اعلان

**جلال الخالدي** · 06-09-2002, 10:02 PM

عوده .......... لكم

[poet font="Andalus,6,red,bold ,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
مساء النور

والسرور

عوده لرائعه اخرى

لسحايب فيصل
[/poet]
[poet font="Andalus,6,darkblue,bold ,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
إستباح الذنب
[/poet]
[poet font="Arabic Transparent,5,white,normal,normal" bkcolor="" bkimage="http://www.nadawi.net/images/electric.gif" border="double,6,white" type=1 line=200% align=center use=sp char="" num="0,black"]
القصيد الـلي هـدر دم الكتابـه=استباح الذنب واوراقه جريحـه

لا تلوم الهاجس الي طق بابـه=يوم دون كلمتن ماهي فصيحـه

عن خطاها لو يكفّر له صوابـه=كل سطرِ ضمهـا عيـا يبيحـه

لو سقى خد الورق همِ بقـا بـه=ماتباهى الورد في لونه وريحـه

انثنى شعري ويستمطر سحابـه=في خضوعِ تستلذالـه القريحـه

كل ما امطر عذبه وسّيل ترابـه=حام به في دنيه الكون الفسيحـه

عف شوقى وعودهابأول شبابـه=عذرها لاجل الغلا حره شحيحه

عزفها بنت البدو لحن الربابـه=وكحلها ماعاش من لاجله تسيحه

[/poet]

**الماس** · 10-09-2002, 10:09 PM

هذي ألقصيده أهداء لهاذا الديوان
الطفل لو شافك وهو بالمهد فاج !!

[poet font="Simplified Arabic,4,blue,normal,normal" bkcolor="transparent" bkimage="http://www.sandroses.com/abbs//backgrounds/43.gif" border="none,2,gray" type=2 line=200% align=center use=sp char="" num="0,black"]
والله ماودي ينادون بإفراج
ودي بحكمك طول عمري سجيني

أصبر على شانك ولو يحصل إحراج
ومن شان عينك تخضع اليوم عيني

حصلت في زينك على الكاس والتاج
في نظرةٍ ملكتني ياظنيني

والله لو تنظر بعينك للأمواج
موج البحر يخجل ويقفي حزيني

والطفل لو شافك وهو بالمهد فاج
يهرج على أمه : من يكون الحسيني ؟

وأمه تبلّم ماتجاوب لهرّاج
ومن البكم ماتجاوب الناطقيني

فتان يذبح يرمي الناس بحجاج
حبه بنى وسط الحشا طابقيني

غيره فلا والله في خافقي راج
ياعلّ لا جا الموت قبله .. يجيني

وسلامتكم

سليم العبيد الله الشمري
أحد شعراء منطقة الجوف
[/poet]

**ليالي الشوق** · 23-09-2002, 08:59 AM

[c]

مهياااار
******

صباح الياسمين ..

تهديدك أيها المتألق لن يجديك نفعا ..

فشخبطاتي لا يمكن بحال إطلاق مفردتي ( تجربة و شعريه ) عليها

لذا .. فشاهدك مقتول .. مقتول .. يا ولدي

ألا تظن معي بأنك ..

قد أعطيت الغياب حقه ؟؟؟!!

وأن وقت إنصاف الحضور قد آن ؟؟!!

تحياتي ،،

ليالي الشوق

[/c]

**ليالي الشوق** · 23-09-2002, 09:26 AM

[c]

جلال الخالدي
************

صباحك سحر

سحايب الفيصل .. و بلل الشعر الجميل ..

رائع

.
.

ألماس
*****

كعهدي بك .. قلم من الماس

شكرا لبصمتك في ديوانك

البارع
******

؟
.
؟
.
؟
.
!
.
!

صباحك أوركيد

.
.

لمن يقرأ هذا الديوان

ليان
****

شاعره إمتطت صهوة الجامح من الشعر .. فكانت ( بمية صبي ) تماما كوصف سحايب الفيصل ..
إستطاعت هذه الفتاة النفاذ الى قلبي .. بخفة العطر .. دون أن أعرفها شخصيا
.
.

