فترة النفاس طويله بالنسبه للزوج
ويزيد اشتياق الزوج للزوجه بسبب بعدها عن بيتها وعنه ويتمنى لحظة رجوعها بفارغ الصبر
بس بعض النساء تمغطها لشهرين أوثلاثه
وبالنهايه هي الخسرانه
بعض الازواج مايتحمل ويلجأ للضغط عليها
وبعضهم يكتمها بنفسه ويسكت
بس فيه نوع ممكن يتهور ويقلب
حياته فوق حدر
هاذة قصه امرأة مع زوجها ..
اقترب نفاسها الى نهايته اتصل عليها زوجها
قال لها: يوم الاربعين تراني جاي اخذكم للبيت
قابلت طلبه بالرفض
وقالت: الحريم يقولون احلى شي الوحده تجلس اسبوع او اسبوعين بعد النفاس
عصب وقال: هذا الكلام اللي عندك زعل وسكر السماعه انقطع عنها وقلل من مكالماته
دق عليها بعد اسبوع وقال: انا ماراح اجي آخذك ويكون بعلمك انا تزوجت
وزوجتي سكنتها في الشقه المعزوله في البيت على قولتنا (شقه المسروقه)
انهارت الزوجه لمت اغراضها وراحت لبيتها
تقول: نفسيته تغيرت بعد كل وجبه يروح ركض لها ومايرتاح في النوم ولا يعدل فيه
تقول: اسمع صوتها وهي تتمشى في الشقه
مبين انها دايم على سنقة عشره ماتسمع الا صوت الكعب
قال لها: زوجها ابعرفك على زوجتي واعطاني من هالنصايح
العصر تكونين جاهزه تطلعين تسلمين عليهاهي العروس
قالت: ابشر اخذها وطلعوا مع الدرج
تقول: والله اني احس الدنيا تدور فيني وقف زوجي عند باب الشقه
وقال: لحظة اناديها ما أن سمعت صوت كعبها كالعادهـ المسكينه الزوجة الاولى الا اغمى عليها ..
صحت على المويه وصوت زوجها
قال لها: قومي ياالخبله شوفي زوجتي ..
فتحت عيونها الا ((غنمه .. عنز )) في وجهها
قالها: هاذي زوجتي
هذا مقلب سويته فيك عشان ماتعصين لي امر
قلت: توبه مافيه نفاس اصلا عند اهلي ..
ماراح اطلع ولا ازور اهلي اعصابي تعبت نفسيتي زفت ..
فيه من يسويها ويتزوج ادميه ترى انتبهن
موقف اعجبني واتمنى ان ارى وجهة نظركم...؟؟؟؟
تعليق