.
doPoem(0)
الشاعر...بندر المحيا
doPoem(0)
صبح القرى وشوش الما فـالسواقي واضْحَك البور!
فـي ساعـة ٍ داهمتنـي لحظـة ٍ مبلولـة رقـاد
ضحكت صدفة وطار مْن النخل تمـرة وعصفـور
بكيت فجأة! وطاحوا مـن دموعـي حفنـة اولاد!
يابيتنا الطين جدرانك، غرفـك، ابوابـك، السـور
مارجعتنـي ثمـان سنيـن لـارض ٍ تّلهـا وهـاد
اذكر قبل مْا ادلف لبابك ركض بـاقدامـي النـور
واليوم دنّقـت لـه لحظـة دخلـت وطولـي إزداد
مُثير جـداً تكـون إنسـان ثانـي يجهـل الـدور
لاصارت الدور تَعْرف ضيقتك مـن بـدّ الاجـواد
تركت صمتي على الشبـاك واستدركـت مجبـور
ادور بيـن الغـرف ملهـوف لهفـة دون ميعـاد
أنده لجدي : ياجدي ليـه صـار البيـت مهجـور
وتهليلتك من صداها سْقوف بيتـك كنهـا اعيـاد!
ياجدي اشهى الهزايـم فـي مدينتنـا مـن الحـور
واشهى انتصار القرايا ضحكتيـن صغـار وجْـداد
ودّهت لنياقـك العْفْـر الجـزال بصـوت ممهـور
وتلافتت لـي تلافـت جايـع ٍ دوّر علـى الـزاد!
وهناك فوق الرفوف الخضر بعض إحساس وشعور
قصايـد مْكسـرة تحتـاج وزن وقافيـة ضــاد
أتّمسك بساريـة بيتـك وَ الارض بوجهـي تْـدور
واقبّل البـاب كـن البـاب متغّـرب وانـا بـلاد
دخلت نصفي هدوء ونصفـي الباقـي بـدا يثـور
وخرجت فـلساني الثلج وضْلوعـي جمـر وقّـاد
فتشت يابـس عـن الايـام مابـه يـوم ممطـور
في جيوبي بروق والغصة بحلقي صـوت رعّـاد!
غبار بيتك هـو الإنسـان والإنسـان مـن بـور
منها خُلق ثلث طين وثلـث دمْـع وثلـث سجـاد
تْمدّن الصحرا الأطفال الصغـار وتكبـر قصـور
واللي نبت طْفل فـالقرية يسنبل رجْـلْ فـمهـاد!
على كفوفي حمام ابيض يرفـرف خمسـة شهـور
اليوم طار بسمواتـي وانـا اندهـلـه ولا عـاد !
ماجا فـبالي أجي شاعر حبيـس بكـف جمهـور
كنت احلم اكون موسى بن نصير ا ْو طارق زيـاد
لو ريحة الطين فاحت مـن ثيابـك قلـت معـذور
ضوضا المدينة تفوح مْن الشوارع ريحـة إجهـاد!
الارض داس ابتسامتهـا "القسـاه" فليـل ديجـور
واجدادنا فـالمقابر مـادروا عـن ظلـم الاحفـاد
قصدي أكون الوحيد الشاهـق المسترسـل الطـور
ليا تنحنحت والريح اتْهَـذي فـي صوتـي الحّـاد
وعليـا تهـز الحنايـا ويتساقـط شِعْـر منثـور
أقول هزّي بِ جذع النْخْل ..هزّت تمـر ماجـاد!
ياجدي عيونهـا "المـا" والسوانـي حنّـت سيـور
نشفت مِـن رمشهـا حتـى نبـع فعيونـي سهـاد
هاذي قصص بندر المتـروك وحـده داخلـه دُور
صَغْر صَغْر لين عـوّد فالقرايـا رجْـلْ فـمهـاد
الشاعر...بندر المحيا
.gif)
تعليق