لا تضايق كلّي لعينك صباحات و أغاني
جعل كل الضيقه اللي بك تخليك و تجيني

ضيقتي و إعتدتها وش عاد لو هي جات ثاني
عنك أبيها .. عنك أعانيها .. و عنّك تبتليني

خلّها ترتع بخافقي و تستعمر كياني
خلها تستفرد بعمري و تسبي من سنيني

خلها هالضيقه اللي بعثر اخطاها زماني
يوم يعطيني غلاك الحلم و يقول : إحسبيني

ضايق الضيقه و نشّف ريقها و أطلق عناني
يوم يزرع في يديك العشق .. يوم أجني يقيني

بس تكفا .. كفكف دموع الحروف وقل ( عشاني )
َخلّ متضايق تروح لحالها قول : إسمعيني

كل مابي يسمعك .. ياللي لك العمر إصطفاني
إيه ما غيري لعينك و أنت ما غيرك لعيني

قولها و بكل غرور : أنا القديم اللي عطاني
أمسي أجمل باكري والشمس معسوفه بيميني

قولها : أنا الجديد و هي زماني مع مكاني
يوم سوّرني غلاها بي بدت و بتنتهيني

خلّ عنك الضيق يا كل العمر ، كل الأماني
أنت بس إضحك تلاقي ضلوعك غيمتيني

و إن ذكرت إني شكيت ما نيب أعاني
بس ما أرضاه لخفوق اللي أبيه وهو يبيني

ودي أن طاري الزعل و الضيق يمك ما يداني
ودي إني فيك أضيع و فيك أعود و ألتقيني

إنت بس إنثر شعورك .. قل عطورك بالثواني
شوف كيف تسولف النسمات حتى تمتليني

شوف وشلون الثواني تصبح ضيوف و تهاني
شوف كيف الوقت يورق بين همساتك و بيني

السنين.. ان طولت .. تكبر بها خضر المعاني
و حتريتك أكثر .. الين الكون يزهر من حنيني

ايه يا أروع خفوق خفقته لي المواني
إيه يا أغلا غلا نسى خفوقي غالييني

خل عنك الضيق .. لا تطريه .. خل الغصن داني
و إقطف لسمعي سواليفك .. و (( كبّرني بعيني ))

.
.

دمتم

ليالي الشوق

[/c]

**ليالي الشوق** · 15-10-2002, 11:13 AM

يا وطني

دام ..

الحياه

أخذ و عطا ..

خذ

و أعطني

.
.

الحميدي الثقفي ..

.
.
.

ليالي الشوق

**ليالي الشوق** · 22-10-2002, 12:27 PM

برغم غياب ( البارع ) .. ... ...

سيبقى هذا المكان ... منارة للشعر

عبد المجيد الزهراني ..
*****************

وين ..؟؟
.
.

شايفك
شايفك
بسّ مدري وين ؟
مدري شفتك فـ.. ابتسامة
أو
فـ...دمعة عين .
مدري في ربكة مراهق
راسمٍ فوق الورق
قلبين ! .
مدري شفتك فـ..ارتجاف ايدين والاّ
وشوشة غصنين .
والله انّي شايفك
أو شايفك
بسّ مدري وين .

*
*
حادث مروّع
.
.

أشرطه
منديل
دم
قالوا انّه قبل يتجاوز
صدم !
كان جثّه
كان كومة امنيات حالمه وثياب رثّه
طلّعوه
من ورى اكوام الحديد
كان ناقص رجل ويـــــــــد
كان واضح في عيونه
ضيقته
فقره
ديونه
دوّروا له عن هويّه
لقيوا حبّة بندول , وكمّبياله , وصرف ميّه !

*
*

ساره
.
.

صوتها خلخال في ساق المدى .
صبحها ملعون لاسابع ندى .
إن حكت تقدح زناد الغيم ويسيل الردى .

كلّ نظره من محاجرها غنى ,
للفقير اللّي يبي يحيا ليومه .
في شفايفها ينام الصحو , يصحا النوم من نومه ! .

آه ياساره , وثوب الحزن شقّقني وراح .
كنتي أكثر من يقول , إنّ باب الذنب مفتاح السماح ! .

آه ياساره .
كان وجهك يرتسم في كلّ شي .
في عصا البوّاب , في الحاره
فـ..التفاتات البزارين الصغار , وفـ..النقوش اللّي على باب العماره ! .

آه ياساره
كم تكلّمتي وانا أرقى السوالف : كلمه كلمه , حتّى أوصل للكلام اللّي فـ..بالك مابعد قلتيـــــــــه .
كنت ادوّر أيّ كرسي في كلامك , حتّى أجلس فيـــــــه ! .

