المكان مطار الملك .... ( ماني قايل ) وبالتحديد عند كاونتر الخروج. ودعت الاهل ( ودفعت 50 ريال ) وبمنظر محزن شلت شنطتي السامسونايت بيد (ماخذها من ابوي) وباليد الثانيه شلت الصندوق الاخضر الذي يحمل في طياته معاميل القهوه والدلال متوجه الي الطياره الي هناك ( حلها عاد) كان معي وبرفقتني ابو سعد و زوجته و وبزرانه الله لا يقبلهم كان يا كثر خنبقتهم وما يخلون شيء الا و يحوسونه. وتركي و زوجته ( توه معرس وماخذن زوجته معه لامريكا ثور و الا فيه احد يروح للمطعم و معه سندويشه) احد يعاف الشقر بس على الاقل لتحسين النسل من زينه وهو كشرته. انتظرنا شوي لين فتحوا باب الطيارة وانا متاكد ان الوقت اللي انتظرناه كانت طويل وشين بالحيل على تركي لانه قايل لي طلبتك تكفى لا تقعد تقز في حرمتي وتدقق علي كل شيء اسويه قدامها مثلك عارف بسوي نفسي فاهم عندها لكن علي مين بس والله ياني قزيتها من راسها لين رجليها وعلى قوله المثل شين وقوي عين. سالتة بعد يومين وقلت له : ياخوي ليش حرمتك ما تسوي رجيم تراها والله سمينه و بتبلش ببناطلين الجينز ومهيب لاقيه مقاسها والا تحسب الدعوه تننانير فيذا ( لا احد يسالني وش قال لي لان رده فعله كانت بالفعل مش بالقول هالمره ..يا شين الغيره الي على غير سنع ). المهم ركبنا الطياره والشباب راحوا لكراسيهم في الدرجه الاولي ( عيال نعمه ) وانا صفطت يمين علي الدرجه السياحيه اللي بالعافيه جمعت فلوسها وزين انهم ما حطوا لي كرسي علي الجناح وجلسوني (الريحه ما تنطاق بالحيل) كنت في قسم العربجه ( قسم المدخنين) و بعد ما اقلعت الطياره ماش بديت احس بالوحده ودي اسولف وابربر مع اح ما اقدر اصبر لحالي. اتلفت يمين و شمال كود اني اشوف احد اعرفه ولا لقيت احد. والله بلاني اني جلست جنب واحد من ركب الطياره وهو مغطي وجهه و معطيها نومه. بعد نصف ساعه جابوا العشاء ! والا هاك اللبنانيه الي تخليك لا شفتها تصوم سنه من الزين الي فيها, وهذي ما تقول للقمر قم وان اجلس مكانك لالالا هذي هي القمر بعينه ( ياني نصاب بعد) ايش جسم و ايش قطعه وجه وايش لبس ابد ابد ابد هي هي الي دايم اشوفها في منامي راكبتن وراي علي ظهر ثور ابيض و متوجهين الى جزيره مهجوره علشان نجربع فيذاك. من شفت طلتها قلت اكيد اللي بتوسع صدري بها الرحله نبي نسولف مع بعض و نضحك... وقبل ما يجي دوري في بالعشاء تزينت و عدلت جلستي ومسكت الجريده علي بالي ماخذت بالي مهنا. جت لمي وقالت لي : عفوا" يا استاز بدك العشاء دجاج والا باللحمه؟؟ حطيت الجريده علي ركبتي والتفت عليها وانا حاط ثلاث اصابع من يدي اليمنى علي خدي وقلت بثقل ممزوج بالحليب عفوا" ممزوج بالغرور : الحقيقه ابيه باللحم لاني اعز واقدر اللحم وخصوصا" اللحم الابيض المتسورد لما يكون ني ( مغازله عرابجه ) البنت علي نياتها ضحكت وهي والله ما جابت خبر لقصدي وحطت العشاء وراحت ( غريبه مع انها لبنانيه وتفهمها وهي منسدحه ). ماش الوضع ما عجبني قلت لازم اشوف لي دبهر معها ( تراني لزقه العن من لزقه جونسون), وانا الي اهمز زر النداء للمضيفه و جتني علي طول وقالت ايو شو بدك ؟؟ ابتسمت وطلعت ضروسي الي كنهن جدار طين منهد وقلت لها : انا اسف بس الاكل خانس وابي شويت ملح و اذا ما عندكم ملح مافيه مشكله عطيني شوي من ها الملح اللي فيس و حطيه بعشاي ( يا شين البدو و مغازلتهم ). المسكينه ضحكت و قالت : ولو تكرم عينك هلا بجيب لك ملح. راحت و انا متشقق من الوناسه و كني خلاص حطيت البنت تحت ابطي من زود الثقه ( اجل الله يعينها على البداوه ) وعلى بالي انها راحت في خرايطها معي. جابت الملح بنت النشامى وقالت لي : تفزل الملح . قلت لها : والله انتي الملح يا ست الستات و خمسة الخمسات! و قلت لها : الله لا يهينتك و اذا ماعليك كلافه ممكن تكتبين لي رقم تلفونك علشان اتصل عليك و اسمع صوتك متى ما مردغني الشوق اللي ماله قياس لاني بصراحه حبيتك من اول خزه و ودي اننا نتقابل برا الطياره و بعيد عن عيون الناس و اقول كلام كثير يعني اكيد بتجلسين لك كم يوم في نيويورك و اهي فرصه يلتم شمل الحبايب! قامت تطالعني و تغير ذاك الوجة اللي وش زينه الي الى وجة فيه شر الدنيا كلها و دنقت عندي علشان ترد على (خايفه من الفضايح) وعضت