قصة وابيات :
فيه واحد مسافر ورجع للديرة يوم وصل حول البيت ويشوف جنازة تطلع من بيته …. تسمر في محله ماعاد يدري وش يسوي يوم هذا تقدم له واحد وعلمه بخبر موت زوجته وزي الي ماصدق وفاضت قريحته بقصيدة طويلة وهذا الي اتذكر من ابياتها :

يارجم عديتك وعديت بي البين …. والقلب في راسك تبيح كنينه
مرحوم باللي جهزوا يوم الاثنين …. والعصر من فوق النعش شايلينه
قالوا عجوز وقلت وافالكم شين….الخمس والعشرين عدة سنينه
ياليت يومي قبل يومه بيومين …. والا المرض من بيننا قاسمينه
ياليت كفي حدر خده عن الطين … والكف الاخر فوق صافي جبينه
وجدي عليها وجد راعي بعارين … امسى خلاوي والسرق حايفينه
او وجد من لحقوه طلابة الدين … صكت عمي القايلة مقتفينه