعات برا حوض الددسن << من كبرهن
قعقع :أي والله الله يجزاك خير يالله حمل الخرفان بالسيارة
الشريطي :والحساب يالحبيب ترا مانوزع ببلاش أيماال الي .
قعقع : أية صح <<< يقولها وهو يضحك ووجهه ماايسوى طخة.. كم الحسااب ؟
الشريطي :الحسااب طال عمرك 2500 ريال وبعد الديسكاوند 2000 ريال يالله حك حك جنوبك وعطنى الدراهم
قعقع :والله غالي بس تستاهل أنت والخرفان <<<<<< جاااااااااااااااااب العيد لاحووووووووول
الشريطي : بعد مأستلم الدرااهم قاله يااغليم أقول حمل خرفانك وأقلب وجهك
قعقع : أبشر طااال عمرك .....وحملهم وعلى البيت وهوووووووو مفرفش يقاال أنه جاايبله خرفان !!
عاااد تتوقووعون وش الخرفان الي جاايبهن <<< هنا المصيبة الكبرااااااا
جيب له خرفاان البرابر <<< أستيراد من السوودان والخرووف الواحد 200 ريال تخب عليه وممكن يجي معه مجاناً خرووف صغير .. وأبوو الشباااب طااقن الخرفاان 2000 ريال <<< والله فرق كبير
وصل البيت ويطبح من السيارة وهو فاتح خشته ومستانس ومبسوط على باله أبووه يبي يمدحة !!
قعقع : ياااااااااااااااايبه وينك يأبن الحلال <<< صار واحد من الشباب مو أبوه
أبوة : هااه يأبوي أنت
قعقع : والله يأنا جايبلك خرفان بعمرك ماشفتهن .
أبوة : هاه والله مأدري عنك ياقعقع يالله ورني الخرفاان ... وطلعوو الي المصيبة الكبرااا
ويطالع أبوه الخرفاااان وهو منصدم ويطالع قعقع وقاااال وش هذا ياااوليدي
قعقع : على باله مدحة مادرى أنها سبة هذا الي وصيتني على يايبه وتراني أشتريتهن وانا مستعجل
أبوة : والله من الكيك و الصمون والعصير الي بهالمخ بكم شريتهن يأبوي
قعقع : قالي الشريطي 2500 ريال وبعد مااحشرته عطنياهن 2000ريال
أبوة : أبك أنت سربوت أنت حدك البقاله وتخب عليك ياابووك 2000 ريال بهالخروفين الي مأخذهن ولا بريال ويهبدة على ظهره الا هو جالس بين الخرفاان وعيوونة أمتلت كلها دمووع
أبوة : قم قم أنقلع للبيت لا بارك الله فيك
ويرووح قعقع المسكين للبيت ويطلع لغرفته وهو متحطم ومأيس من الحياة كلها ويقوول أنا ليش حظي كذاا يااربي ويقفل الباب علية ويدقهاا خليليه لما تفطرت عيوونه ( يعني بكي لما عيونة أنتفخت)
ويروح أبووة للسوق ويبيع الخرفان الي جايبهن قعقع بــ 500 ريال ويشتري خورفين الي عليهن الكلام ويرجع للبيت .
أبوووة : وين قعقع ياااقعقوعه <<< هذا الدلع لقعقع ياابوي يااقعقع يالله تجهز بكرة الفجر نبي نمشي لأم رقيبه
قعقع : خلاااص يبه طال عمرك سم وأبشر والوعد بالدوانيه الساعة 5 الفجر << قايلكم الولد زااحف .
وتطق الساعة 12بالليل ومانام وتجي الساعة 3 بالليل وبعده مانام << يفكر وشلون يأخذ مفتاح الددسن علشان يسوق . وتجي الساعة 5 الفجر الا وهو جالس بالدوانية وينادي يااايبة يالله تراانا متأخرين
ويجي أبوه مااشااء الله عليك والله أنك في بعض الامور تغدي رجاال بسم الله عليك
قعقع : أعجبك يااخلفهم << لا تعليق قال :يالله عطني مفتاح السيارة
أبوة : يالله خذ المفتاح وشغل الددسن وخلها تسخن
قعقع : أبشر والله من يشغلهاا
ويطلع ويشغل السيارة وجيوبة ملياانه شرطاان . خالد عبد الرحمن "أبصملك على العشره" وعزازي"عيونك الحلوين " ومانسى الصريخ وفتى نجران والشلة الباقية .
