الرد: منثول في طلعة برية ......( صور خاصة لساندروز )
ما شاء الله تبارك الرحمن
وش هالمناظر اللي تفتح النفس 
ما أقول أحسدكم .. لكني والله أغبطكم على لحظاتكم هناك
فعلاً مناظر ( حتى لو إنها من العام ) بديعة وخلابة وما تقدّر بقيمة أبداً
بصراحة كل مرة أعزّم على طلعة .. يجيني ما يشغلني 
والسنة ذي راحت علينا 
لكن السنة الجاية إن الله أحيانا وبإذنه تعالى ما عني وعنها لو أتنحّش من بعض الأمور 
8
8
8
8
8
الصورة هذي سلّم لي على اللي ملتقطها .. فنان ما شاء الله عليه 
والله هناك مناطق كثيرة في بلادنا نجهلها رغم جمالها
وأعتقد أن إنشاء وزارة للسياحة قد يسهل الأمر وتعريف السائح بكل مناطق السياحة سواء البرية أو البحرية ..
وأعتقد أن إنشاء وزارة للسياحة قد يسهل الأمر وتعريف السائح بكل مناطق السياحة سواء البرية أو البحرية ..
مثلا في الجنوب هناك مناطق لم تذكر يوما في التلفاز أواي وسيلة إعلامية تعتبر هذه المناطق من أجمل مناطق الدنيا خضرة وجمالا..
ولكن لم تصلها المشاريع السياحية ولا الخدمات...
وأحيانا ... أقول الحمد لله أنها لم تصلها هذه المشاريع
لأنها لو وصلت لها سوف تدمرها ....
ولكن لم تصلها المشاريع السياحية ولا الخدمات...
وأحيانا ... أقول الحمد لله أنها لم تصلها هذه المشاريع
لأنها لو وصلت لها سوف تدمرها ....
لأنه للأسف ليس هناك تخطيط بعيد المدى في هذا المجال بالذات ....
أأيد كلامك هنا أخوي منثول إن فيه مناطق كثير يمكن ما راح أحد يصدّق إنها عندنا وما بيننا وبينها شي!
مشروع التخرج اللي سويته مع إثنين من الزملاء قبل 5 سنوات تقريباً كان عن التنمية السياحية المستدامة للساحل الشمالي الغربي بالمملكة
وكان تحديداً عن منطقة أملج .. وباقي المجموعات تناولت باقي المناطق
بس تبغون الحقيقة .. ما شفنا هناك إلا الخيال!!
مناظر كل من شافها كذّبني إنها عندنا
ولا يصدّق لين أحلف .. لكني بعدين حلفت إني ما عاد أحلف
وأوعدكم أنزّل لكم الصور قريب إن شاء الله
لكن بالنسبة لكلامك عن وزارة للسياحة وعن التخطيط طويل المدى فلي تعليق بسيط عليها
أولاً فيه هيئة قائمة ومستقلة تختص بالسياحة (الهيئة العليا للسياحة)
الهيئة هذي عمرها ما يتعدى 6-7 سنوات ماني متأكد والله
أمينها العام هو صاحب السمو الملكي الأمير سلطان بن سلمان بن عبدالعزيز آل سعود
وأعتقد إن أغلبكم عنده خبر عنها
يمكن الأخوة غير السعوديين هم اللي ما سمعوا فيها لحداثتها
ومن المتوقع إن تكون هالهيئة هي الخطوة الأولى لوزارة مستقلة للسياحة مستقبلاً
لكن (ومن وجهة نظري) إن الوضع الحالي ما يستلزم وجود وزارة لأسباب كثيرة منها إن التوجّه مازال جديد وما فيه خبرات وطنية كافية وكثير من العوائق الإدارية
ثانياً (ومصدري هنا موثوق) إن الهيئة حالياً شغلها الشاغل هو التخطيط طويل المدى اللي أشرته له بالبداية أخوي منثول
وفيه شغل كثيــــــر خلف الكواليس (على ما قالوا) وتفاصيله بصراحة كثيرة وما راح أدوش روسكم بها
لكنها على المسمى (طويل المدى) .. وتحتاج فعلاً مدى طويل عشان تتجسد على الواقع
ولو ما لحقناه يلحقونه عيالنا إن شاء الله
أهم شي البداية .. والإستمرار
آسف للإطالة .. وتحياتي للجميع
تعليق