على براطمها الحمر ( الي كنها كبده نيه) وقالت لي : يخرب بيتك شو كثير واثق من حالك روح طلع في المرايه وشوف كيف وجهك ( هذا اللي قدرت عليها ) و بعدين تعال سمعتني كلمتين انت حافظهم ولك انت ما بتختشي علي حالك ( يعني لو كنت وسيم كان الدعوه فيها كلام ثاني ) طاح وجهي عاد ... وعصبت انا عاد ... ابدا" صار الي ما كنت متوقعه. المهم كملت عشاي ولا كني سمعت وش قالت ( متعود علي الرفض والتهزءى في دنيا الغزل ). يوم جات الساعة 5 الفجر. و الا الناس نايمه و الجماعة طفوا اللمبات حقت الطياره وانا مثل البومه صاحي لحالي! وبعد بريهه من الزمن (حلو صح ) الا وصوت حرمه تصارخ بصوت عالي وصوتها جاي من واحدا" من الكراسي الي قدام !!؟؟ الناس صحت من الخرعه والجماعه ولعوا اللمبات والبزران بدو يصيحون والمضيفات جو يركضون لم البنت اللي تصارخ وخويتي المضيفه اللبنانيه او بالاصح الي كنت ناوي اشبك معها بس غيرت رايي في اخر لحظه (اكيد انكم مصدقيني) راحت تركض معهن بسرعه مستغله الفتحة اللي بتنورتها اللي وصل لين سرها وهي تركض كنت ادعي انها تطيح و تتكرفس لين ما توصل حضني بس ماش ماكل ما يلمع ذهب ( لحد يقول وش دخل المثل لاني ما حفظت الا هو بحياتي و دايم استخدمه) طيب وش السالفه ؟؟ وش فيها البنت تصارخ؟ الطيارة اختطفت؟؟ او يمكن انها شافتني و قامت تصارخ من زود و سامتي ( جايز ) شوي.. اللي اعلن مساعد سواق الطيارة عن طريق المكرفون وقال : هدوء رجاءا" !! الدعوة وما فيها عندنا حامل و جاها الطلق ( وقت الولادة ) وياليت اذا كان من ظمن الركاب دكتور ولاده او دكتور اسنان او علي الاقل سباك متعود علي فج البلاعات بيلغ اقرب مضيفه حوله !؟؟ انا يوم قال الولادة ..جاني ابليس وقال لي قم وقل للمضيفه انك دكتور و اهي فرصه تشوف الي عمرك ما شفته *_____* قمت اتلفت يمكن وشمال و اشوف هو معنا دكتور والا لا ..والمضيفات يدورون منا و منا وخويتي المضيفه اللبنانيه تتلفت مناك ولا فكرت حتى تلتفت علي وكني بها تناظرني و تقول ما بقى الا هذا مع وجه يصير دكتور !! شفت الدعوة سهود و مهود وتاكدت ان ما فيه احد من الركاب دكتور وانا الي ارفع رجلي اقصد يدي واصارخ " انا دكتور ... انا دكتور " ما دريت الا ثلاث مضيفات محظرين عندي وخويتي من من ضمنهن ( حلوه ضمنهن صح اي معهن والضمير هنا راجع الي صاموله كفر الطيارة الايسر ) قالت وحده منهن: انت صحيح دكتور ؟؟ قلت لها : والله بصراحه يعني انا ماني دكتور دكتور بس عندي خلفيه و معلومات كبيره عن الطب بشكل عام وعن الولادة بشكل خاص!!! قالت حلو كتير كتير يالله يا دكتور الست عام تنتزرك هونيك ( انا اقصد يوم قلت لها عندي خلفيه عن الطب هو ان لي ولد عم يشتغل صيدلي في مستوصف اسنان واذكر اني جلست معه مره وعلمني وشلون اقلع ضرسي لحالي وبدون ما اروح المستشفي واخسر فلوسي وهذا اعتبرها خلفيه طبيه ) المهم قمت من الكرسي وانا رازن خشمي فوق فوق ( طبعا دكتور ) والمضيفه اللبنانيه الي هزئتني صارت توزع الابتسامات لي و تدور على الزحمه دورة ( عارفين ليش طبعا" ) ولا بعد فكت زرارين من قميصها مدري ليش يمكن انها حرانه من ان الجو كان بارد ( يا زين البراءه وايامها *_____* ) و امشي قدام المضيفات نافخن صدري و متلذذ في نفس الوقت بنظرات الاعجاب الي كانت جايه من عيون البنات لي انا لي انا لي انا ( الله يالدنيا .. وانا اول ما دخلت الطياره ما غير عيوني بتاكلهن اكل وهن متحسفات انهن يتكرمن علي بنظرة واحده ..و وحده منهم تقول لي يا رفيق مكانك مهوب هنا . تحسبني هندي من الجينز الي لابسه والحين تغير الحال وصرت وش زيني ( ما درو ان الالقاب هذي عمرها ما رفعت قدر راعيها دام ان قدره من الاساس واطي.) رحت مع المضيفات وانا راسم في بالي ان هالبنت الحامل الي تبي تولد موووووت و تسحب اطلق شنب علي وجهه وش جسم وش صوت وخصوصا" انها لازم تصارخ ( طبعا هذي ولادة لا تروحون بعيد ) وانا اقول في نفسي والله وقام حظي بعد شوي بشوف شي عمري ما شفته ( معقوله ؟؟!! ) وقدام الناس بارده مبرده وابن امه احد يتكلم بالعكس راح يشكروني واولهم البنت.. خذوني المضيفات معهن للغرفه حقت المضيفات الي يصلحون فيها الاكل. ويوم وصلنا والقى قدامي كتله شحميه طايحه