والله أدري ، مااتّسع صدري لصدري
والله أدري : أنّي أدري , وأدري انّي كلّما ادري إنّي ادري صرت مدري !
ياجنوني
يالصباح اللّي نفض ريشه على سدرة عيوني
مابقابي غير عاشق علّق احلامه على شمّاعة العتمه على جدب الغمام
والتحف نفسه ونام ! .

*
*
الشارع الخلفي
.
.

في الشارع الخلفي
تلقى عمود النور
يامطفي
يا
مطفي !
تلقى الأوادم خايفه , بالخيل وجعانه
تلقى الأجار المرتفع , والناس عجزانه
تلقى التعب , تلقى الزهق , تلقى المياه الطافحه
تلقى الحقايق غامضة مرّة , ومرّة واضحة
تلقى الرصيف
مثل الزمن , ماهو نظيف
تلقى الحكي مثل السكوت
تلقى الفقر والبهذله , في شكل بويات البيوت
تلقى الزمن معجون
بالحزن والكربون
تلقى الجراح اكوام
شايب , معوّق , منحني , أمّ وثلاث ايتام
تلقى السؤال اللّي كبر , واللّي غدى مخفي
فـ.. الشارع الخلفي !! .

*
*

كافتيريا السعادة
.
.

ملعقة سكّر كبيرة , حبّه لبتون , كاس من أردى الورق
كان ماغيره في البوفيه جالس , كان يتصبّب عرق
من ورى الدخّان يتبدّى جبينه
وبأصابع ترتجف حيره فرك عينه
تذكّر
كيف أجيب لوالدي ميزان ضغط , كيف اجيب علاج سكّر
هشّ بيديه الذباب
صاح به عامل غبي : هات الحساب ! .

*
*
على الرصيف
.
.

كان ماشي عالرصيف , وكان سارح في همومه
مرّ ( ددسن ) طرطش الما في هدومه
قال : ( يالله ماعلينا )
يعني ننهان ان وقفنا أو مشينا ؟
كانت ايديه افـ..جيوبه
نظرته تقرا الرصيف : طوبه طوبه
كان في حزنه وغلبه
حرّك أقدامه بحزن وشات علبه ! .

.
.

**جلال الخالدي** · 04-11-2002, 11:04 PM

ســحــاب // هــطــول // إبـــداع

[c]

لنا عوده .... مع السحاب ... وهطوله

هطول راائع ....

مع " سـحـايـب فـيـصـل " ...

والشعر .. إذا طاول السحاب ... فهو يليق بها وبإبداعها ...

أترككم ....

مع :

ســهــوف !!

[/c]

[poet font="Simplified Arabic,4,white,normal,normal" bkcolor="transparent" bkimage="http://www.nadawi.net/images/orclouds.jpg" border="ridge,4,gray" type=1 line=200% align=center use=ex length=0 char="" num="0,black" filter=""]
في ذات معذول الوفا سِتر الطليق اللي وثيق=لا استفزعه حيل الجفى ولا بقى يرثيه خوف

تغرّبت وسط الدفى دمعه على حزني تريق=وطْي الحوافر جاسها وَلا نخت سلّ السيوف

يا باسقه بين الجروح لويتي اذراع الصديق=يا معانده كل البشر ماتملي اعيونك صفوف

ماسرني حرف القصيد الي بدعته وبي يليق=ولا غمنى نزعه عدو يومه على موتي يحوف

ياخاينى عمر الغدر ماعز في حبي رفيق=لا مالحقت نفسي على غدار بدنات الحسوف

كل الدروب العاتيه ما جابت بدربي عشيق =حتى المشاوير انتهت ولا بقى لمثلي سهوف

فديتنى مثل الوغى أوفارسك قرمن عريق ..؟=خذلتنى وعمر الزعل ما جف في قلبن عطوف

ياليتنى ماكنت لك يدن على فسحه وضيق=ياليتها تقطعت قبل تقوم ابها الكتوف

ضامت يا وجعات السما ياحرِ بقلبي طليق=وشهى ظلوعي لحبست سرٍ تثرْثِرْه الضيوف !

سحايب فيصل

[/poet]

**آهات الليالي** · 08-11-2002, 06:15 PM

[poet font="Simplified Arabic,4,darkred,normal,normal" bkcolor="white" bkimage="" border="outset,2,gray" type=0 line=200% align=center use=sp char="" num="0,black"]
مرحباً بالجميع ..

