doPoem(0)
على ذكرى الخفوق اللي فداه من القلوب قلوب
وعلى ذكرى الهنوف اللي تمشّط لـي ذوايبهـا
وعلى طاري تتوب عن الهوى ولاّ حرام تّـوب
وعلى طارى فداك الناس حاضرهـا وغايبهـا
اجي مدري وش اللي جاب قلبي للقصيـد دروب
واشوف حروفها تسلك طريـقٍ حيـل عاجبهـا
واعيش بجوها لين السحاب اللي سرى مغصوب
يـرد لديـرةٍ تبكـي ظمـى وقـتٍ متعبـهـا
وتعيش شعوب في مد السحاب وتستغيث شعوب
ويجود الغيم من وصل المحبـه ليـن يطربهـا
تسابق لهفتي وظروف وقتي والشقا المكتـوب
على من ياخذ اول بنت مـن فكـري ويكتبهـا
اجود بكل مايملـك خيالـي فـدوة المطلـوب
انا قلبي فـدى ونـات صـدري يـوم يجذبهـا
هلا باول تباشير الحروف وسلكها المسحـوب
الين اخر حـروف ابيـات شعـري يامرتبهـا
ابوقد للسهر شمعه وبي معها الظـلام يـذوب
ابي حد الخيال ابعـد مـن الحسبـه وحاسبهـا
هوى غلابها يحكي تفاصيل الهـوى المغلـوب
وحنين اشواقها يرسم امانـي شـوق كاتبهـا
تعازي كلها تحكـي حكايـة قلبـي المنهـوب
مواجع تستبيح ضلوع صـدري ليـن تعطبهـا
فداها خلها تكشـف خفايـا ارثـي المسلـوب
وتفاصيل الحصاد ومن حصد روحـي وعذبهـا
تولم يالسهر هاك العيون ودمعهـا المسكـوب
توكـل بالكريـم ودوك عينـي ليـن تشربهـا
وانا ووسادتي كوع الذراع اللي غدا منصـوب
وحروف اشعارنـا فـدوة عيونـك يامجاوبهـا
معك نكتب عن ظروف الوداع وغيبة المحبـوب
و ثواني لحظـه التوديـع والدمعـه وساكبهـا
معاك وفيك يسري بي شعورٍ بالحشا محجـوب
واسافر مع دجى همسات حبك ليـن حاجبهـا
نعيشك يالسهر لين الصباح بوجنيتـك يـروب
ويزيحك صبح ترقص لـه عصافيـرٍ يداعبهـا
والى من جيتني مع ليل ثاني وابتـداك غـروب
هلابك والحرووف اللي بصدري لـك نزهبهـا
واجي كلى فدى قلبٍ فداه مـن القلـوب قلـوب
ويزين الليل وحروف القصيـد بذكـر غايبهـا
منقووووووووول
تعليق