وهذه نفس القصيدة بتنسيق شعري (لم انتبه لذلك في المشاركة الأوى ، عذرا )


[poet font="Simplified Arabic,4,darkblue,normal,normal" bkcolor="blue" bkimage="http://www.sandroses.com/abbs//backgrounds/46.gif" border="double,2,darkblue" type=1 line=200% align=center use=sp char="" num="0,black"]
البـارحة راسي تصافـق طـواريه=والنـوم مـاله يمة العـين حـروة
يلعب براسي صوت صلف المشاريه=ذيبٍ عوى يبغي عشـا امه وجروه
وأنا على الدنيا من الهيه للهيـــه=ماهمني شهرة ولا جمع ثـــروة
همي وغمي واحدن يوم الاقيه=كني عليل وشوفته محو قروة
يـاتل قلـبي فالـهوى من عراويه=تـل الرشـا لـدلوٍ ثلاثين عـروة
يتله اللـي حامي القـيض حاديه=يسقي لـه ابلٍ مـا رعاهـا بكروة
عشرٍ شريـدة كـثرها من غوالـيه=أقفت كما يقفي مع الجـم مـروة
واللـي بقى عشرٍ وصـاته من ابيه=من دونها لـو يصبح الصدر فـروة
قلته وكل اينـاء ينضح بمـا فـيه=وفـي العمر يـومٍ يبلغ العز ذروة
واليوم هذا يـا اولـه وين تـاليه=والنوم مالـه يمـة العين حـروة
[/poet]

mash3an
***********

مشعان


مساء الخير

كم يأسرني هذا الهادئ إلقاء .. الجميل حرفا .. ( ضيدان بن قضعان )


آآآآه يا غفوات الأسحار ما قبل الطلوع
و آه يا شيٍ ذكرت و على بالي طرا

العيون .. إليا ضمت شوف تسقيها الدموع
و إن روت من دمعها العذب يضماها الكرى

و القلوب تذوب بصدور صلفين الطبوع
و الغلا يذكر على الما من البدو قصرا

و الهوى لا هب في قلب رجال جزوع
و الله إن يصبر برا الجرح و الا ما برى

و الحياه أفراح و آهات و الفر قا تلوع
و المحبه لا سرتني سرا ليلي سرا

لين أغني للفراشات في عيد الشموع
و تهتف لي كل شمعه ورا .. ورا .. ورا

و اذكر اني ما نسيتك و يغريني الرجوع
يا غرامٍ تنشد الناس : وينه يا ترى ..؟؟

و الغرام أنواع و القلب مدهل كل نوع
والله اعلم منهو اللي من الحِدب و ورا

وانت ياللي منزلك ما ورا حِدب الضلوع
تدري انك من وراها وغيرك مادرى

تمتلكني يا أطرق العود ..من عاد ك فروع
قبل تغريك المدينه و يطريك الثرا

يوم عادك تكره السبت و تحب الربوع
والمواجه كان مسموح و الوصل جهرا

جعل تسقى ذيك الأيام سجدات وركوع
رحمة من رب طيبه و رب أم القرى

رحمة تغفر خطا الفجر ما قبل الطلوع
يا الزمان اللي ذكرت وعلى بالي طرا
.
.

