بعد التحية
ارجوا ان تقبلوا مني
هذه الهديةالبرتقالة
غركم مظهرجمال البرتقالـــه ماعرفتو ا أيش حسبها من نسبها
لوبها حشمة وتخضع للعدالــه كان بين الناس ماهزت كعبهــا
خافيا اصله وعمه مع خوالــه همها ترقص وتلها في طربهــا
الجهالة من يناظر هل الجهالـه مايميزوش محرم من رجبهــا
وحسايف كيف يخدعكم بمالــه والبضاعة كل شراي قلبهـــا
البنات الحور في نجد الأصالـه الحياء والستر من ربي وهبهـا
الفخر بالدين ماهو بالخمالــة والنحاس نحاس يفرق عن ذهبها
شف في بالي واحد ماأبغى بداله عرضها مصيون مازول سلبهـا
مامشت عارية وداجت في البقاله العقل والدين هو غاية طلبهــا
والله اني كل ماشفت الرذالــه كإن جوفي يصهره حامي لهبهـا
حاله صرنا بها ماهي بحالــه العقايب لاتجينا من سببهـــا
النمل لاطار ينذر في زوالــه كم ديار منعمه ربي نكبهـــا
مثل جنة عاد يوم الريح جالـه صب ربك فوقهم حامي غضبهـا
العرب غنت على يالالالــه والقدس تبكي وتنخى في عربهـا
صارت اسرائيل تقتل بالعماله الشجاع من العرب منهو شجبهـا
والعراق اليوم وضعه يرثالـه صلط الله بوش دمرها ونهبهـا
يالله احفظ دارنا مهد الرساله من امور تشعل النار بحطبهـا