ياصغيّــر مايكبرني لقــب
هذة قصيدة خالدة للشاعر الراحل الاميــــر/ طلال الرشيد رحمة الله
واتمنى ان تنال اعجابكم ..
واتمنى ان تنال اعجابكم ..
يا صغيـر مـا يكبّرنـي لقـب
ومايصغرني إلى انكرني صغيـر
ما خذينا الصيت من جمع الذهب
ولا نسابة شيخ أو قربـة وزيـر
كاسبينه من هل السيـف الحـدب
الجنايز كان مـا جـاك النذيـر
صيتهم نجم علـى راسـه لهـب
سمعوا الصقهان به واجهر ضرير
بالوفا تاريـخ ابيـض ينحسـب
لا حكوا بالحق حييـن الضميـر
ضيغمـي ٍ للسناعيـس انتسـب
لابتى طلنا بهـا عـرش ٍ كبيـر
عند حدك يا كثير الهـرج تـب
ولا تمر النـار وثيابـك حريـر
كان لـك عـز ٍ بذلـي فتعقـب
والله إلا تبطي وحبلـك قصيـر
احسب انك من صناديـد العـرب
و أثر ساترتك عباتك يا غريـر
ما حسب للسّوس زراع القصـب
والقرادة مـادرى عنهـا البعيـر
لو حسبنـا للحسايـف والتعـب
مابذرنا يـا العصافيـر الشعيـر
عن هلك أبـراي لله و احتسـب
الرجال اللـي مجاراهـم عسيـر
من قريش المصطفى و أبو لهـب
و الدغالب ما غشت عذب الغدير
للرجال مـن الرجاجيـل العتـب
و الزكاة اتحل في حـال الفقيـر
لعن ابو وقتٍ غدينا بـه حطـب
تحرقـه نـارٍ يثوّرهـا أجـيـر
ما ألومك .. الزمن سوّا العجـب
هو بقى غير الكرامـة بالجفيـر
مـا أذل و راسـي يشـم اللهب
لو بقى من شمر ٍ طفـل ٍغريـر
ما أهاب ولا يزلزلنـي غضـب
الشجاعة ورث والعاقـل غزيـر
يا صغيّـر مـا يكبّـر باللقـب
غير منهو كان من دونة صغيـر
تعليق