وكل عام وانتم بألف خير ..

اعجبتني كثيراً ..

روائع ذوقكم الرفيع في الاختيار ...

واحببت المشاركه بقصيده للشاعر:ضامي نجد

اتمنى ان تنال اعجاب الجميع ...

***
اسمحيلي ..
***

حبيبتي اسمحيلي بخونك من

غلاك

اكرهيني واتركيني واقتليني

ياملاك

لاصار في موتي حياتك من اكون

اجرحيني واهجريني بس اخون

ادري طريقي صعب

وادري فراقك صعب

حتى رجوعي صعب

مابه حلول..لكن بقول

اتعذبي يوم..ويمكن شهر

وانسي السهر..وانسي القمر..

وانسيني..

***

عيشي حياتك كلها

بحلوها وبمرها

يمكن تلاقي لك حبيب

يصير لجروحك طبيب

وترجع فرحتك ثاني

وتنسي الحب وتنساني

وتترك ديرة احزاني

واشوفك في ليالي الصيف

تمر جنبي كأنك طيف

واشوفك مع بطل ثاني

اشوف بعيونك الفرحه

وحزني شوه اجفاني

وقلبك انبرى جرحه

وقلبي انجرح ثاني

***

جلست اذكر امانينا

ودمعي حرق اوجاني

وتذبحني اغانينا

وهي جنبي مع ثاني

تضم إيديها بيده

وكأن اليوم ذا عيده

وانا يدي على خدي

وهمي والزمن ضدي

وجتني بنظرة الشفقان

تسأل ليه ذا الأحزان

وبيدها تمسح دموعي

واطفت وقتها شموعي

***

تسأل من تكون انت

وردي صار بعيوني

شفاتي تكتم العبرة

ووجهي اظهر احزوني

انا ضحيت من قلبي

وحبي سبة جنوني

رضيت الموت لي وحدي

وتحيا دامها عيوني

***

بديت بقصتي ابكي

وتبكي من بكى روحي

وقالت قصتك عكسي

حبيبي سبة جروحي

بخون وعني مايدري

ولاهمه كثر نوحي

تركني بكتفي بغدري

ندهته وكنه مايوحي

***

مشيت ودمعتي تبكي

وقلبي سجنه ضلوعي

يبي يصرخ يبي يحكي

وباسي صار في طوعي

رضيت بحكمها القاسي

رضيت السم في كاسي

رساله حبرها احساسي

احبك لو تكون ناسي

***

مع اطيب الاماني ...

...آهات..الليالي***
[/poet]

**البارع** · 08-11-2002, 09:48 PM

شكراً لكل من مر من هنا ..... وأهلاً بمن سيمر

[c]

لكل من مر من هنا أقول بكل صدق :

حضور واعي مفعم بذائقة تقتنص الجميل من الشعر / العطر

بابتهاج أشكركم عليكم .... وأتمنى مزيداً من التواصل

وأكمل معكم ........ بـ قصيدة للشاعر / خالد الردادي

( انقاذ من الضياع )

يـاعـصـافـيـر .. مدري. ! وين اروح اشتكيه
.............. صـاحـب مـن عـرفـتـه مـاعـرفـت المنـام

ياعـصـافيـر احـبـه . (حـسـبي الله عـليـه)
.................... لاتـركـنـي انـام .. ولاتـركـنـي ونـام

أااااه .. يـانـي تعبت من السهـر احـتريه
..................... كـل مـاهـتّـزّ كـتفـي فـزّ جـفنـي وقام

ياعـصـافـيـر والله انـي امووووت فـيـه
...................... فـوضـوي مـرتـّب بـعـثـره بانـتــظـام

اعـتـذر مـنه وارضـا من الزعل قبل اجـيـه
...................... ويحـضـنـنـه عيوني قبل اقول السـلام

صـدقـيـنـي بـغـيـت البارح ازعـل عليـه.. !
....................بـس كـنه وحـشـني ..! وصـار فيها كلام

ياعـصـافـيـر حـتـى دفتـري يشـتـهـيه
.......................... كـن بـينه وبين الشعر حالة هـيام

كـل سـطـر يـتـمـنى اكـتـب اسـمه (عليه)
..........................وكـل صـفحـه تهـنـدم للقـلم باحـترام

ياعـصـافيـر واللي بالسـمـا نـرتجـيـه
....................... انـها عـيطـمـوس مـن رجـال عـظـام

بنت شـيـخ تـخـاف الشـمـس تشـبه يديـه
...................... لاشـرق نور كـفـه طـاح حـيل الظـلام

يخـجـل الشـعـر فـيـني منه قبـل ابتـديـه
................. والحـروف تّـعـّذر عـن حـروفـه صـيـام ..!