ويمشوون لأم رقيبه طلعو من الرياض الساعة 5.30 الفجر وشوووف وشلوون التحويص وضرب الارصفة والرجال مواصل وكل مااسكرت عينة أبوة جنبة عطاه الم على أفااه وكل ماايبي يرمش وسكرت عينه مااتفتح تقل حااط فيهاا غراا عطاه أبوة مخمس وفتح عينة وهذي حال قعقع لما وصلو لأم رقيبه الساعة 8 الصباح << أبو الشباب من كثر السرعه والتحويصات وضرب الارصفة الاغرااض طااحين كلهن على طريق الرياض ومابقى الا الفرشة وشوية أغراااض وسكت أبو ومااقاال شي ماايبي يحطمة زيادة ويروح للمحطة ويكمل الاغراض الناقصة .. وتبدأ مهمة قعقع المنحوووس ؟!!!
ويبدأ يشتغل وسلخ الخرفان ويجهز القهوة <<< شغيل الولد بس لا زم يحووسها ..السااعة تشير الى 12 ظهراً وكل شي جااهز الا الغداء باقي له ربع ساعة بس.. شوي الا الضيووف وصلوو ويستقبلهم أبوووه ويسلم عليهم وينتظر قعقع يجي يسلم عليهم مااجااء .. طبعاً قعقع عند الغداء وبيده الملاس وعلى رااسة منشفة ( فوطة) بس وش عنده مأدري والمشكله أنه ماايدبرها.
أبوة : قعقع تعاال سلم على الضيووف
شووفووووووووووو المصيبة
ويرفع أيده قعقع ويقول سلام عليكم ياارجاااال وشاونكم أستريحو المحل محلكم والله شوفت عينكم مشغوول
لاحوووووووووووووووووووووول ياقعقع دائماً تجيب العيد ..
ويجي يصب القهوة عليهم وكل مااقال واحد بس قاال واحد عن الشكة ويخلص خمس دلال قهوه عليهم هذا من غير الشاي
الله يعينهم عليك يااااااااااا قعقووووووووووووووعه << حيران والله أنه لايق عليك هع هع هع هع
.
ويطالع بالساعة الا وقت الصلاة الحين ويقووول للضـــيوف يالله قوومو صلوو وخلونا نحط الغداء علشان كل واحد يتيسر لأهلة وحنا نبي نمشي لرياض
ويطالعون في بعض الضيوف ومااصقدوو هلاكلام ويتغامزون ويقولون يالله خلونا نصلي لأيطردنا هالعربجي <<<< حتى الضيووف عرفو أنه عربجي
صلوو وخلصوو صلاة شوي الا الغداء جاهز ويقوول لهم يالله تفضلو على غداكم وبسرعه شوي علشان مايبرد بسرعه وبصوووت عالي ياااااااااااااااااااااااالله . وشووف الضيووف وشلون خافو منه وبحركة وحدة وهم على الصحن .... وبصووت مرتفع سمووووووو الله يحيكم على الفال ويتبعه العقاال << جاب العيد خخخخخخخخ
أبووة : قعقع ياابوووي أطرد الذبان عناا خلنا نتغدى زين .
والله لايوركم وشلون هم منفعل وهو يطاارد الذبان ويحوسهم حوووووس تشووف هذا طاار شمااغة هناااك وهذا عقااله مشووت وهذا خشته متورمه من كثر الطق ويلحق الذبان على الفرشة وبين السااراات حتى وصل لجيراانهم مخيم بجنبهم ويلحق الذباان << متحمس الله يرجك بس
والنتيجة الصحن كله رمل وغباار وقاامو الضيووف وقاالو : كثر الله خيركم وخلف الله عليكم .
قعقع : ياهلا ومرحباً بضيوفنا الكرام حللتم أهلاً ووطئتم سهلاً ومع السلامة
أبووه سااكت وش يقوول ووش يتكلم مشو الضيوف ومابقي الا قعقع وأبووة قال أبوة قعقع يالله غسل الصحوون كلهاا وبسرعة وأنا أوريك ..غسل قعقع الصحوون وخلص منها ويرتبون الاغراض على شان يرجعون للرياض ويربط قعقع بالحووض مع الاغراض ومشو لرياض
واصلو للرياض بسلااااااااااااام
وتنتهى قصة حيران قعقع المنحوووس وحلف أبووة أن مايأخذه مرة ثاانية معااه لأن الطلعه هذي علمت أبو قعقع أشيااء كثيرة
وبس خلاااااااااااااااااااااااااااص
تعليق