عم بتؤول :

انا عندي مشكله كبيره ستي (جدتي) أختفت هيك فجأه ما بنعرف هي هربت ولا ضاعت بيي وإمي عايشين بجحيم بسبت هالمشكله ما بنام الليل. ما خلا بيي مكان ما دورها فيه > بحس عنها بكل مكان (جزيرة الأطفال وغيرا يعني بكل الأماكن اللي بتحبا) بطلب من كل يلي بيأروا مشكلتي يبحسوا عنها ومن شان تعرفوها بألكن وصفها عمرها تأريبا تماناوتسعين (98) سنه حلوه كتير كتير وهيدا يلي مخوفنا للمعلوميه شعرا أصفر وعيونها خضرا الخالق الناطق كلوديا شيفر قصيره هيك وتخينه يعني أنبوبة غاز حجم صغير أما باقي وشها (وجهها) فـما إلو داعي أوصفه لكم من شانها لابسه عليه (ملثم و غدفه) بتعرج شوي ووحده من إيديها مأطوعه (حد قصاص) أما الإيد التانيه فما فيها غير تلت (3) أصابع خلقت ربي أرجوكم أبحسوا عنها من شان تأقطعوا ها الإشاعات يلي طلعت عليها ناس بيئولوا هربت مع إبن جارنا وناس بيئولوا شافوها بتغني بـالتلفزيون وناس بيئولوا هاجرت لبلاد برا ما بنعرف الحقيقه شو هي بس هي عاقله ما بضنها بتعمل هيك والسلام ختام