ما عاد يغري دفى صوتك ولا اهدابك
قلبي اعرفه الا من صد لا تنادي

لصوت الشاعر الحيران جرس شعري خاص…
وموسيقى حالمة هو وحده فقط من يستطيع أن
يعزفها..قصيدة معنى الحب والحيران..


ما عاد تفرق ..حضورك يشبه غيابك
عندي تساوت تصور كلها عادي
تغير الوضع ما يشفع لك عتابك ..
وفر مشاعرك والاول هو البادي
ما عاد يغري دفى صوتك ولا اهدابك ..
قلبي اعرفه الا من صد لا تنادي
اتعبت منهو رفع قدرك وغنابك ..
قلبك بوادي ومعنى الحب في وادي
دايم تعاند ودايم تجرح احبابك ..
لو كنت صادق معي ما طول عنادي
عطيتك الفين فرصه يمكن القابك ..
قلبا يعرف ويقدر قيمة ودادي
يا للأسف مات كل الحب باسبابك ..
ما عاد لك قدر في عيني ولا فؤادي
كنت اول اموت فيك اموت واحيا بك ..
واليوم فرقاك عني غاية مرادي

فيصل الرشيد (( الحيران ))

------------------
من يشتري قلبٍ همومه ملايين...
ويبيعني قلبٍ من الهم خالي..