صباح\مساء الخيرات
<<تتميلح بذا الورد
الوقت: الساعه السابعه بتوقيت الرياض
المكان: غرفة المعيشة..
دخل الأب بعد صلاة المغرب (بعدما سمعنا قرع نعاله حفظه الله ولاعدمنا سماعه) وتم تغيير القناة الى السعودية الاولى.
.والكل فزز من مكانه لالقاء تحية المساء وتقيبل رأسه(ولا الحجر الاسود..كل مادخل البيت حبينا ذا الراس) 
..وطبعا القهوه والقدوع مزههب من ساعه(خوفا من الشايب الله يحفظه) .
.
جلس وتحلقنا حوله وقامت السنعه ملح
(اللي هي أنا ياحبي لي والله يحفظني<<لايكثر بس..) وصببت القهوه وبالغلط مدتها باليسار
لا واجتمعت الاظافر طوييله..اححح يدي حررتني..وش فيه ذا الشايب وراه مايآخذ الفنجان..وارفع راسي..الا ذيك النظرات..
كن ودده يقوم يفرشني في الأرض:خواااجى انتي يوم تمدين الفنجان باليسار..لاعاد تكررينها..وبعدين وش هالاظافر؟؟ ترى مايجوز..وبعدين تلقين كل اللي تحتها جراثيم..وانا مخننقتني العبرات اقول بصوت يغالبه البكاء 
:والله كل يوم انقعها في ديتول..ابوي:وشوله؟؟ قصيها وارتااحي(مايدري اني مطوولتها للعطله عشان العروس(ياعمري تنررحم).
.ويمد يده شوفي اظافري وش زينها(يقارن ووجهه)
عاد أنا ضاق صدري مابي الهوشه تصير في وجهي بس..من النجاسه قعدت أناظر يدين اخواتي يعني شفهم..عاد ابوي نبيه قال:وروني أظافركم(ذكرت أيام التفتيش في المدارس)....وكل وحده كلت تهزيء وهواش مثل ماجاني
بعد خمس دقايق من التهزيء..وحنا نناظر ابوي ومزاجه<<عندهم طلبات ويبون يجسوون النبض
ماش الابو مكششر..وعيونه تروح وتجي
(قاعد يفككر يدوور شي يهوش عليه) فجأه وبينما نحن نتغامز ونتبادل الهمسات ..الا ابوي الله يسلمه نفضنا بصوته العذب:انتم طالبين اليوم من البقالة؟؟؟(المشكله في هالموقف ماندري نكذب والا هو عنده الخبر اليقين) 
سكتنا..ودايما ماتطيح عيون ابوي الا علي ويناظرني يحتري الاجابه..انا اناظر في وجيه اخواتي المماليح يعني أقول الصدز والا الففق..(خايفه من الهوشه اللي بتجيها منهم) 
هزيت راسي بنعم..نفضنا مرت(ن) ثانيه(هالمرره اقوى من الاولى) .
.أنا غممضت عيوني وحسيت بزي الاعصار جاي ناحية وجهي وشعرري يطييير من الصراخ<<متأثره بأفلام كرتون : أنا كم مرره منبهكم هندي البقاله لايوقف عند باب بيتي..ماتفهموووون؟؟روحوا حسين(ع فكره السواق اسمه تارلي) وش شغلته قاعد في الغرفه!! أنا نزلت راسي والتفت على اختي الجوهرة وهي مييته من الضحك تقول ماش يبه البقاله اذا جت لها طعم!! الأبو هالمره مادقق مايبي يتعب نفسه ويرفع ضغطه<<يخاف ع صحته بقووه
حنا ياعمري انسددت انفسنا ماعاد اشتهينا القهوه..
الابو سكت خمس دقايق..ونفس المشهد يتكرر(العيون تتقلب تدوور شي ) وحنا نتناااافض..نقول:اللهم اكفيناهم بما شئت..قال: وين أمكم؟؟ أنا خلااااص قلت هوشه في الطريق..مالقاها الا امي موسعه صدرها كل يوم طلعه عند أم سعود,أم صلاح,أم مشعل أم ,أم ,أم...الخ.
:يبه طالعه..رايحه تقهوي أم صلاح والده..لا قصدي بنتها هي اللي والده..(ااووووه<<تمسح عرق جبينها وتقول عددت الكذبه ع خير..
الابو وبصوت عالي:ههههههه خخخخخخخخخخخ كككككككككككككككك هع هع هع خخخخخخخ<<بدون مبالغه كذا الضحكه
حننا ماندري نضحك والا نصيح..نحتري وش بيجي بعد هالضحك..