ياعـصـافير .. مـثـلي لاسـكـت اعـذريـه
...................... دام مـنـّي قصـيـدي لابـكـا. مايـلام

يكـفي انـي ابـيـه ولاابـيـه وابـيـه ..
..................... وهـو يبيـني وبيـني وبيـنه الليل حام

ياعـصـافـيـر مـدري ..! لاتقـوليـن ليــه.؟
..................(الســلام عـليـكـم وعـلـيـك الـسـلام )*

[/c]

**البارع** · 20-11-2002, 05:07 PM

ودندنتك ....!! ....... دعوة للغرق

[poet font="Simplified Arabic,4,darkblue,normal,normal" bkcolor="" bkimage="" border="none,2,gray" type=0 line=350% align=center use=ex char="" num="0,black"]
عــلى آخــر نفس واضمــا .. تماكـــنتك = وتاريخي عطش يلهث عـلى لسانـي ..!
وانا غصــن ٍ يبــس لـــولا تـــحضّــنتــك= وضمّيتك شــجــر واخضــرّت اغصـاني
تلحّــفنا بنـــا .. كنـتـيـنـي ، وكـــــنـتـك = ولا ادري هالدفا حضنك أو احضــاني !?
تعــدّتـنـي ســواحــــل لــيـن بـيـنـتـــك = خذانـــي مــدّهـــا عــنـــي وخــلا ّني!
وصــلتــــك ذابــل شراعـي .. وكوّنـتـك = مـوانـي .. واحـتـوانـي طـيـنـك اغواني!!
تلمّســتك هــنــا .. حولـي ، وطمّـنـتـك= أحبـّك كـثــر مـن جيـتـه .. ولا جــاني !
رســمتـك فـي تـجــاويـفي .. ولوّنـتـك = وبـروزتـك .. وعلّـقـتـك فــ جـدرانــي !
إذا مـلتــي .. تـمايـلـت .. وتـوازنـتـــك = واذا طـحـتـي .. اعـاتـب علبـة الواني!
دفـنـتـك روح في لـوحـه .. وكـفـنـتـــك =من اطراف النوايــا والجســد فانــي !!
كأنــّك مين؟! كـم شفتـك .. وخمنتك =وفتحت وسرحـت وســاحت اجفانـي!
تعــوّدتـك مــع الأيـــام .. وادمــنـتــك =ولا يـنـفــع مــعـك صـبـري ..ونسيـاني
وغــبـتـي .. لاتـبـاعدنـا .. ولا خـنـتك= رحلتـي .. بس وين احزانك احزاني!?
بـنـيــت احلام لـغـيـابـك .. وسكّنـتـك= بـجنـبـك .. انتِ بيتي ، وانتِ جيراني !
تشجــرتي فـ حنجرتي ..وسوسنتك =وظللتي صدى بوحي .. وكتـمانـــي!
تهجـيتــــــك بساتـينـي .. ودوّنـتــــك =على تيـنـي ..وزيـتـونـي .. ورمــاني
ودوزنـت الشعــر عـنـقـود .. دنـدنـتك =وفـاضـت بك أغــاني سلة الحــاني !
كتـبتـك لي قصيدة همس.. واعلنـتك =وسـمّـعتـك لأبـعــد حــــــي يـقراني !!

الشاعر / علي الضوي

[/poet]

**البارع** · 01-12-2002, 06:00 PM

[c]

صاح بي .. صاحبي .. والليل حبر الكتابه
..................................كيف نرسم وطن للمتعبين أغتراب

كيف تطــلع يدينك ... يارفيق الصـبابه؟؟
.................................وانت للتمر في شفتك طعم الغياب !!

