اول شي المقالة هذي برعاية (( مايوهات نينا ريشي )) أنا يوم شفت ماعاد عندي سوالف اقولها قلت اقولكم سوالف احصلت لي (( ليتك تسكت ازين لك)). المهم القصة هذي اللي بقولها احصلت لي في اسبانيا في منطقه اسمها فنخرولا في ملقا ..( وربي مستحي اقول الاسم بس وش اسوي هي اسمها كذا ) … وتبعد المنطقة ذي عن ماربيا 40 كيلو بالسيارة .. المهم أول ماوصلنا رحنا على طول وسكنا في فندق خمس نجوم ((واحد بيتفشخر … أقول الله يسلم اميمته بس ))… المهم سكنا في الفندق وخذنا غرفه ، وجلسنا اناظر الديره من الغرفه ولا حنا مصدقين (( الله يرحم ايام النعيريه كنا نطل من فندق الشرافي ونشوف حوش الغنم تحتنا)) !! المهم عقب ماطلينا من البلكونه ولا ذا الخير وذا البحر وذا الناس رايحه وجايه وكلها لابسه حشمه على البحر (( ياكذبي)). ولمحت وانا انظر حمام السباحه من على يساري وكان ماهوب باين الا قليل منه لكن كني لمحت وجه خليجي جالس على البسيه ((ياشيني وانا اقولها)).. المهم عقب ماحطيت شناطي (( الله واشناطي صندوق القهوا اللي بالخيمه حلفت جدتي خزنه لاروح فيه))… المهم نزلت ..للبسيه (( يعني حمام السباحه بالحضري البركه بالبدوي )).. ويوم دخلت حمام السباحه ولا كله مزاليط !! حتى من الشكه جالست اناظر بعمري انا نازل بشي ولا مزلط انا بعد .. المهم يوم دخلت ولا ذي بنت خليجيه معها خدامتها وجالسه توها بتسبح لكن شافتني هونت (( تستحي فديت خشتها))… وقمت عاد انا وقلت بجلس لين تسبح ((قليل حيا فديت خشتي))..وهي طبعا حاطه في بالها انها تنتظر لين القّط وجهي واروح وعقبه تسبح … لكن انا بخبرتي سويت نفسي دلخ (( دلخ طبيعي بدون اضافة أي مواد دلاخه)). وبعدين قلت في نفسي وراها ماتسبح قدامي ولا انا رجال واللي جالسين نيلي ورفيقاتها .. المهم ركب في راسي اني اعسكر (( دلخ وتسويها)) .. وقلت انا دافع تذكرة وبايع لي كم راس غنم عشان اطرب راسي منيب قايم لين اشوفها تسبح (( بدوي متعود على العيون بالشرقيه)) ، المهم البنت يوم حست اني مسمار في لوح قامت واقصرتها وخذت خدامتها ومشت .. واقوم انا واروح عند الرسيبشن وقلت لهم عطوني غرفه على حمام السباحه قالو في زياده بالسعر .. يوم حسبت الزياده ولا يسوى قيمة طلي من الغنم الي عندي ..قلت يفداها الطلي لو سعر الغرفه قعود (( يعني جمل بالسعودي وبالامارتي بوش وبعير مدري عاد من يسميه )) المهم قلت ماعندي مانع ((يا قرد حظها طاحت بمحرج غنم)).االمهم قمت الصبح بدري واقوم واروح اعسكر في حمام السباحه ماعندي غيره (( واحد خايف يطلع من الفندق يتفاجيء انه في البطحا)) واقوم واجيب الشورت حقي (( بدون تعليق )) والنظارة الشمسيه (( الله يسلم حامد راعي البعارين جايبها معه من السودان وتسلفتها)).واقوم وراتكز . . ولا خذت اربع ساعات الا وهي جايه ويفز قلبي وقلت هلا ومرحبا مليون تعداد مافي هل الصين من اذان وعيون … ولا جت وشافتني الا وانصفق وجهه (( مالومها عقب الريوق عشرق)).. المهم جلست وهي جالسه قدام ومغير انتناظر بالعيون هي بنص عين وانا بعيوني كلها ولا متسلف عين حمود معي ومغير مبرق اقول متى بيهديها الله وبتنزل وهي طبعا حاطه في خاطرها أني ساعه وامل واروح (( ماتدري ان اللي قدامها دلخ مواليد خرج )) .. المهم عسكرت وقلت في بالي على العموم انا ماجيت من ديرتي الا بعسكر فيذا .. المهم جلست تقريبا لين قبل اشوي من المغرب ..