ابيك في كلمه لوهي غلط تغفر لي الزله..
ورتك ظامي وان عز وصلك فاقطع حبالي
احبك .. هـذا ترى اول كلامي وآخره كله..
ولكن ويش يضراليوم لوتدري عن احوالي
وخذماجاز لك من هالحكي واللي تبي خله..
انالا قلت مافي خاطري .. والله ماابالي
ظلال العاشـق جروحه ..ومن مايتبعه ظله..
امانه ياشعاع الشـمس لا تغضب من ظلالي
تقدر تطوي الدرب البعيد.. وتقدر تفله..
ولكن صعب تمنع فالهـوى صبري وترحالي
وتقدر تغمد السيف الرهيف وتقدر تسـله..
ولكن عند خلاق البريه .. علم الآجـالي
متى عمرك سـمعت بعاشـق قد مات من غله..
هذاك الحاسد وراعي الهوى تتلفه الآمالي
حـبيبي.. من يعزك فالهوى ماتقدر تذله..
ترى قربك يزيد بالغلا وان عفتني غالي


بدر بن عبدالمحسن