آه ياهم الكتابة ..
نزف ..
واحساس ..
وكآبـــه ..
لي قلم ..
تعشقه كل الدفاتر ..
ويرتوي دمع المحابر..
لاجل ينزف مامعه ..
والجوع ينهش في ثيابه ..

بي ألم ..
يسكن جروحي بلوعه ..
مستقر في ضلوعه..
تحرقه لهفة دموعه ..
والمدائن ماتحب الا الصبابه ...


آه ياهم الكتابة ..
حب .. صادق .. وسط غابه ..
شخص يكتب في رصيدة
بيت عامر ..
وشخص احساسه قصيدة
واللقب شاعر ..
ولو نسى في يوم همه ..
يتذكر وجه أمه ..
وعشقها الساكن بدمه ..
كيف كانت ..
تجمع الحلم وتلمه ..
وبين اياديها تضمه ..
تحلم بحلمه وتبني ..
لاجل يوصل .. للمراجل ..
ويرتقى ارقى المنازل ..

ومانسى همه ..
كلما غمض عيونه ..
ينكشف له وجه أمه ..
ياولدي .. شد حيلك ..
ياحليللك ..
من بلي بهم الكتابة ..
مايغادر ..
قبل مايحرق بقايا هموم بألوان المحابر ...
وقبل مابياض في الدفاتر ..
كان ناصع ..
ثم تغطي بالمدامع ..
واعلن التاريخ موته
وزاد هم الصاحب ..
اللي ملاالدفتر سكوته ..
لا تغادر ..
فأنت شاعر ..