مداعي عجزنا وشيبانا ؟؟

**الحايلي** · 25-05-2002, 08:09 AM

[IMG]http://www.ebnalislam***********/sharh/ngma.gif[/IMG]

[IMG]http://www.ebnalislam***********/sharh/ngma.gif[/IMG]

السلام عليكم ورحمة الله وبركاتة

[poet font="Simplified Arabic,4,black,normal,normal" bkcolor="white" bkimage="http://www.sandroses.com/abbs//backgrounds/10.gif" border="groove,9,gray" type=3 line=350% align=center use=ex char="" num="0,orangered"]

اخي العزيز شاكي زمانة المحترم

صبحك الله بألف خير ،، ويا الله صباح
خير وش ذااا يا ملي وقردنا ههاه هاه
ما بقى شي ما شاء الله الا وصار وطبخ
اما الرابعة ذي بصراحه خطيره مره
المفروض يكتب عليها اعلان عدم الاقتراب
وعدم السماح للاطفال استخدامها الدوووون
الخامس عشر هاه ههاه هاه ههاه هاه ههاه
تسلم يا حيي ، الله يعطيك العافية لقد اضحكتنا

مع اجمل تحياتي الغالية اخوكم الحايلي
[/poet]

**amaasee** · 25-05-2002, 08:22 AM

ههههههههههههه يادفع البلاء يارب وش ده يا صباح خير
تحياتى اخى الكريم ونبي الباقى علشان تكون عندنا فكره اكثر
تمنياتى للجميع بصباح جميل

**رحيق المحبة** · 25-05-2002, 09:01 PM

ساهلا اخوي شاكي زمانه

ههههههههههه الله يخس عدوك فطست من الضحك

ايه الله يهداهم مداعيهم مرره خطيره

شوف انا اسمعهم يدعون علي بمداعي بس ماادري وش معناهن

محنا بعيدين عنك

عاد انت بقاموسك اشرحهن

يامنا الماحي

يامنا المحنقط اللي ينقط

يامنا الريح .... هذي يمكن الهبوب يطيرتا

دايما مداعيهم يامنا

اكيد سحريه

انت اشرح معناهن ونجيب بقيه مداعيهم

ويعطيك العافيه على هالموضوع المسلي

**الزمهري** · 25-05-2002, 09:58 PM

[c]:angry: :angry: :angry: :angry:

الله يبعد عن البلا وش دا يا شاكي زمانه ..... اكيد المصطلحات هذه
شفره من شفر النوفا او الشوتايم ... حسبي الله على ابليسك

[/c]

**شاكي زمانه** · 26-05-2002, 01:34 AM

تحياتي يالحايلي

تسلم لحضورك الدايم

والله يعافيك .... بس ياخوي نبي شي منك

من المداعي اللي انت تخبر ..

ولا هنت يالغالي

تحياتي

فيصل

**شاكي زمانه** · 26-05-2002, 01:38 AM

amaasee

هههههههههههه

اي والله يا صباح خير بس المشكله هم ما تجيهم دعاويهم الا الصبح

على العموم اسعدني مرورك

بس لو تتكرم علينا بش من عندك

اكيد مرت عليك دعوه

ارسلها .... ويعطيك العافيه

تحياتي

اخوك فيصل

**شاكي زمانه** · 26-05-2002, 01:49 AM

هلا فيك رحيق المحبه

اسعدني مرورك

الماحي بالتاكيد الك يعرفه

المحنقط اول مره اسمعها

والريح معروفه بعد وانتي شرحتيها

يعطيك العافيه خوذي الجديد

يامال الهندري.....مرض خبيث الله يتسفينا الشر..وهو مرض جلدي

ويتكون على شكل دوالي..وانتفاخات حمراء وورم في مناطق متعدده

من الجسم....ويمكن يكون زي السعلوه

يامال الشربه....هذي قليلين ها الوفق الوغدان ليا منه سرا تالي الليل

وشرب له جغمتين ماء او لبينن بارد ...وراح وتنقح حدر النجوم

ويوم يصبح لياهو ..متضايقن نفسه وصديره له صفير....

ما عمرك سمعت امك تقول لك ليا طلبت لك مويه بالليل

نم ...يا وليدي يجيك الغزيل ويسقيك....شفت كله خوفن عليك من

الشربه

يا مال الدزرين(القرين) ....هذا يابعدي. ليا منه لابس الواحد...بسم

الله علينا...مايعرف عماته من خالاته....يزك الواحد زك..و هذا دواوه

اول عند....راعي الشعيبات الله يعزكم تفلتين وينقز وان ما نقز

خمشوه وجدعوه علا له ذيبن بله شبك...ثمن ينقز لو ان زدامه سور

الصين العظيم

يامال الدبله.....الله يتسفيك و يسفينا الشر هذا ما يسمى بالعلم

الحديث بازدواجية التفكير....يعني تجلس تهوجس مع نفسك..