قلت له ظلك الناضح ... بريق ومـهابه
.................................اطعن الظل واكتب من دماء الجواب

من رقا نخلة الدفتر ... وشق السحابه
.................................تغسله باحتمالات المطر والتراب

كل ما خدرت ... صحو السؤال // الإجابه
................................. سال قيظٍ تشــجر من ضلوع السحاب

فوق نخلٍ جنوا طلعه ... وخانوا ترابه
.................................وارتدوا فوق ثوب الطين / طين الثياب

صبّي الغـــيم ياسلمى ... لناسً غلابه
.................................من عطشهم على الما يحلبون السراب

اظهري مثل نفحة برق ... والفجر غابه
.................................واختفي مثل ورده في ظنون الكتاب

غصنها يعزل الما .. من سراب التشابه
.................................والنسانـيس ترسم به نوافذ وباب

الشاعر / الحميدي الثقفي

تحياتي

[/c]

**spring456** · 09-12-2002, 03:27 AM

كلام جميل

كلام جميل جدا
اود ان اعرض عليكم خدماتي ، بالامكان عمل قاعدة بيانات لقصائدكم الجميلة ، العملية سهلة جدا و يمكن اتمامها في يومين او ثلاثه ، المطلوب منكم فقط ارسال القصائد مع اسم المؤلف و معلوماته على
spring456@yahoo.com
من الطبيعي انه كلما زاد عدد القصائد كانت الفائده اعم، بمعني ان عمل قاعدة بيانات لقصيدتين امر غير منطقي

و شكرا
محمد ربيع

**البارع** · 19-12-2002, 04:27 AM

صدر الشمالي

[poet font="Arabic Transparent,4,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

يقولون العرب صـــــــــدر الشمالي .. مايضيق بساع =وانا اقول الصدور اليوم .. ماعادت شمــــــــــاليه
بدت في داخلي ضيقه عجزت القالها مطــــــــــــلاع =تغيب . وترجع .. وترجع تغيب ... ومالــــها نيه
عمتني كلمة ٍ جتني . وضقت .. وضاق صـــــدر القاع =الا يالله لاتجزى غشيم ٍ .. قالــــــها فيـــــــــّــه
لهو صفاع .. ياربي .. ولاهو للعرب نفـــــــــــاع =بلاني وابتلى حاله ... وبعض الناس مــــبليــه
نهيته قبل هالمره .. يخلي سيرتي .. مـــــاطاع =الا يالعنبو جــــــــــد القصيد .. ولعنبو بيه
ضعيف النفس ( نسونجي ) يشوف بعينه الاطــــباع =يحسبني مثل ربــعه .... يسوق بضاعته لــــــيه
انا اشري .. لابغيت اشري .. ولاني مساوم البياع =الى من قاللي ميـــــــــه .. عطيته فوقها ميه
انا اكتب .. لجل من يقرا .. ولاارجي من يقول ابداع =وابد لاتحسبن مثلك يشكلي أهمــــــــــــــــيه
ترى ياهيه .. لامني نويتك .. بس اطــــق اصـباع = يجيني الف شيطان ... ووراهم الف جنـــــــــيــه
أجرك من طرف حرفك .. وارد الصــــــــاع مية صاع =جنون القاف ... ارقصها ... على راسك .. هجائيه
يويلك لو توليتك .. وربي .. مالك الشـــــــفاع =يجيك من القصيد .. احسب ...... 300 ،،، 300
ولكن .. خلك بحالك .. مادام ان الصدور وســـاع =ترى للحـــــــــــــين ماضاقت ولسعها .. شمـــاليه
الشاعر / خلف مشعان

[/poet]

**البارع** · 26-12-2002, 04:53 PM

[c]
/
\
/

(( ملعنة جد !! ))

للشاعر / علي السبعان [/c]

[poet font="Traditional Arabic,5,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
من ناحية صعبة فهي صعبة بجد= وان جت على حلوه هي آخر حلاوه

