انا عشا ن خايف منك بقلك مدري والله اعلم بس تكفين لا تسوين فيني شي تراني خواف

ههههههههههههه الله يسعد قلبك وروحك ,,,
اقسم بالله اضحك من قلب ,,,,,,,,,,ههههههههههههه ,,,,
مااصدق انك ماتعرف ,,,,,,,,, اشك ومن خلال كتاباتك ان تكون ماعرفت المضمون ,,,,,,,,,,

افااااااا ..

المعنى والمغزى الحقيقي .. في بطن الشاعر دائما ..
واما عن ابداع الأمير بدر بن عبدالمحسن .. حينما قال ..
كانها الفرقا طلبتك حاجتين .. لا تعلمني ولاتكذب علي
هذا الوضوح .. وضوح الشمس .. اي تفسير يراد به ..
اهنئك اختي على ذوقك ..

مرحبا اختي الذيبه ..
بس كأني شفتك من شويه صرتي دجاجه والا غيرتي رآيك؟؟
كانها الفرقه.. طلبتك حاجتين..
لا تعلمني ..ولا تكذب علي
منتهى الجمال في المعنى ..تصوري مدى الحيره التي وضع فيها الشاعر من يسعى لفراقه.. بطلبه هذا ..لاتعلمني...ولا تكذب علي .. فهو رغم ادراكه بان الفرقه هي مطلب حبيبه الا انه يسعى بشتى الطرق لتجنب حتى مجرد سماعها بوضعه في حيره... فان لم يعلمه برغبته في الفراق استجابة لطلبه..فقد وقع في المحضور الثاني وهو الكذب ...
الله..الله

حقيقة يعجز السان عن شرح هاذا البيت ولكن أقول: داّّم خـلى كـنز ألمسـه بيديـين ماشـرهت لعـاّذلن يشره علـّى الاْمــــــل

بدر بن عبدالمحسن حقيقة يعجز السان عن وصفك يابدر ومن عجز عن وصفك ينشل أمام شّرح بنات افكارك ولكني جرئ جرئ جرئ ولك يالذيبه الرد لبيت بدر : داّم خـلّى كنز المسـه بيدين لو يفارقني بيقبى معتلي

المعنى في بطن الشاعر

تحية للجميع
بأعتقادي ان الشاعر البدر قصد من هذا البيت الشاعري الجميل ..
أن لا يخبره محبوبه حين ينوي الفراق ..أيضاً أن لا يكذب عليه ..
أو يجامله ..وهو في قرارة نفسه عازم على الرحيل لا محالة ،،،

عموماً هذا مجرد رأي والمعنى في بطن الشاعر

اوكي دام مافيها خوف انا ابشرحلكم وش معنى البيت وانشالله يعجبكم رايي وطبعا زي ما تفضلوا الأخوان بقولهم ان المعنى في بطن الشاعر واميرنا الشاعر بدر من اكثر الشعراء تصويرا للمعاني المرهفة التي يعجز اللسان عن وصفها

بالنسبة للبيت الأول كانها الفرقا ؟؟ اول شي حرف الكاف من حروف التشويق في الشعر والتي توحي بقوة الإحساس وتصوير الشيء المعنوي بجميع ما يملك الشاعر من احاسيس ويقول كانها الفرقا يعني اذا انكتب على العشاق فراق الله لا يقوله ان هذا اصعب شي يصير بين الطرفين مهما كانت الأسباب ومن تصوير الشاعر ان الذين يصفهم في ابياته يحبون بعضهم لدرجة العشق من قوة الحب !!
فإذا حل الفراق اصبح كل من العشاق البحث عن طريقة لا تجرح مشاعر الآخر رغم انهم نووا الفراق الا ان الكلمة تصعب على الجميع على قائل الكلمة وعلى متلقيها ؟
فيقول الشاعر كانها الفرقا طلبتك حاجتين ؟؟ وحاجته في الكلمتين هي عدم احساسة بالجرح الحقيقي عند تلفظ عشيقة بكلمة فراق .
فطلب حاجتين مهمتين تؤثر على مشاعرة المرهفة والحساسة وهي لا تعلمني ولا تكذب علي ؟؟
يعني اذا نوينا الفراق لا تعلمني ولا تقلي اننا بنفترق لأن اصعب لحظة هي لحظة الفراق اذا فارقت صديق عزيز وش يصير فيك وش حال لو فارقت حبيبك وحياتك وعمرك ؟؟ وش بيصير عليك ؟؟؟؟ صدقوني صعب التخيل والله
عقب ما طلب لا تعلمني بأن الفرقا لازم تصير الحين قال وصح لسانه ولا تكذب علي ؟ يعني لا تجامل شعوري ولا تلعب بمشاعري وانت ما تبيني يوم ربي كتب الفرقا لأني في هذي الحاله بيصير الحب من طرف واحد وهذا الحب ما يصير ولا يسمى حب .
وطبعا هذا مجرد تحليلي للبيتين والمعنى في بطن الشاعر واحترامي لآراء اخواني اللي شاركوا بهالموضوع

لكم تحياتي ويالذيبة لا تبكين هههههههههه
اتمنى اني اكون وصلت معنى الأبيات لأذهانكم وسلامتكم