ويصيبك انفصام بالشخصيه...وتشوف الواحد...ثنين....دبل

تحياتي

فيصل

**شاكي زمانه** · 26-05-2002, 01:52 AM

هلابك اخوي الزمهري

هههههههههههههههه
ههههههههههههههه

يالله عاد نبي منك وحده على ذوقك ......

معقوله ما مرت عليك دعوه

تحياتي وتسلمي

اخوك فيصل

**الحايلي** · 26-05-2002, 08:21 AM

[IMG]http://www.ebnalislam***********/sharh/ngma.gif[/IMG]

[IMG]http://www.ebnalislam***********/sharh/ngma.gif[/IMG]

السلام عليكم ورحمة الله وبركاتة

[poet font="Simplified Arabic,4,black,normal,normal" bkcolor="white" bkimage="http://www.sandroses.com/abbs//backgrounds/10.gif" border="groove,9,gray" type=3 line=350% align=center use=ex char="" num="0,orangered"]

اخي العزيز شاكي زمانة المحترم

صباح الخير ،، ما شاء الله عليك انت
تركت لنا فرصة كل ما بغيت اقول
شين نقزت وسبقتني هاه ههاه هاه
وحلوه ( يا مال الدزرين القرين )
والا حلى ادواهااا ههاه هاه ههاه

مير ولا يهمك تامر آمر خذ ذي مني
قبل ما اقول تروو جميع الحقوق والطبع
محفوظة يعني ما تستخدم الا بعلمنا طيب

( يا مال اللي اللي يضرب غضروف جدف
مال اللي ) عباره عن جلطات سطح آرض
جو وبحر وعلاجة بسيط وصعب لازم تدور
واحد يكون مصاب بمرض (زكام الجرابيع )
واذا وجدته تخليه يعطس عن طرف آذنك ثم
ترجع الحاله طبيعيه وكان صار ما صار ) .

بوه اشياء كثيره مير نخبركم عنها ماهوب
الحين ، هاه عزيزي شاكي زمانه مرت عليك
هالدعوه اللي ما نيب فاهم نها ولا شي هاه هاه
هاه ههاه هاه ههاه هاه ههاه هاه ههاه هاه ههاه

مع اجمل تحياتي الغالية اخوكم الحايلي

[/poet]

**الحايلي** · 26-05-2002, 08:29 AM

[IMG]http://www.ebnalislam***********/sharh/ngma.gif[/IMG]

[IMG]http://www.ebnalislam***********/sharh/ngma.gif[/IMG]

السلام عليكم ورحمة الله وبركاتة

[poet font="Simplified Arabic,4,black,normal,normal" bkcolor="white" bkimage="http://www.sandroses.com/abbs//backgrounds/10.gif" border="groove,9,gray" type=3 line=350% align=center use=ex char="" num="0,orangered"]

اخي العزيز الزمهري المحترم

يا هلا بك ومسهلا بك ،، وما قلت
الا الصدق هذه شفره من شفرات
التسالي تبينا نخبرك ماهنا مانع
مير عندك ( وش الكرت اللي عندك )
ثم وش نوع الريسيفر وكم بوصه
التلفزيون وكم عدد الكراسي اللي في
الصاله وكم مساحه الكراج ، وكم مقاس
الباب ، وكم عدد الحاره ، وش هواياتك ،
وين تروح بالاجازه ، وش تاكل وش
ما تاكل ، وكم مقاس نظرك ، وش نوع
سيارتك ، وكم مقاس الجنط ، وكم عدد
الاسطوانات ، وكم تاريخ ميلادك ، وكم
راتبك اذا كنت تعلم ، وفي اي مرحله اذا
كنت تدرس ، وماهيا موصفات كمبيوترك ،
وكم وزنك ، وكم وكم وكم عب النموذج
ططعش وارسله على منتدى التسليه والمرح
وابشر راح نخبرك عن الشفر المطلوبه هاه
ههاه هاه ههاه هاه ههاه هاه ههاه هاه ههاه

مع اجمل تحياتي الغالية اخوكم الحايلي
[/poet]

**شاكي زمانه** · 26-05-2002, 05:12 PM

هلا فيك يالحايلي

هههههههههههههههههههههههههههه
هههههههههههههههههههههههههههه

حلوووووووووووووووووووووووووه منك والله اول مره سمعتها بس رايقه

زكام الجرابيع هههههههههههه

يالله الثانيه

لا تعلقني بسرعه

تحياتي
فيصل

مداعي عجزنا وشيبانا ؟؟

مداعي عجزنا وشيبانا ؟؟

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع مرتبطة