قال: أمكم ينطبق عليها لقب أبو ...<<نيست ووش اسمه
قالت اختي العنود ومن هو ذا اللي مدري وش اسمه...اممم.. ابو <<اسمه اقشرر
صرخ: لاااا مهوب اسمه تسذا..يقاله ابو
حنا طقتنا النفاضة مرت(ن) اخرى قلنا الحين بيرجع المود ع الهواااش..
قال: ابو الله يذكره بالخير..كان كلما دخل مجلس يقعد يتشكى وكل شي في جسمه يوجعه..ومره كنت متوزي(من حينه ابوي سكني يالبى قلبه) واشوفه يمشي مثل الحصان ومحممل ع ظهره صررة حطب وش ثقلها..وفجأه أطلع في وجهه..ويقوم يذب الحطب ويقعد يتلوى ماكأنه اللي تو شايلهن..
حنا وبكل مجامله قعدنا نصطنع الضحكات(خايفين مانضحك يعصصب ويدوور شي يهووش عليه)
بعدها اسفهل الرجال..قال :أمكم الظهر تقول :راسي يوجعني مانمت الليل ,ضرسي ملتهب,السكر مرتفع,ركبي توجعني مااقوى اركع...الخ,واذا جاء العصر ماشفناها تروح تسعسع..
حنا من بعد اول هواش كتتمنا ويقالنا زعلنا(حنا دايم كذا اذا صرنا مسفهلين يصير ابوي مقفله معه..والعكس صحيح) ..عاد ابوي يقاله بيلططف الجو وبيبدا باختي المخطوبه<<يعرف نقطة ضعفها : هاه العنود وش اخبار الأمير طلال؟؟(طلال رجلها وهي متملكه عليه يعني تكلمه)
البنت ذااااابت من الحيا وبلاشعور فلت السبحه وكبت العشاء:يسلم عليك يبه..وتراه جاي أمس وهو اللي جاب الشكولاته هذي ذقها يبه..الأبو حز في خاطره ويقول في نفسه: ليه طلال مايجي الا اذا صرت انا في سدير لهالدرجه أنا ثقيل عليه!!
<<تتميلح بذا الوردالوقت: الساعه السابعه بتوقيت الرياض
المكان: غرفة المعيشة..
دخل الأب بعد صلاة المغرب (بعدما سمعنا قرع نعاله حفظه الله ولاعدمنا سماعه) وتم تغيير القناة الى السعودية الاولى.
.والكل فزز من مكانه لالقاء تحية المساء وتقيبل رأسه(ولا الحجر الاسود..كل مادخل البيت حبينا ذا الراس) ..وطبعا القهوه والقدوع مزههب من ساعه(خوفا من الشايب الله يحفظه) ..جلس وتحلقنا حوله وقامت السنعه ملح
(اللي هي أنا ياحبي لي والله يحفظني<<لايكثر بس..) وصببت القهوه وبالغلط مدتها باليسار لا واجتمعت الاظافر طوييله..اححح يدي حررتني..وش فيه ذا الشايب وراه مايآخذ الفنجان..وارفع راسي..الا ذيك النظرات..كن ودده يقوم يفرشني في الأرض:خواااجى انتي يوم تمدين الفنجان باليسار..لاعاد تكررينها..وبعدين وش هالاظافر؟؟ ترى مايجوز..وبعدين تلقين كل اللي تحتها جراثيم..وانا مخننقتني العبرات اقول بصوت يغالبه البكاء :والله كل يوم انقعها في ديتول..ابوي:وشوله؟؟ قصيها وارتااحي(مايدري اني مطوولتها للعطله عشان العروس(ياعمري تنررحم)..ويمد يده شوفي اظافري وش زينها(يقارن ووجهه)عاد أنا ضاق صدري مابي الهوشه تصير في وجهي بس..من النجاسه قعدت أناظر يدين اخواتي يعني شفهم..عاد ابوي نبيه قال:وروني أظافركم(ذكرت أيام التفتيش في المدارس)....وكل وحده كلت تهزيء وهواش مثل ماجانيبعد خمس دقايق من التهزيء..وحنا نناظر ابوي ومزاجه<<عندهم طلبات ويبون يجسوون النبض
ماش الابو مكششر..وعيونه تروح وتجي
(قاعد يفككر يدوور شي يهوش عليه) فجأه وبينما نحن نتغامز ونتبادل الهمسات ..الا ابوي الله يسلمه نفضنا بصوته العذب:انتم طالبين اليوم من البقالة؟؟؟(المشكله في هالموقف ماندري نكذب والا هو عنده الخبر اليقين) سكتنا..ودايما ماتطيح عيون ابوي الا علي ويناظرني يحتري الاجابه..انا اناظر في وجيه اخواتي المماليح يعني أقول الصدز والا الففق..(خايفه من الهوشه اللي بتجيها منهم) هزيت راسي بنعم..نفضنا مرت(ن) ثانيه(هالمرره اقوى من الاولى) ..أنا غممضت عيوني وحسيت بزي الاعصار جاي ناحية وجهي وشعرري يطييير من الصراخ<<متأثره بأفلام كرتون : أنا كم مرره منبهكم هندي البقاله لايوقف عند باب بيتي..ماتفهموووون؟؟روحوا حسين(ع فكره السواق اسمه تارلي) وش شغلته قاعد في الغرفه!! أنا نزلت راسي والتفت على اختي الجوهرة وهي مييته من الضحك تقول ماش يبه البقاله اذا جت لها طعم!! الأبو هالمره مادقق مايبي يتعب نفسه ويرفع ضغطه<<يخاف ع صحته بقووهحنا ياعمري انسددت انفسنا ماعاد اشتهينا القهوه..
