في دبي وفي لحظة صفاء غفلت فيها العيون عن بيبيتو وباباانجيدا دار بينهم الحوار التالي

- كيفك يا عجوز؟
- انا عجوز يا انجيدا؟ معليش مقبولة منك علشان صرنا زملاء
- صدقني انا قصدي امزح معاك
- ماشي معليش
- كيف تشوف تجربتك الجديدة
- الله يستر قلبي طايح في رجولي
- ليش خير؟
- بيني وبينك ماعدت مثل اول
- هذا واضح وهذي سنة الحياة ايش تبغى تاخذ زمانك وزمان غيرك
- لا لكن ايش اسوي اكل العيش اصبح صعب ودرت على كل الاندية في البرازيل وكلهم طردوني
- معقول وتصريحاتك ان كله علشان الاتحاد
- يا رجال خلها مستورة هذا كله لزوم اكل العيش
- با عمي انت قبضت الفلوس وما عاد تفرق نجحت والا فشلت
- على قولك بس الاتحادية الحقيقة يعطوا فلوس كثير
- على كل بطولة؟
- لا يا مدمغ على كل هدف
- نعم؟ على كل هدف ليش ولا ريال مدريد ما سواها؟
- لا مو أي هدف
- اجل؟
- كل هدف تسجله في فريق واحد بس
- كمان في فريق واحد؟
- ايوه
- ليش هم يلعبوا في الدوري الاوربي
- الله من الدلاخة! لا
- اجل ايش؟
- كل هدف تسجله في فريق اسمه الاهلي
- الاهلي؟
- ايوه جارهم في نفس المدينة
- وليش هم هنا في السعودية يعطوا البطولات على الاهداف اللي تسجل في الاهلي
- لا يا مدمغ انت كيف تفهم! هذا الفريق ما يخليهم ينامون الليل لا اعضاء شرف ولا ادارة ولا لاعبين ولا جمهور
- يا ساتر يا رب قد كذا معقدهم؟
- تصدق قال لي سيرجيو انهم اعطوه 120 الف وسيارة جديدة على ثلاثة اهداف سجلها في الاهلي
- يا راجل قول غير الكلام هذا
- والله زي ما اقلك وازيدك انهم قاعدين يتخدعوا فيه انه يرجع وهو قاعد يتمنذل فيهم ويلعب بهم يمين وشمال وهم شغالين يعطوه فلوس ويبوسوا في الايادي وهو كل يوم يجيب لهم عذر
- وليش متمسكين فيه كذا
- كله علشان لما يلعب قدام الاهلي يسجل لهم اهداف
- اجل على كذا الواحد ينتحر قدام الاهلي ويسجل اهداف ويكسب ذهب
- هو كذا يا ولد بس تكفى يا انجيدا تصلح لي كورتين اكون انا والباب اجيب منها هدفين وما ابغى غيرها
- ماشي بس بالنص بيني وبينك
- اتفقنا
- والله العالم هذولا …………
- اسكت يالافدغ لا احد يسمعك وتودينا في داهيه
- كلاس كلاس فهمت

_________
منقول