وقامت وشالت اغراضها ومشت وعقبها رجعت ثاني مره كانت ناسيه شي (( وجت تاخذ نظارتهاا وخصله من مصاطرها وتديني شمسياتي بقايا ساعات نظارتي وجت تاخذ رسايلها ))..المهم راحت ورحت وتجي ثاني يوم وتسوي نفس الشي بس حبيت تسوي انها طلعت عشان ترجع ثاني مره لارحت لكن على مين يا بابا افهماها وهي طايره (( خريج كلية الزراعه)) .. وتقوم ثاني يوم الصبح وتجي بدري وانا كنت نايم (( حسبي الله عليها غشتني )).. واقوم واروح طاير لحمام السباحه حتى وجهي ماغسلته .. واجي ولا البنت في وسط الحوض !! .. قلت حلو الحين المعادله حلوه انها ماتنزل تسبح ممكن ، لكن انها ماتطلع دي الي مستحيل ((صحيح الي اختشو ماتو)). . وتقوم البنت يوم شافتني ويتغير لونها قلت في بالي مسكينه تغير لونها من الحيا الله يحفظها .. واقوم واحط كرسي وذي قعده (( مع تحيات لازاقات بو فيل)).ويوم شافت كذا البنت وتقول للخدامه تعالي منا وجيبي الفوطه قدامها تبي تغطي علي واقوم واشغل الرادارات (( دلخ نشبه)). . واقوم واجي يمك الخدامه وتقوم هي وتهون من الطلعه واقوم انا وانادي رفيقي حمود واقوله يا حمود رح جب الريوق وترى الغدا بعد هنا (( مقطع من فيلم الحقير)). . عاد الدلخ دلخ ولا يعني بتصرفي ذا جبت العيد.. المهم وتقوم الخدامه بسرعه وتغطي على معزبتها وتطلع البنت بالفوطه وتطلع وتستر بسرعه صراحه انا خجلت من نفسي قلت البنت مستوره انا وش فيني اتلصص عليها (( دلخ مع مرتبة الشرف)) وقلت لالا خلاص حرام البنت مستوره اجل لو هي ماهيب مستوره ليش تحاول تغطى مني …يعني كله عشان لبست مايوه طيب وش فيها كل رجال ولا بنت لاجو يسبحون يلبسون مايوه (( يا ظالم لك يوم)) .. اجل وش ريكم يعني تلبس بكيني لاقدر الله .. على الاقل المايوه احشم اشوي اعوذ بالله من طاري البكيني حتى سمعت انه يجيب الحساسيه للبنات ((( دلخ على نياته حليو )) .. المهم عقب ماعرفت اني ظلمت البنت وطلعت مستوره وبنت اجاويد (( مقطع ليونس شلبي في فيلم العبيط)). . قلت خلاص بخليها تسبح على راحتها عشان البنت تستحي مني وان كان على الرجاجيل اللي في المسبح انا الي فهمته انها تعد الاسبان الرجاجيل مثل خواتها وعاد انا خذتها من قاصرها وقلت خلاص انا طالع وبخليها تسبح دامه بالمايوه ومستوره ولا احد يشوفها غير الاسبان والالمان والبريطانين وذولا ماهوب رجال لا بعد عرفت انه سنة زوجاتهم يحملون، وسنه هم يحملون يعني رجال ويشربون الحلبه والحبه السودا ….المهم رحت منهم وخليتهم وخاصه اني مابغا احرجهم لاني الوحيد الي فيهم لابس شورت ولا الباقي ماعليهم غير نظارات …!!! ...المهم ثلاث ارباع القصه خياليه ولاحد يصدق اني البس مايوه انا اصللا في حياتي ماظهرت سيقاني قدام امي تبوني اظهرها قدام ميتين رجال وبنت (( واحد في وجهه حيا ))



بطوط أول طريق النعيرية