نهار العيد
كلـن نهـار العيـد عـايـد حبيـبـه
وإنا نهـار العيـد ماشفـت الأحبـاب
لاغاب عـن عينـي تراهـا مصيبـه
حسبي على اللي دونهم صكـوا البـاب
إنا احسب إن شوفـة حبيبـي قريبـه
اثره بعيد(ن) عننا ولاابـدى الاسبـاب
من شاف حالي قال لـي وشتبـي بـه
وإنا معـه يانـاس مسلـوب الألبـاب
كني صويب(ن) في ديـار(ن) غريبـه
ماشـوف غيـره والمخاليـق غيـاب
هـذي حياتـي والظـروف الصعيبـه
(لاجيت صوب البيت ردولـي البـاب
ياليتهـا مـن اولاد خـالـد قريـبـه
ربعي هل الطولات شـب(ن) وشيـاب
كـم واحـداً سهلـن علينـا نجيـبـه
وكم شيخ ذاق الموت من عكف الاشناب
تعليق