الابو سكت خمس دقايق..ونفس المشهد يتكرر(العيون تتقلب تدوور شي ) وحنا نتناااافض..نقول:اللهم اكفيناهم بما شئت..قال: وين أمكم؟؟ أنا خلااااص قلت هوشه في الطريق..مالقاها الا امي موسعه صدرها كل يوم طلعه عند أم سعود,أم صلاح,أم مشعل أم ,أم ,أم...الخ.
:يبه طالعه..رايحه تقهوي أم صلاح والده..لا قصدي بنتها هي اللي والده..(ااووووه<<تمسح عرق جبينها وتقول عددت الكذبه ع خير..
الابو وبصوت عالي:ههههههه خخخخخخخخخخخ كككككككككككككككك هع هع هع خخخخخخخ<<بدون مبالغه كذا الضحكه
حننا ماندري نضحك والا نصيح..نحتري وش بيجي بعد هالضحك..
قال: أمكم ينطبق عليها لقب أبو ...<<نيست ووش اسمه
قالت اختي العنود ومن هو ذا اللي مدري وش اسمه...اممم.. ابو <<اسمه اقشرر
صرخ: لاااا مهوب اسمه تسذا..يقاله ابو
حنا طقتنا النفاضة مرت(ن) اخرى قلنا الحين بيرجع المود ع الهواااش
..قال: ابو الله يذكره بالخير..كان كلما دخل مجلس يقعد يتشكى وكل شي في جسمه يوجعه..ومره كنت متوزي(من حينه ابوي سكني يالبى قلبه) واشوفه يمشي مثل الحصان ومحممل ع ظهره صررة حطب وش ثقلها..وفجأه أطلع في وجهه..ويقوم يذب الحطب ويقعد يتلوى ماكأنه اللي تو شايلهن..
حنا وبكل مجامله قعدنا نصطنع الضحكات(خايفين مانضحك يعصصب ويدوور شي يهووش عليه)
بعدها اسفهل الرجال..قال :أمكم الظهر تقول :راسي يوجعني مانمت الليل ,ضرسي ملتهب,السكر مرتفع,ركبي توجعني مااقوى اركع...الخ,واذا جاء العصر ماشفناها تروح تسعسع..
حنا من بعد اول هواش كتتمنا ويقالنا زعلنا(حنا دايم كذا اذا صرنا مسفهلين يصير ابوي مقفله معه..والعكس صحيح) ..عاد ابوي يقاله بيلططف الجو وبيبدا باختي المخطوبه<<يعرف نقطة ضعفها : هاه العنود وش اخبار الأمير طلال؟؟(طلال رجلها وهي متملكه عليه يعني تكلمه)
البنت ذااااابت من الحيا وبلاشعور فلت السبحه وكبت العشاء:يسلم عليك يبه..وتراه جاي أمس وهو اللي جاب الشكولاته هذي ذقها يبه..الأبو حز في خاطره ويقول في نفسه: ليه طلال مايجي الا اذا صرت انا في سدير لهالدرجه أنا ثقيل عليه!!
وقعدت العنود تبرربر ع راس ابوي عن طلال وكنني بابوي متحسسف انه سائلها..وتلتفت علي غدير تقول:وذي متى تعقل؟؟وجع لو وجهها مغسول بمرقة بعير..أحد يسولف عن رجله؟؟
الأبو حامت تسبده وبدون مقدمات التفت على غدير وقال: غدير انتي يوم تزهمين علي قبل صلاة المغرب وش كنتي تبين يوم نفخت عليتس <<ياحبي له يعترف..قالت: لا بس كنت بقولك بعد العشاء بتمررني بنت عمي بنروح السوق برجع اغراض<<دااايم هذي أعذارهم اذا بغوا يروحون السوق..سبحان الله ماعمرهم شرووا شي قبلهم يرجعوون
الابو:ايه ميخالف بس لاتطولون..
