من زايد الخير استزدنا مناعتا..والله يجزي من عليه توكل..هو زايد لا البشر يبرح وجهه..كرما ولا عن حقه يتنازل..هم العروبه..هم..أنى سرى ودم العروبة في يقينه منزل..فهو الهمام إذا المآثر سطرت..وهو الحديث إذا الرواة تناقلوا..
======================
هذه القصيده مهداه إلى صاحب السمو الشيخ زايد بن سلطان آل نهيان..
حفظه الله ورعاه..بمناسبة عيد الجلوس
======================
المال درب الكريم وغاية الخسران..
الثاني إن هان به..والأولي هانه..
مايقدر المال يرفع للدويني شان..
إلا بعين الذي له نفس خسرانه..
أحب نقض المعاني وأقرن البرهان..
ما أحب شعر يضيق الصدر بأوزانه..
إما سرى في العروق وحرك الوجدان..
وإلا عسى الريح تلعب فوق قيفانه..
ما أقولها عن ظنون وإلا طرب وألحان..
تجري على كل بيت وتلجم عنانه..
قالوا وش تقول بزايد بن سلطان؟
قلت:الشهم من يمينه زاد سلطانه..
أنعم وأكلرم بطاري ذروة نهيان..
وحد وطنا وعلا صرح بنيانه..
القايد اللي بطيبه ردنا خلان..
واللي بعزمه وحزمه رد عدوانه..
الطيب بالطيب يوم أنه الثرى مزدان..
والشر بالشر يوم يفوح دخانه..
في طاعته ما حسبنا للرد حسبان..
من وين يرمي بنا نرمي بنيرانه..
إن قال هبوا نسوق الروح له صفطان..
والله ما همنا كسرى وصيوانه..
تازم تخبط عمايمها على التيجان..
من فعل جيش يزف الموت بأركانه..
الله على ما نقول الشاهد الديان..
إنا لزايد على ما يلفظ لسانه..
هذا الرجل ما يطيع بشعبه النقصان..
رجح لنا بالمكارم كف ميزانه..
أنعم به الله علينا والله الرحمن..
والله إذا حب شعب أختار ربانه..
يا زايد الخير غيثك سيل الوديان..
وأروى قلوب لطاريك شفقانه..
لأجلك عذرنا السحايب وإن جفت الأوطان..
شافت مكارمك وأقفت منك غيرانه..

محمد المر بالعبد..



------------------
من يشتري قلبٍ همومه ملايين...
ويبيعني قلبٍ من الهم خالي..