فعلا طويله بس ما هي بـ..هالقد = طول الالف باول حروف الغلاوه

جمرة حشا مقصوصة مجدل اتعد =شقراء على كم خصلة كستناوه

اليا اقبلت لي بعضها في بعضها اشتد =بينه( وله) لهفة وغيرة وعداوه

وان جت تلفت طاح ضد على ضد =الين يغشى الليل صبح النقاوه

فلجا ثغر.. عنجا حور.. مهملة قد =في عودها اقسى لين والين قساوه

عكفا هدب.. زينة عتب.. زاهبة رد =فيها الهدايه والهدى والهداوه

لاسولفت سمى على انفاسها الند =وكفوفها تمسي الندى بالنداوه

فيها غنج ساذج على ملعنة جد =على شوية شيطنة مع شقاوه

من حدة الفتنه خذت فتنة الحد=تطوي فضا الفتنه بفتن الفضاوه

تستغفل الغفلة تودد ولا تود =تستطيب الطيبه لحد الغباوه

تسرق تفاصيل الصدى لاخر الصد =وتماطل ايام الرخا.. بالرخاوه

مدت لوصلي يد واقصتني بيد =لا ذقت وصل ولا شعرت بجفاوه

راودتها ردت.. ترود.. وترتد =تريد.. تتردد.. تردد.. رداوه

ولني ما احب اصلا اثقل على حد =خذت القصير من الحفا والحفاوه

حلوه وتتغلى ولا جات للجد =عادي تغلى من لها هالحلاوه

تحياتي

[/poet]

**البارع** · 26-01-2003, 03:40 PM

حدود السهو!!

[c]

جتني الأسامي وبزهو
اخترت لك اسمين
سميتك : حدود السهو
سميتك التخمين !!
***
يا أعذب من الماء زلال
نادتني الأسماء تعال
اختار منها مايليق
اشّر عليها وسمّها
والورد قالت للرحيق :
قرّّب عليها شمّها
***
جتني الأسامي كلها
واحترت ويش اختار ؟
قال البنفسج دلّها علي
قالت : أغار
***
يا للي بك الملح اهتدى
لو يكتب الصبح الندى
و أصير لك شبك دار
وأغنية تتلفتك
سؤالها : وين النهار
جوابها : من عرفتك

الشاعر / فهد عافت[/c]

**آهات الليالي** · 02-02-2003, 08:44 AM

قبـــــــل الزعــــــــــل

[poet font="Simplified Arabic,4,darkred,normal,normal" bkcolor="" bkimage="http://www.sandroses.com/abbs//backgrounds/35.gif" border="solid,2,gray" type=2 line=200% align=center use=sp char="" num="0,black"]
ماذبح يوسف وسمه وانبت السهد بجفونه=الا ذيك الجادل اللي ساكنه بارض الحويَه
لعنبو هاك الجمال اللي يقطر من عيونه=والله انه بالحلا ياناس انا ماشفت زيَه
ضامني..ذوب خفوقي .. واشعل براسي جنونه=ضعت انا ساعة لمسته بين هذا وبين ذيَه
في نحرها التبر واسأل من سرق م .. الثاني لونه=وكيف سال المسك داخل جسمها واصبح خويَه؟
وعن سناها الليل يسأل لاوقف ذا الصبح دونه=كيف يقدر يرسم اللي في هجير الشمس فيَه
كل قطعه من جسدها تحلف انك ماتخونه=ماعرفت ابداً معاها من هنا او من هنيَه
جيتها والقلب هايم..كل مايملك شجونه=والاماني بحر واسع يرفض يزيد العطيَه
كل ماحاولت اقرب واحتمى داخل حصونه=غارت جيوشه وثور حفنة البارود فيَه
عذبتني لين شعري هاض واشجتني لحونه=صارت اشعارى كناري عشها في وسط فيَه
قاسيه .. صعبه .. عنيده .. لكن بعيني حنونه=حللت ذبحي وراحت قبل لاتقرا الوصيَه
كنت ابوصيها على هذا الجسد لايدفنونه=لين تحضنها عيوني وتشعل الجمر بيديَه
كنت ابكسيها ضلوعي في القسا تصبح معونه=كنت ابمنحها خفوقي تقبله مني هديَه
كنت ابستفزع حنيني واتعلق في متونه=ياتروف بحال يوسف ياعسى تدني المنيَه
لعنبو كل الجمال اللي بعده يذكرونه=والله انه جنب (....) واحد من اصل ميَه
ذوبتني وكل واحد تلمح عيوني عيونه=مايشوف الا عبارة( ماذبحه الابنيَه )

للشاعر: يوسف الزهراني..