شكرا مشعان

تحياتي ،،

ليالي الشوق

أشكر لكي مشاركتك الرائعة وفي انتظار المزيد من روائعك وروائع الأعضاء


أخوكم / خالد العتيبي

؟؟؟؟؟؟؟؟؟؟؟؟؟؟؟

ويش صار؟

ما به أحد يهواله قصيدة


؟؟؟؟؟؟؟؟؟؟؟؟؟

[poet font="Simplified Arabic,3,orange,bold ,normal" bkcolor="darkblue" bkimage="" border="none,2,orange" type=2 line=200% align=center use=sp char="" num="0,black"]
ياوجودي كل ماهبّ نسناس الشمال=وجد من حده زمانه على اللي مايبيه
وياوجودي كل ماأضحيت ثم مال الظلال=لاغفت عيني ولاذقت شي(ن) مشتهيه
وجد من قفا..وهو في رجاء كلمة تعال=وإلتفت من عقب ماأقفى ..ولاأحدن لدّّ فيه
ويا عذابي لآ دنى الليل من روس الجبال=وأنتهى يوم(ن)من العمر ماعاد أرتجيه
وأنتي أبعد من سماء الحلم ووصالك امحال=يابعد من هل دمعي ضحى الفرقى عليه
ياغناتي لاتحسبين دمعي يوم سال=ضعف ولاخوف ولاكذا ولا كذيه
والله اني من رجال (ن) يضدون الرجال=لكن الحظ الردي ساق دمعي كل ابيه
والله اني كل ما دار حوليك الجدال= قمت كن الموت يشر على قلب قبري بيديه
والله ان قد لي ونا اصد لاجالك مجال=صدت اللي لأ تضايق تذكر قبر أخيه
ومن سالني قلت مدري اذا عاد السؤال=قلت له تكفى سؤالك ترى ماهو وجيه
وش تبين اقول عمن ترى ذبحي حلال =والخطاء منها علي صرت احبه وأهتويه
عذرها لو ماتعذر مثل وإضرب مثـال=وأحدن مايعرف الحر الاشقر يشتويه
وإن رجعنا للتواصيف لله الكمال=لآنتهى ليل المزايين جاتك تبتديه
كنها غفل(ن) مع البدو طاويه الحيال=مايميز وصفها الا نبيه(ن) من نبيه
وأهني اللي وصلها وذاق امن الزلال =رشفه مع غفلة الناس من فيها بفيه
وعزتي للي سواتي عشق مالايطـال=ويوم طالـه ضيع الحـلـم بين امه وبيه
يااول احلام الطفوله على حد الخيال=الرجاء باللي حمل بيت من حملت ابريه
حال دونك سيف عنتر وتاسع حول حال=بثر حولن حال دونك ونا ادري هيه هيه هيه
ياللي غرك الحسن واطغاك الجمال =والله ان اموت ماشفت باوصافك شبيه
لو يسام الحسن والتيه بجنيه وريال=مابقى في سوق غيرك ريال ولا جنيه
كيف أهدك للمقادير ونتي راس مال=راس مال ومال والمال مايعطى السفيه
حافظك حفظي لعيني ورمشي لك جلال= ونتي اتشحين بالماء ونا شفي امويه
شايف (ن) ظلمك وساكت وطال الليل طاال=لا تركتي طعن قلبي ونا ماقلت ليه
لو بقى للهيل صبر(ن) على فوح الدلال=مابقى للقلب صبر (ن) على شي يجيه
كنت أحسب ان الغلا زال وأثره لآيزال=في الحشا ماكنه الا دخيل(ن) في الوجيه
سآقني حبك على الموت وسنيني هزال=والظروف أقسى من الظلم للعرض النزيه
وأنتي اتسوقين عقلي على حد الهبال=تحسبين إن من بغى شي(ن) يقدر يشتريه
ولا أنا ياوجدحالي وجود(ن) مايقال=وجد من ضحا بغاليه في رضى والديه
وياوجودي أول العمر قبل البس اعقال=وجد من باع آخر العمر في رغبة ذويه
وياوجودي كل ماهب صوتك من شمال= وجد من حده زمانه على اللي مايبيه

[/poet]

مشعان نجمة

اشكركم على هذه القصائد الجميلة للشاعر المبدع ضيدان

تقبلوا تحيات اخوكم نواف

[c]اخ خالد مشكوووور[/c] [c]بصراحه فكره جميله تشكر عليهااا[/c] [c]الله يعطيك العافيه انشاء الله ولا يحرمنا منك انشاء الله[/c] [c]تقبل تحيات اخووووك[/c] [c]الحـــــاير[/c]