نقشتي صورة اشياءك بوجهي لعن ابو هالشكـــل
ويلعن هاللسان اللي"ب" ( دعنه ) يلتويه الغـــــول
كذا مرت سعاد البارحه جرحي .. تـــــــخّل العقــــــل
وانا واقف جـــــــــــــــلد مره ومره اشبه البنـــــدول
ذبحني وجهها .. نفح الثياب وشـــاطئين الكحـــل
غدت مثل السراب اللي " التّه" ما اشوفـــه مـــــــول
عمد طافت تدوس اقدامها وجهي بعمق الوحـــــــل
وانا ايدي تصفق كل خطــــوه يخرش " الدملــــول"
كذا مرتني البارح .. مرور المبتـــــدأ والفعــــــــل
وانا شبه الخيال الســــاكن المبني على المجهــول
بحق السالفه يا مجرمة ابشع صفــــات القتـــــــــل
يهون العشق .. ميلاده يطيح براحتـــك مقتـــول؟!
فمان الله يا مرسى البــكاء .. الوجــد .. طعم الرمـل
فمان الجــــرح يـــــــا آخر رمق من حلــــمي المشــــلول
بكيت وطاحت عروقي سذاجة هالخبيث الكهـــــل
ولا شفتك سوى كف الوداع الباقي .. المغلـــــــــول
وامانه لا وجدتي ((كفة التوديع)) شـــــئٍ سهـــل
خذي آخر رســــــاله .. انثريهــــا فوق قبر الغـــــول

· الدملول : اسواره عريضه تلبسها العروس ليلة العرس
· خرشه : قرقعه او رعشه .
· دعنه : هو الدعن ويعني الحصيره من سعف النخيل
· التّه : اركض خلفه