مع اطيب الاماني ..
...آهات..الليالي***
[/poet]

**آهات الليالي** · 02-02-2003, 09:03 AM

بعــــد الزعـــــــــــــل

[poet font="Simplified Arabic,4,darkblue,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
بس..اشوفك
والله لاذوب خفوقك
واشعل انفاسي بعروقك
بس..اشوفك
.......
ياولع مزروع فيني
يابقايا حلمت ضاعت..
في رجا وصلك سنيني
انت فيك حيل وتجيني؟
.......
كل دمعة حزن فيني..
والله لارسمها بعيونك
وكل جرح قد سكني
بانزعه .. بكسيه لونك
يستفزك..
يَستثير الصعب فيني
لين ماجنن جنونك ..
بس..اشوفك
.......
ماني..يوسف..
لوما اخلى الصعب سهل ..
ومو على رجال هذا ....
لو ما اخلى العذب .. وحل
ولا من الدنيا اكفهرت ..
وانبتت في عينك اليمنى .. قهر
بزرع اليسرى سهر
بزرع الثنتين حنظل
والا..اقلك:
واروى غيضي من دموعك
قطره .. قطره
ق

.

ط

.

ر

.

.

ه
وكل ساعه في حياتك
والله لقلبها دهر
ايه..ياانتي
انايوسف(ماني..لعبه)!!!
ان بغيتيني .. وفا
وان بغيتيني .. دفا
وان بغيتي امسح الانثى .. وانا اقدر
والله في لحظة جفا
لاتغرك..قامتك
ولاعينك اللي تسحر
ووسط خدك شامتك
مو صحيح انى هواوى
وفي الهوا .. اجرح واداوى
وكل بنت تمرجنبى
(يووووووه)
تعمل بحالي بلاوى
بس : (ها ها ها ها)
ماتعيش اللى توطي هامتى
لا .. ولاتقدر صبيه والله تثنى
قامتي
بس..اشوفك
(وهذا..ذقني)

للشاعر : يوسف الزهراني ..

مع اطيب الاماني ..
...آهات..الليالي***
[/poet]

**البارع** · 11-03-2003, 10:52 AM

[poet font="Simplified Arabic,4,darkblue,normal,normal" bkcolor="" bkimage="" border="none,2,gray" type=2 line=200% align=center use=sp char="" num="0,black"]

كل الشكر لمن مر من هنا
وخاتمة إضافاتي في هذا الديوان
هذه القصيدة للشاعر / فرج صباح

غبي جدا

الحب مثل الشقا مايلزمه خبره=ولايلعب الا ذكىًّ بالغلا داري
وانا غبيٍّ يحب الكل بالفطرة=كلّ لبس من غلاي ووحدي العاري
أحبابي اللي جفاهم مامدى جبره=واحبابي اللي خذوا من طيبتي ثاري
هم خذلوني وضاق القلب من صبره=.من يوم غابوا وغابت أجمل أخباري
من قبلهم والليالي مظلمة عسره=واليوم الملم خطاهم وانثر اعذاري
ياليتهم لو دروا هالجرح ياكبره=ماكان مالوا علي مع ميلة أقداري
غابوا ولابه سوى حزني وهالعبرة=.وشكيتهم للعزيز الواحد الباري
كن السوالف سحاب وصدهم بذره=ياما بنفسج غلاهم عطر اشعاري
مامت لكن زهقت وطالت الحسرة=. وشلون بقلوبهم ماعاد لي طاري
الحب يلعن ابوه الحب ياكثره=وياقله ان جيت في حزني ومشواري

[/poet]

[sound]http://www.movn.net/sh3ra2_shabab/qby_jdan.ram[/sound]

**ليالي الشوق** · 17-12-2003, 07:53 AM

الرد: ( مشروع ديوان ساندروز الشعري) اهداء لعشاق الشعر الشعبي مع التحية

البارع

***

شاسع بحجم السماء ..

شعوري بالفقد لغيابك

ليالي الشوق

**البارع** · 09-02-2004, 01:33 AM

الرد: ( مشروع ديوان ساندروز الشعري) اهداء لعشاق الشعر الشعبي مع التحية

سيدة الاوركيد

صباحك نبل

عدة مرات مررت فيها من هنا أحاول أن أرد بعضاً

مما تمنحينه من كرم التواصل والوفاء ؛ ويوقفني عجزي عن الوصول إلى ذلك

هذه المرة قررت أن أكتب لك أيضا بخجل : شكراً

وكل عام وأنتي والأوفياء والنبلاء في هذه الأرض بخير

تحياتي

اعلان

( مشروع ديوان ساندروز الشعري) اهداء لعشاق الشعر الشعبي مع التحية

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق