السلام عليكم ورحمة اله وبركاته ... اما بعد اخترت لكم قصيدة من نظم أبن عمي الشاعر ظافر السهلي ... علـّها تجد القبول ... واكون قد وفقت بالاختيار ... لا أريد أن اطيل عليكم ... سوف أتركم مع طيات ماجاء بالقصيدة وما تلاها من أحداث مشيقه تجدونها في موضوع ( رد الشاعر محمد الدحيمي على قصيدة الشاعر ظافر السهلي .... )

صافحي يد القصيد وهجرسي باللي تبينه**ياهجوس الشاعر اللي للمثايل ما غصبها

يوم مدالناس نايف ويتمنّون السمينه **لا تلدّين النظر باللي موذّيها جربها

ما يطيب القول ياكود ان حضر في وقت حينه**يوم زان الكيف هاتي من تماري في نسبها

لملميها في ثياب الطهر واوصاف الحزينه**وانظميها في سطورٍ تفتخر في من كتبها

واغسليها في عرق رجال رزقه من جبينه**وعطّريها من زهور الروض وإرتح يا لهبها

وريّحيها وتابعيهالين تجلس وسط عينه**والعيون فراشها وإلها الغطا صفّت هدبها

دام مضمون الكلام انفاس فل وياسمينه**خلها تصبح وتمسي من عربها في عربها

لويشوف العين نقّاد الكلام وتابعينه**ما لحق بنت الشرف والجود حاجه يكتسبها

إيه لامن صار عنده للكلام مترجمينه**وايتطلّع فالسوالف ما تعجّب من عجبها

الله الله عقب دمغ الروس يمناك بـ يمينه**كيف صار الشوف الادني ريّح النفس وغضبها ؟؟؟

وانت شيخ القوم الاول من مدينه لا مدينه **وانت قدوة من حما التالي يومٍ جا وجبها

وانت رجل ما يهاب ولا يذل لـ منتوينه**وانت لو انك تشوف النار بتزوّد حطبها

كيف ذاك الراس يرخص فالمتون وفي يدينه؟؟؟ وكيف يمدح موس يقرظ لحيته ويّا شنبها

وكيف يرضى في مذلّة دنيته واسلوم دينه**وعز ناسٍ تدمر الاحسان لو ما الله نكبها

يا شجاعٍ في زمانٍ راح مع زينه وشينه**يا ذليلٍ عقب ما شاف الجموع اللي حسبها

كيف تخلف فالوعود وكيف تصخي بالرهينه**وكيف تخطب بنت ابوهاوتستريح لمن خطبها

كيف عدّيت الحلوف وكيف منطوقك تهينه**لا تجامل يلعن الله من تلوّا في ذنبها

تضحك العذّال فينا وتزعل إعقولٍ رزينه **وانت حلاّل الصعايب لا تمادت في نشبها

وين وقتٍ فات يوم انك قضمت الصم وينه؟؟؟؟انشد اللي ما جهل في نخلة العود ورطبها

من هنا مبداك ياللي غرّك بـ كاس الشنينه **قصدك تبلسم جروحك وانت تمشي في عطبها

والله انك في عيون الناس لك نفسٍ ثمينه **من قبل لا تستذل الروح والذل يغلبها

لكن انت اللي هدمت بنفسك إحصونٍ حصينه **وفاز فيها من لعب ويّاك واللعبه كسبها

خابرك عونٍ لـ منهو شاف جوره من سنينه**وكنت ذخر اللي حياته ضيم والدمعه سكبها

ذاك وقتٍ راح واقفا والضعيف الله يعينه**ولو بدت له حاجةٍعندك اضنّه ما طلبها

لكن اسمع كل فعلٍ شين يطغي فوق زينه**والمراجل ما تقرّب كود من رجلٍ قربها

ابتري يد القصيد وهجرسي باللي تبينه**يا هجوس الشاعر اللي للمثايل ما غصبها



وسلامتكم ( ظافر السهلي )
هذه قصيدة الشاعر ظافر السهلي ..... وسوف أوافيكم بما جاء بعدها ... من أحداث شعريه مشوقة ( تجدونها بعنوان رد الشاعر محمد الدحيمي على قصيدة الشاعر ظافر السهلي )