ويجي الدور علي أنا يبي يسولف معي بأي طريقه عشان يراضيني(ماخبرت المراضاة تسذا)
هاه تسددت فاتورتك؟؟
أنا: فقيت الخشه لاشعوريا واخيييرا سأل عن فاتورتي اللي مدري ليه ماتوصل البريد..
قلت: يبه قل لخالد يسددها عن طريق النت؟
ابوي امتلى راسه بعلامات تعجب واستفهام قال:وشلون عن طريق النت؟<< ع ان ابوي كل شي يعرفه الا النت عجر لايفمه..وشلون يرسل الفلوس؟؟هي توصلهم صدز؟؟والا تنلهف؟
أنا:لا ويين تنلهف ..عاد بلشت مدري وشلون أفهمه..قلت: برنامج اسمه سدد عبر النت<<مالها خلق تشرح
الابو مادخلت مزاجه بس مشاها..
ويقطع الحديث صوت الله أكبر مناديا لصلاة العشاء..
الأبو ارتشف أخر قطره من فنجانه..وقام عشان يتجدد للصلاة..وكالعاده يصووت بصوت يشيل البيت شيييل:خاااااااااالد ..محممممممممممممااااد..قوموا الصلاة ..الصلااااة..اطلبوووووا الله..
بعدها يغادر البيت تاركآ بناته مغشيين من الضحك ع هالمود العجيب والجلسة الأعجب!
ملاحظه:
-التصوير هذا فيه شي من الواقع وكما انه لايخلوا من الخيال..
-أسئلة أود طرحها
..وش رايكم في شخصية الوالد(الله يحفظه) ؟؟
هل تتمنى أن يتحلى والدك بهذه الشخصية أم تحمد ربك مليون مرره انه مهوب أبوك؟
ان شفت تحممس وتقببل لموضوعي نززلت مواضيع ع غراره عن الاجازه الصيفيه ,السفر ومن هالقبيل..
.وتلتفت علي غدير تقول:وذي متى تعقل؟؟وجع لو وجهها مغسول بمرقة بعير..أحد يسولف عن رجله؟؟الأبو حامت تسبده وبدون مقدمات التفت على غدير وقال: غدير انتي يوم تزهمين علي قبل صلاة المغرب وش كنتي تبين يوم نفخت عليتس <<ياحبي له يعترف.
.قالت: لا بس كنت بقولك بعد العشاء بتمررني بنت عمي بنروح السوق برجع اغراض<<دااايم هذي أعذارهم اذا بغوا يروحون السوق..سبحان الله ماعمرهم شرووا شي قبلهم يرجعوونالابو:ايه ميخالف بس لاتطولون..
ويجي الدور علي أنا يبي يسولف معي بأي طريقه عشان يراضيني(ماخبرت المراضاة تسذا)
هاه تسددت فاتورتك؟؟
أنا: فقيت الخشه لاشعوريا واخيييرا سأل عن فاتورتي اللي مدري ليه ماتوصل البريد..
قلت: يبه قل لخالد يسددها عن طريق النت؟
ابوي امتلى راسه بعلامات تعجب واستفهام قال:وشلون عن طريق النت؟<< ع ان ابوي كل شي يعرفه الا النت عجر لايفمه..وشلون يرسل الفلوس؟؟هي توصلهم صدز؟؟والا تنلهف؟
أنا:لا ويين تنلهف ..عاد بلشت مدري وشلون أفهمه..قلت: برنامج اسمه سدد عبر النت<<مالها خلق تشرح
الابو مادخلت مزاجه بس مشاها..
ويقطع الحديث صوت الله أكبر مناديا لصلاة العشاء..
الأبو ارتشف أخر قطره من فنجانه..وقام عشان يتجدد للصلاة..وكالعاده يصووت بصوت يشيل البيت شيييل:خاااااااااالد ..محممممممممممممااااد..قوموا الصلاة ..الصلااااة..اطلبوووووا الله..
بعدها يغادر البيت تاركآ بناته مغشيين من الضحك ع هالمود العجيب والجلسة الأعجب!
ملاحظه:
-التصوير هذا فيه شي من الواقع وكما انه لايخلوا من الخيال..
-أسئلة أود طرحها
..وش رايكم في شخصية الوالد(الله يحفظه) ؟؟
هل تتمنى أن يتحلى والدك بهذه الشخصية أم تحمد ربك مليون مرره انه مهوب أبوك؟
ان شفت تحممس وتقببل لموضوعي نززلت مواضيع ع غراره عن الاجازه الصيفيه ,السفر ومن هالقبيل..
تعليق