جيتك أتعذب ملوّن من أطراف الذنوب
من عروقٍ طاح فيها الزمان وداسها
كنت أشيل الشمس من تشرق للغروب
واثرها ترخي حياتي وترفع راسها
ليه نجزى بالتعب .. بالتجنّي .. بالنضوب ؟
ليه ضعنا .. في زوايا محيط أقواسها ؟؟
كل عثره من رياحي تعاهدني تتوب
آه .. ما اسرع مقتل الريح في نسناسها
جيت لك نصفين تنزف .. ويغمرها عيوب
كيف ردّت حياتي عبير أنفاسها ؟؟
أنتي أوّل من حضني على رمل الدروب
وانتي آخر من ملكني بسحر احساسها
كل وجهه في محيطي توجهني جنوب
غصبٍ علي ... لو تموت الشمال وناسها
كل يومٍ قبل أعرفه ترى ماهو محسوب
توني طلت السعاده وصرت إلباسها
إيه .. يقرب للسحابه ويشبه للهبوب
دار عينه .. وامطرت نار ما اقوى باسها
تحترق زهرة وريدي من أنفاس الشحوب
كان يشرب من ضلوعي ويكسر كاسها
وش يقول اللي تلعثم وجرّته الحروب ؟؟
لا جهل برق الثنايا ولمعة ماسها !!!
صرت أناظر له وانا ثلج ما يقوى يذوب
كيف أقرّب من جحيمه .. وافك أقواسها ؟؟؟